letschts jahr im märz,genau gno am 27.ha ig üsi bohne zerscht mau,us gaaanz fiiins rosa strichli wahrgno...nach unzählig wiitere ss-teschts ha igs de würklech afange gloube..jeepii schwanger!
nachere ziemli komplikationslose(nur am afang zersch liechti bluetige,wo sech aber us harmlos usegstellt hei)und schöne schwangerschaft,ha ig ihrem et,am 2.12.2010(säuber mi geburi 
)entgäge gfieberet!sie het sich aber zyt gloh u no chli wöue dinne im warme bliibe..bi immer närvöser worde..(vo mim gg wei mir gar nid rede
)bi jedem zieh und stäche.."geits jtz los?"(hingedrii ha i när müesse lache..wöu wes de würkli los geit..das merksch de nähmlech scho.. )am mäntig dr 6.12. hei mir no ungersuechig bir hebi ka u die het när gseit so 2-3täg geits no u när geits los!!ah jaa o.k.
am donnstig morge(9.12)bini am morge ufgstande u ha scho gmerkt..ui da ischs ja ganz nass!!der ganz morge über isch när immer wieder e gutsch cho.aber i ha keini richtige wehe ka,eifach so chli es zie.so gäge mittag,het mi schatz när gmeint"hee wotsch nid langsam mau im spital ahlüte.gesagt,getan(i gloub schüsch hät er no es härzchriesi übercho..)
am eis am namittag si mir när mit packter täsche im spital gstande.
zersch mau ad maschine ahghänkt u ga bisle..ähmm oder umgekehrt..(si hei gluegt öpps würklech fruchtwasser isch oder ig nume e schwachi blase).u när hei si üs usegschickt für ne rundi ga z`loufe.zrugg cho u am vieri hei si när gmeint,mou isch guet,chöit grad hie bliibe..mi blase sig ir ornig..
....liechti..aber de gaaanz liechti wehe ha ig afang ka..so hei mir när üses zimmer bezoge...und gwartet...gwartet...u gwartet..
am haubi achti hets när z`nacht gä..chrüterrisotto..isch ächt no fein gsi.wärend em ässe si d`wehe liecht stärcher worde..
ah jo,vorhär hei si mir no 3!!!!mau versuecht e vene-zuegang z`lege...ehh ja sii mir haut chlii verstoche worde..hase ja gärn die nadle
nachem znacht hets de langsam afo wehdue....bi im zimmer umetigeret..afo verschnufe..(merci gvk!!
)..si zwüschiine uf e gang go loufe...ha feine wehe-tee becho(doch...dä isch ächt lecker gsi)gloub öppe am haubi-viertelvor eufi isch d`hebi cho...(yeah so schön,es het die dienst ka wo mi scho ir ss betreut het)u het gfrogt öb ig id wanne weig....jooooooo gäääärn...inzwüsche isch der mumu scho chli uf..es isch auso vora gange..(2cm ir stund ,auso nid schön nach lehrbuech.. 1cm pro std)
ahh isch das herrlechgsi,i däm warme wasser...so ungefähr e viertlstung..u när ischs mir so was von übel worde..z`risotto isch du när im wasser gschwumme..(riese-riis-suppetopf...äähm jo..)..früschs wasser igloh..mi het me sider unger duschi gstellt...u när wieder dri...ha när irgenwie gmeint,i müessi mi chere u bi när büüchligs i dere wanne gläge...ha mi när niene meh richtig chönne häbe u ha du fasch wöue versuufe...nei seich..aber es isch du würcklech nüme so gäbig gange..d`hebi het du när gmeint,use mit mer und ufs bett.
churz drufabe ha ig när mini 1.presswehe gspürt...jaaa nume nume no wöue drücke..use mit däm chind!!dr mumu isch denn scho ziemli wiit offe gsi,aber äbe nid ganz.es chliises rändli het u het eifach nid wöue verschwinde u iscch när ou ziemli im wäg gsi.d`hebi het aues probiert mit wägmassiere...ungerdesse ha ig när ou eigetlech hei wöue u eifach nume no wöue schlofe..das ha ig när ou gseit..tja nume gnüts hets nüt..si hei mi dert bhaute!
si hei mir när no wöue es mumu-würksams mitteli gäh...tja genau i däm momänt,ha ig mir ire wehe dr vene-zuegang usbisse
..auso ha ig när zuegang nr.4 becho..(i däm momänt isch mir die blödi nadle aber so was vo egau gsii)..mit akkupunktur hei sis när ou no probiert,dass het när ziemli schnäu u guet gwürkt(wobii si när no e nodle gsuecht hei....eh jo usekeit u ig bi drufgläge)churz drufabe ha ig när presst was das zeug hält...(ig weiss jtz no,dass gfüehl,wie in trance,wie wägträtte)u ha ds spital zämegschroue!!!(irgendeinisch hei si no gseh das es fänschter offe isch..
)am schluss si d`härztön vo üsere chliine immer wieder abgsackt...si hei när am arzt grüeft(zwöits yeah...mi fa..dä het ou grad dienscht ka!)dä het üsere chliine när es vakuum-dings a chopf do u bir nächste presswehe so fescht zoge, dass grad d`schnüerli grisse isch...
bir nöchschte isch när üsi chlini bohne, am1.59uhr, sälber usegflutscht..
üsi chlini tochter isch gebore.....(bechume grad träne..snief)i wirde dä ougeblick nie meh vergässe..es isch z`schönschte us beschte wo ig i mim läbe ha dörfe erfahre!!no jtz schmöck ig dä duft vo däm neugeborne mönschli...gseh, wie sie mi ahgluegt het mit ihrem blick wo seit..ig bi do..,zerschte mau,dä chli stüpfer wo mir im buch gäng id rippi gstopft het,ahzlänge,z`gspüre....
das isch üsi geburt gsi...
ah ja churz drufabe ha ig nacheme groooosse glas chauti schoggi verlangt..
stärnli im härze sept 09
Ha zwar (momentan no) ke Angscht u Sorge wäge däm überwäutigende Erläbnis, aber was nid isch, cha ja no wärde 