Rüti ZH und umgebung Teil 2

[tigerfink]

Händer alli schöni Ostere gha? Ich find ja so Festtäg immer recht astrengend wenn mer immer und überall mues go Lüüt bsueche.

@mami82
viel Spass bim irichte! Es brucht scho Ziet. Bi eus häts immerno die eint oder andere Chiste wo nonig uspackt isch. Und mir händ afangs Dezember züglet...

@kafi
Mittwuch wür mir au gah, aber eher Namitag. Mir sind kein Früehufsteher Han no zum z'Mittag abgmacht und dänn chani no go massiere. So abem 3 wärerd mir parat.

[mami82]

@tigerfink
ha sicher au sache züglet, woni gar nüm bruuche. ha jetzt weniger platz und stauruum als vorher. git denn au weniger unnötigi sache.

@oschtere
ich han generell nid gärn so fäschttäg.
d'schwigis sind ohni amäldig uf bsuech cho, natürlich hends no kei zmittag gha. ha denn no müese für sie mitchoche, obwohl ich nüt extra poschtet han. ha defür am mäntig nix meh dihei gha! grrr!

@kafi
also tigerfink, i bi debi. morn uf die 3. wider in rüti im migi? mini tochter hett denn es knall-rots mänteli a. freu mi! falls schuscht no öpper luscht het, eifach ineschneie.

liebs grüessli

[princessoftheörps]

Ui das isch mir jetz z schnäll gange. Han gmeint ihr reded vom nächschte mittwuch.. Janu, es anders mal..

[Evolet2011]

Soo wi gats eu allne??

Mir züglend bald uf wald!! wer wohnt au det obe??

[Darvida2007]

Hallöchen mitenand, bin au es Mami us Rüti und wür mich au gern i dem Tread mit eu ustusche, wenn das okay isch?

Mini Tochter wöt eifacht kei Wasser trinke obwohl sie scho 3 Mahlziite am Tag ist (isch jetzt über 8 Mönät alt) händ ihr evtl. en Tip?

[Evolet2011]

Hallo darvida2007
Klar chasch da mit schribe!!
Drinkt si dän tee oder anders?? Mini trinkt bis hüt (knapp2 jahr alt) au kei bluts wasser. I han wo si chliner gsi isch eifach breili und menus chli wässriger gmacht. So das si bim esse chli meh flüssigkeit het.

[mami82]

hallo zäme. alles klar? de winter isch wohl nonig dure april, april, macht was er will.

@princess
chömmer gern widerhole, das du au chasch debii si. wänn häsch du denn ziit für es kafi?

@evolet
mir wohned au in wald. naja, eher usserhalb... wenn züglisch denn? oder hesch scho?

@darvida
willkomme. has au so wie d'evolet gmacht, eifach brei verdünnt. zwüschet inne het si par schlück wasser gnoh. vom tee hett si immer uuh vil trunke. vilicht hett din schatz au lieber wasser mit aroma?

@üüs
mir hend üs super iigläbt. s'züri-oberland isch traumhaft!! kenne mi scho rächt guet us, bi ja früehner scho immer wider chli da "obe" im uusgang gsi. am büsi und mim schnüseli gfallts au uuuh guet, sind richtig uftaut.

hett öpper luscht uf e kafirundi?

liebs grüessli mami82

[Evolet2011]

Hey mami82
Nee mir züglend am 1 juni ufe.

[princessoftheörps]

@Kaffi
Mir gieng nächscht wuche zischtig&fritig..

[mami82]

es hät tatsächlich nomal par zenti schnee gäh!

@kafi
ziischtig isch super!! bin debii. morge oder nami? wer chunnt no?

@evolet
das isch ja scho glii. demfal flissig am chischte packe? bin froh hanis hinter mir. isch müesam gsi mit emene 2jährige wo die ganz ziit mama, mama rüeft...

[Evolet2011]

Mami82
Eusi chli wird wärend em umzug bim gotti si. Da mir das theater ebe chli blöd isch! Najs flissig isch na übertribe. Frühe packe isch au nit guet. Nachher mümer na inere leere wohnig huse

[princessoftheörps]

@zischtig
Morge wär ok für mich, am nami sött ja chlii schöners wätter si, den ischs für mini jungs fasch nöd iszhalte wenns nöd use chönd..

[tigerfink]

@princess
Migros hät au en usse spielplatz

@kafi
Zistig würi evtl. au cho, eifach ohni Chind. Die sind nämli dänn idä Kita Chunt eifach chli druf a, uf wänn dasi mis Vorstelligsgspröch chan abmache.

@zügle
Mir händ eusi chind au "abgschobe" wo mir züglet händ. Mir händ Babysitterin bstellt. Sie hät bi eus übernachtet und isch am Zügeltag mit dä Mädels zu mim Brüeder hei. So händ mir schön chöne vorwärts mache.

@mami
Mini Gross hät gad das Wuchenend nach dir gfrögt

[tigerfink]

Und ganz vergässe:

Herzlich Willkomme liebi Darvida! Kenn das Problem mitem trinke nöd, mini Wiebli händ eigetli immer schön Wasser trunke. Mal verschiedeni Bächer usprobiere wer vielliecht au no öpis.

[princessoftheörps]

Hallo zäme
Hocke grad bim zahni
Muess evtl morn passe, min chline het sit geschter über 40grad fieber..
Fritig würd mer drum wider besser passe

[mami82]

hallo mitenand

@prinzess
wünsche dim chliine gueti besserig! hoffe er chunnt bald wider uf d'bei.
känne das mit dem uustobe. jedes mal wenn i im kafi gsi bin, gangi trotzdem no mit mim schnüseli go spaziere und fangisspile.. schuscht bringi si erscht uuh spaat und widerwillig is bett. mittagsschlaf chani schuscht au vergässe. hend grad 2täg ohni hinter üs. isch furchtbar müehsam gsi, da sie ihn no bruucht.

@kafi
s'kafi verschiebemer demfall. friitig gaht mir ebe nid, bi am schaffe... wie gseht bi eu nächscht wuche us? oder übernächscht? mir chönnted bi schön wätter au mal in rappizoo?

@tigerfink
jööö, das isch denn süess vo dinere grosse. si isch e ganz es tolls meitli!

@evolet
ha mini chlii niemertem chöne bringe, sind all am schaffe gsi. mir hend unter de wuche scho agfange vil zügle, da mir uuuh vil ziit mit de distanz verlore hend. am weekend hett ihres gotti geburri gha, und isch mit ihrem maa furt gange. schuscht isch si ebe eeh imene schub gsi und total a mir kläbet. mini eltere hend au ghulfe zügle, die chlii hett aber immer bi mir welle si...
guet hesch öppert zum si bringe.

[Darvida2007]

Hallöchen mitenand

Ja ich versuech es jetzt mit Tee. De Chindertee vo Holle hät sie nöd wölle, gib ihre jetzt Kamilletee (extrem verdünnt) und das klappet jetzt besser.

Danke für de Tipp, ich wird jetzt ihre s'esse mit Wasser bimische.

Wo machet ihr so euri Spaziergäng in Rüti?

Meistens gahni nur id Migros und wieder zrugg, und das isch immer so schön de Strass entlang. Villicht händ ihr no Tipps?

Jedesmal nach Rappi usefahre isch au nöd so toll.

Gahn nachher wieder richtig Migros, hüt Abig gits Bsuech, wünsch eu en schöne Tag.

Lg

[Darvida2007]

@Evolet2011

Ahhh so schön Wald... Bin der usgwachse und es isch herrlich für Chinde.

[tigerfink]

@Mami
Ja, mängisch isch sie en richtige Goldschatz
Häsch bi dä Arbet wäg dä Tag scho chöne luege oder isch immerno mal so mal so?

@kafi
Aso nächsch Wuche hani glaub no nüt vor. Wür aber Donnstig oder Frietig vorzieh will min Ma vermuetli Mäntig bis Mittwuch frei hät. Übernächsch hämmer au no nüt vor.
Chinderzoo sind mir sofort däbi

@princess
Wie gahts dim chline?

@darvida
Rüti hät scho es paar schöni Fläckli z’büte. Chunt halt ächli druf a i welere Region dassd wohnsch. Mir chönd bi eus amig en lässige Rundgang mache wos zwei Buurehöf hät und mir ganz viel Tierli chönd aluege.

[mami82]

@tigerfink
guet seisch öppis wäge frei mache... nächscht wuche isch ja scho erscht mai-wuche! ich mach am mittwuch demfal frei.
wägem schaffe isches so e sach... ha jetzt meischtens de friitig, jedoch hett de hef no öppis mit mir vor! sprich ich chan vermuetli d'abteilig wächsle. wirdes ändi wuche erfahre.

@darvida
wäge rappi: sicher nid jedes mal, aber bi schön warmem wätter einisch?
was gits denn in wald für tolli ort/sache für chliichind? känne s'dorf leider nonig guet, da mir sehr abseits wohned und erscht sitemene monet. schuscht laufi au de höf entlang, go tierli luege. oder ganz tüüf durch de wald bis abe is dorf.

@kafi
nächscht wuche wür mir de dunnschtig au gah.