WINTI MAMI'S De Teil 86!

[Turbohuän]

@Shorna
Wiesethal känni au sehr guet
D'Lenja hät ä furchtbari Nacht hinder sich - und ich au dementsprächend!
Jetzt gahts echli besser mitem Schudderi, aber die Arm chan eifach nöd richtig trinke
Han jetzt so ä Salbi und hoffe, die nützt schnäll.
Ich han jetzt ebe au scho dä Pfnüsel und Halsweh
Jö, d'Yael isch aber au ä Armi mit dene Zäh! Aber da müend halt alli dure, hä!

@alli andere
Wo sind dänn ihr au? Nüt zverzelle?

[Shorna]

@ TH
Ef ufgschniitni Zwieble, hät i dem Alter immer guet ghulfe. Ich hoffe, es gaht ihre schnäll wieder besser, i dem Alter chasch ja würklich na fascht nüt gä.

[Candine]

Schnuderi und Zahnä: Das het d`Gioia im Momänt ou. Ich säg öich, so Nächt hani scho lang nümme gha. Bi vom eis bis am füfi sicher au Stung mau ufgstandä. Vorhär de Maa. Jetzt si abr sicher öpe 4 Zähndli dürebrochä.

Shorna: bis froh, wenn dini Chlii ihri Zähndli glii aui het. d`Gioia isch ja scho 1 1/2 und denn duets eifach immer meh weh.

Turbohuän: Gueti Besserig öich aunä. Das isch so müesahm, wenn diä Chliinä de Schnuderi hei. Ig würdis gloubs ou mau mitere Zwieblä versuechä.

So, ha Arbet: darf äs Chindsgitäschli nähie für e Bueb uf de Geburi und dä isch nächschte Samschtig

Faus no öpert eis bruucht, bitte beziitä mäude bi de im Summer no 2 Wuchä i de Feriä...

[Giri]

ineschliech....
Hallo zäme ich han denkt ich frög mal eu...
Kennt öpper d Freizeitanlage Nägelsee? Mir gsend de immer wemmer mitem Zug uf Winti fahred und ich finde de spielpi meg Cool!

Wüssed ihr öb mer det eifach dörf go spiele oder öb das kein öffentliche Spielplatz isch??? Uf de HP isch das irgendwie nid klar ersichtlich und woni mal bi go luege isch au nüt gstande au kei Öffnigszyte und Benutzigsvorschrife etc....wie susch ja üblich bi Spilpis....

Danke für euri Antworte....

grüessli a alli wo mi kenned
Giri
..und useschliech......

[TiFlaYa]

Hallo Giri
hender's guet?
Auso ich weiss ned wies Nägelsee isch aber bim Hölderli darf meh wenns ned grad vermietet isch au eifach spontan go spiele... jetzt ned so wie ime Öffentliche Park, als ganzi Blotärä abmache oder so, meh muss au go wenn hald wer chunt wo defür zahlt het etc...

Nägelsee
alli "Freiziitalage"

Wenn ganz sicher wetsch go lütisch eifach mal ah, aber ebe im Hölderli und au ir Freizitalag Mattebach darf meh au eifach so uf der Spielplatz... Wenn d'Alage ned grad vermietet sind...

[Shorna]

@ Giri
Ich han no nie öppis gseh, dass de Spielplatz nid öffentlich wär und mir sind au no nie verjagt worde.

@ FlaYa
Wie gahts dir?

[TiFlaYa]

Ich Kugele na... bin gspannt wie ich, die jetzt, wärmerwerdene Täf verträge...
jetzt freu ich mich uf morn... sinder au im Park??
d'Kiz sind gspannt was denn das Blasio - Spielspass für jung und alt isch... mir lönd eus überrasche, wenns Googlisch sinds anschienend Hüpfburge

[Turbohuän]

@Flaya
Was isch morn? Ich bin mit dä Chind ellei und weiss noni genau, was ich wird undernäh!

[Shorna]

@ Turbohuän
Morn ist d Eröffnig vo de Halle 710 im Eulachpark. Wird mit viel tam tam gfiered. Wär sicher no öppis für de Kimi.

@ FlaYa
Mir wärdet scho det sie, de M. mues glaub eh schaffe und ich chume, wenn d Yael gschlafe hät.

[Turbohuän]

@Shorna
Danke für d'Info. Aso das isch innere Halle? Bi däm Wätter... mal luege.
Weisch, ich bin jetzt en Thurgauer und han kein Plan meh was in Winti lauft

[TiFlaYa]

TH
nei ich denk das es au dusse isch
http://stadtentwicklung.winterthur.ch/s ... fuer-alle/

[Shorna]

@ FlaYa
Bisch du a de eröffnig gsi?

[TiFlaYa]

Shorna
ja bin abr sehr entüscht gsii... sind ir Halle go zmittag esse - s'Risotto isch hammer gsii... d'Kidz hend s'Konzert vom Bruno gloset und denn nachi gspielt am halb 3 sind mir die Heime gsii... es het uuh weni Lüüt gha....
Bisch du ned gsii????

[cia1]

@FlaYa
Chas mir vorstelle, es hätts au fast niemert gwüsst das gester Eröffnig gsi isch und bi dem hammer Wetter sinnd sicher viel eher id Badi gange!

@Schuel/Chindsgiiteilig
Endlich hämmer sie gester übercho und Jessi dörf zu dä glich Chindsgilehrerin gah wiä dä Jamie sie isch zerst bi dä ander iteilt worde und d'Chindsgilehrerin vom Jamie hätts grad ändere lah ich bin sooo froh hätts klappet Jamie und Jessi hännd gester vo ihrne Gottene grad en Schuelthek und es Chindsgitäschli übercho und sinnd beid ganz glücklich


Wünsch eu allne ganz en schöne Sunntig

[Shorna]

@ FlaYA
Mol mol, bin au gsi. Aber erst nach em Mittagschlaf vo de Yael. Ich has au eher entüschend gfunde, wenig lüüt und fascht nüt glaufe. De Risotto han ich au de Hammer gfunde und das ist s high light gsi vo dem Fäscht.
D Lüüt wo det am Schaffe gsi sind, händ nid würklich motiviert gwürkt... Das hät sich warschienlich au uf d Bsuecher usgwürkt, wo nid mal id Halle sind.

@ cia
Cool, jetzt sind dini Kidis grüschtet für s neue Schueljahr! Jetzt häsch denn nur na d Alessia dihei.

[TiFlaYa]

Wie gseht das jetzt morn mit Grille us?

[Shorna]

Sind debie, usserd es Gwittered.

[Candine]

Ig weissäs nonid - d`Seraina het wieder Fieber sit geschter Mittag....

[TiFlaYa]

Ich bechum erst morn vormittag bscheid über öbs Shooting am 4ri bi eus hinde use im Feld isch oder am 4ri in Walliselle... Wenns in Walliselle isch deh chum ich ned in Park... gib bscheid sobald ichs weiss... mal der morge abwarte....
Abr es stimmt, s'Kafi Müli het offe und der Spielkiosk inkl Halle 710 hend offe - also au falls es chunt cho regne atraktiv....

[Turbohuän]

@Stundeplan 1. Klass
Händ dä hüt übercho und dä Kimi hät aso 3x am Nami Schuel
Wie isch das bi eui?