WINTI MAMI'S De Teil 86!

[TiFlaYa]

Ich glaub sind alli chley usgfloge...

TH
was machet ihr in Basel?

[Turbohuän]

@TiFlaya
Mir gönd mit mit ere Kollegin wo in Basel wohnt in Zoo.

[TiFlaYa]

Turbohuän
deh wünsch ich euch en schönä Tag in Basel... isch en schönä Zoo hät euch au guet gfalle...

us
mir gönd auso hüt in Eulachpark, wenn öpert spontan na lust hät chömit doch au...

[Candine]

Hallo Frouä! Mäud mi ou mau wieder da im Forum.
Mir si am Friitig vo üsne genialä Campingferiä hei cho. mir heis vo A-Z gnossä!

Jeini: härzlich Willkomme bi üs! Ig bi 33, sit 12 Jahr verhüratet und mir hei drüü Chind. 6,4 u 1 3/4 (M/B/M)
näbe mim Hobby "CANDIBAG" schaff ig 1x pro Wuche im Familiäzentrum.

TiFlaya: Wiä geits öich aune so?

Ig wünsche aune Chind no e letschti schöni Feriäwuchä!

[laudine]

Hallo zäme!

D'Shorna hät mich da iglade. Merci vielmal. Ich hoff, ich darf mich da aschlüsse? Ich han Endi Juni es Meitli übercho und bin mängisch chli einsam, wil ich halt im Fründeschreis kei Mamis han. Isch das okay?

LG
laudine

[Shorna]

@ Laudine
D Jeini ist au es erst Mami und hät im Mai es Meitli übercho. D TiFlaYa und s Turbohuän sind zwar kei erst Mamis meh, händ aber jewiels im Mai und Juni namal es Schätzi übercho.

[TiFlaYa]

laudine
Willkomme... Wenn hesch dis schätz becho? und isch alles guet gange?
hend ihr euch scho chley igwöhnt???

[laudine]

Merci

Mini Tochter isch am 22.6.12 uf d'Welt cho. Mir händ müesse bi 37+6 ileite, will ich chrank gsi bin. 40 h später isch sie dänn cho.
Iglebt händ mir ois, mir händ e gueti Routine. Jetzt liedet sie eifach sehr a de Hitz.

[yakari]

liebi fraue
lan au wieder mal es grüessli da.
hoffe eui chind hend (wieder) guet gestartet i de schuel und im kiga.
mini hend guet gstartet und sind ganz stolz das därfed gah, vorallem madame.
bi eus lauft scho wieder volls programm und täg sind richtig usglaschtet.

laudine
herzlich willkommen

[Shorna]

Hoi Yakari!
Schön, wieder vo dir z läse. Jetzt ist dis Girl au scho im Chindsgi... Die Ziet lauft scho schnäll. Jetzt häsch 3 Chins usser Huus und 2 dihei, ist sicher e Umstellig.

@ TFL
Danke vielmal, für das schöne Geburts Chärtli.

[Bora]

Hallo zäme! Ha also erst hüt gmerkt, dass ich sit em neue Teil no nie benachrichtiget worde bin.
Liese und schriibe aber ab jetzt wieder mit.

@Alli Neue
Willkomme!

@Turbohuän
Ja, zum Glück schriibsch no mit da! Das wär au no, wennD eifach würsch verschwinde........
Forum ohni turbohuän?

@alli
Wie gahts Eu au allne so? Händer schöni Ferie ghaa?
Also mir händ so schöni ghaa, wie glaub scho lang nöme... Also eigentlich die ganze 5 Wuche. Has gnosse mit dene 3 Jungs. Und das schöne Wetter und alles... Herrlich! Chamer ja vo dem Sauwetter jetzt nöme behaupte...

[man]

Hello zämä

Ich chume eifach nie zum schriebä. Momentan schaffi na däzuä viel zviel und denn gahts halt under. d'A.my hät mit de Schuel aagfange und jetzt am Ändi vo de zweitä Wuchä findet sies ändlich toll. Vorher hämer täglich krach gha wege de huusufzgi. phu!

Yasi: danke fürs Chärtli, mega herzig. Ich bin jetzt grad am Geburriiladigä bastlä und schriebä. Hey mis Baby wird scho 1!!!!!

Wie immer bin ich frühe dra mit Wiehnachtsgschänkli bastlä. Hüt mit em M.eo und teils mit de N.aya, morn den na mit de A.my. Morn isch na Seemerdorfet. Wer gseht mer? Also wenns nid mega rägnät simmer sicher dötä.

bis bald

[yakari]

man
ich bin mit mim 1.klässler immer no am kämpfe mit de ufzgi. er isch eifach so en träumer und macht überhaupt nid vorwärts, lieber alles andere weder da wo er sött.
was machsch den du für wiehnachtsgschänkli, wen i fräge därf?

bora
isch ja guet gsi is i de ferie schön gsi und nid umgekehrt.

wetter
grund prinzipiel find ich de rege ja nid schlecht, ich wär aber froh wenns nid immer den abelaht, wenn mini chind uf em schuelweg underwegs sind. bi 4x weg verhebet den d'jagge und schueh au nümme würkli.

bi eus laufts so wies halt so lauft mit chind und da und det en termin wo mer sött warneh.
hoff ich schaffs i zuekunft wieder chli me da inne.

[Fame10]

@Yakari
Ja das glaub ich, dass bi dir immer öpis lauft mit de Chind.

@man
Es freut mich dass dini 1. Klässlerin endlich gern gaht. Warum schaffsch denn du so viel? Häsch en neue Job oder isch grad Hochbetrieb bi dir im Gschäft?
Wow, jetzt wird d N.aya scho jährig. Isch mega schnell gange. Mir gönd bi dem Sauwetter nöd a d Dorfet.

@Schuel
De Jan gaht sehr gern i d Schuel. Er findet d Ufzgi chli langwiilig und isch scho schwer verliebt

[Shorna]

@ Bora
Lässig, dass ihr so schöni Ferie gha händ.

@ Man
Mir gönd hüt Nami mal ad Dorfet.

Das Thema mit de Ufzgi... Das ist au i de 3. Klass nanig besser...

Geburi, ja sägs nid, die Ziet vergaht wie im Flug... Mis Baby wird au scho 1

@ Fame
Jööö, din chliene Sunnyboy. Gaht sini " Fründin" mit ihm id Klass?

Lieber Ufzi langwielig finde, als immer z kämpfe, dass ist au nid lustig.

[Shorna]

@ Bora
Lässig, dass ihr so schöni Ferie gha händ.

@ Man
Mir gönd hüt Nami mal ad Dorfet.

Das Thema mit de Ufzgi... Das ist au i de 3. Klass nanig besser...

Geburi, ja sägs nid, die Ziet vergaht wie im Flug... Mis Baby wird au scho 1

@ Fame
Jööö, din chliene Sunnyboy. Gaht sini " Fründin" mit ihm id Klass?

Lieber Ufzi langwielig finde, als immer z kämpfe, dass ist au nid lustig.

[mary]

....sorry, schliech mich kurz ine

Fürs Muki / Elki Turne in Wülflinge (nöchi Bahnhof) sueched mer dringend nomeh turnfreudigi Kind (3-5 Jahr) und lässigi Mamis/Papis
http://www.tv-wuelflingen.ch/index.php?section=elki

Es isch halt neu am Abig (wäg Hallemangel), das passt nid allne, het aber au Vorteil! Z.B. cha viellicht de Papi mal gah - und d Chind sind schön ustobet und chönd scho bald selig go schlafe

Au Uswärtigi sind willkomme!
Es isch de Plausch! Also klicket uf de Link und meldet eu grad bi dä Tamara.


wieder useschliech...

[Shorna]

@ Mary
Tönt spannend, mini chlie ist leider nachli z jung. Ev. i 2 Jahr.

[Shorna]

[coloLiebi Rahel, nachträglich alles liebi zu dim 6. Geburtstag! Ich hoffe, häsch es schöns Fäschtli gha! (und en feine Chueche)r=#BF0080][/color]

[man]

Wiehnachtsgschänkli: de M.eo hät Cappuccinopulver selber gmischt und den s'Glas aagmalet. d'A.my macht verzierti Niveadöslideckeli und mit de N.aya machi Handabdrück uf Tüächli.

Wetter: das Weekend hetti d'Dorfet sölle sii. Denn wäris glaufe... mir gnüsset d'Sunne namal.

Ufzgi: also d'A.my isch so wiit das sie sich extra ufgabe holt. es seg ihre langwillig... äs typischs Wyb! Ah ja, bim letschte Striit hetti sie sölle Null schriebe. Da seit das Meitli: Mami glaubsch würklich das ich die Zahl bis as ändi vo mim Lebe bruche?

fame: im gschäft isch eini chrank und schaffet nur zwei stund pro Tag und die anderi isch schwanger und muen alles liege, und das siit sie ide 10 Wuche isch, Termin hät sie mitti Januar... da häts mich es biz meh brucht. aber jetzt chani nur na am mittwuch und denn verdieni bis im November wieder nüt. resp. de lohn wird erst im Dezember uszahlt.... ah und den hani gmerkt das mir im juli kei abzüg gmacht worde sind, es isch mir nur im Juli ufgfalle und sie behauptet es segi s'ganzi jahr so gsi und ich muen d'abzüg retour zahle. Ich bin also go schaffe und ha doch nüt dävo Leider hani die verd... abrächnige nid phalte