Januarlis 2016 - das Purzeln hat begonnen

[Chugeli82]

Vo wo chömed ihr so? I wohn grad bi Affoltere am Albis...

[Embryo]

@sheryl1980: Ich wünsch dir ganz viel Glück für morn und dass alles in Ordnig isch!

Ich han min Termin erscht am 16.06. Gaht na meega lang..
Aber ich freu mich sehr druf!

[Heutierli]

sheryl: dörfsch eifach nid entüscht si wenn no nüd gsehsch.. bi mir het me so früeh nie öpis gseh und das het mich enorm verunsicheret. drum gangi diesmol sicher nid vor endi mai sofern alles guet lauft.

[Wendy]

Ich han au kei Beschwerde. Ha bin erschte scho kei gha und wenn's wieder so isch bin i ganz Glücklich. Eifach chli meh müäd, aber das isch nid schlimm.
Ich dörf am 8.5 zum FA bi 6+0. isch sehr früäh und gseh wird mä ja nonig viel, aber ich söll chli hüfiger gah, da ich au scho ä missed abortion gha han und wenn öppis wäri, dass es denn nid wieder Wuche lang nüm lebendig i de Gebärmuetter wäre.

Wünsch eui allne en schöne Sunntigabig

[sheryl1980]

@Sarenz
Merci vielmal!

@Heutierli
Ja han mich mental scho druf vorbereitet, das mer ned viel gseht... Für mich isch es scho mal wichtig zum wüsse, das es richtig "sitzt", han drum au scho e Buchhöhleschwangerschaft gha. Es tuet mir leid, das Du scho so viel trurigs häsch müese erläbe Dasmal klappets hoffentli bi eus allne. Danke für Dini Vorwarnig.

@Wendy
Ich bin morn au erscht 5+1 bim erschte Termin, gang aber useme ähnliche Grund wie bi Dir so früeh. Ich brichte denn

Es schöns Äbetli allne

[Waschbär88]

Hallo Zäme dörf ich mi au no drzue tue? Ich ha letscht wuche scho positiv testet bi jetzt ungefähr 4+3ssw
Termin wer 9.1.16 es wär unser zweits kind mir hend e bald 3 jährig!!
Es isch unser dritt versuech ich ha letschts joor e Elss gha und e Missed Abort in dr 10ssw dorum bini biz nervös.
Frauearzt termin hani am 11.5 zum luege obs in dr Gebärmuetter sitzt!
Lg

[Jalia]

Danke für die Glückwünsche.
Ich finde es schön, dass wir nun mehr geworden sind
Gratuliere auch allen Schwangeren.

@sheryl1980
Viel Glück heute beim FA.

@Beschwerden
Ich habe Brustspannen, ein Ziehen, starke Müdigkeit, manchmal ist es mir etwas übel. Bin meist um 20 Uhr recht müde. Ich muss in der Nacht auch mindestens 1 mal auf die Toilette.
Ich weiss aber nicht ob es auch Nebenwirkungen vom Utrogestan sind....

@FA Termin
Ich habe noch nicht angerufen, werde wahrscheinlich Ende dieser Woche mich mal melden....

[sheryl1980]

Guets Mörgeli

@Chugeli
Ich wohn aktuell in Urdorf, aber mir zügled im Summer is schöne Wehntal

@Embryo + Jalia
Danke für d Wünsch, hät gnützt!

@Waschbär
Herzlich Willkomme! Drucke ganz fescht Duume das dasmal alles guet gaht.

ich: alles guet gange bim Gyni, mer hät e Fruchthöhli und e sehr guet ufbauti Schlimhut gseh. Es "sitzt" also richtig... Juhuuuu! D Ärztin hät gmeint, sie gsäch scho meh als das sie erwartet heg. Ich därf i zwei Wuche nomal ga, denn set mer s Härzli gseh pöpperle

Wünsch Eu es super Tägli

[Embryo]

Hallo zämä

@Chugeli82: Ich wohne i de Nächi vo Winterthur.

@sheryl1980: Das freut mich sehr für dich! Gnüsses!

Wünsche au allne es schöns Tägli!

[Waschbär88]

@Heutierli ha grad gläse das mir s glich hinter uns hend! Diesmol muesses eifach guetcho!

@all ich kum übrigens usem Kt Solothurn..aber Region Basel
Mini Symphtom sind Brustspanne und ab und zue biz übel..
Und es mega zieh in de Scheide het das öbber vo eu au? Mach mir scho wieder sorge..

Wem hend dirs scho alles verote? Bi uns weisses erst e Schwester und mi best fründin..mir sind dasmol biz zrugghaltend well die letschte mol alli so mitglitte hend und entdüst gsi sind was für mi grad nomol schwerer gsi isch,.

[dome]

Ich chume usem züri oberland
@waschbär88
Bi mir zwickts ab und zue das hani bide anderne ss au gha.

lg

[sheryl1980]

@Embryo
Danke das machi! Isch halt scho es wunderschöns Gfühl, han scho fascht vergässe wies isch... Isch aber au scho 8 Jahr her

@Waschbär
Nei, es zieh i de Scheide hani jetzt no nie gha. Säge tüend mirs relativ bald, emal eusne Familie. Bis jetzt wüsseds eusi Chind und mini Schwöschter.

@dome
Wo genau im Züri Oberland? Ich han es Ziitli z Volketswil gwohnt

[dome]

@sheryl1980
Ide nöchi vo rüti zh

lg

[Sarenz]

@Jalia
Da du de Tread göffnet hesch, bisch du jo sozsäge euse Admin. Möchtisch ev. au uf de vorderst Site alli Januarlis ufliste, de hämer chli en Überblick?

@säge
Bi eus weisses mini besti Fründin und suscht no niemerts. Mir wärde aber am Sunntig eusi Eltere ihweihe. Eigentlich hämmer bis nachem 1. Untersuech welle warte, aber am Sunntig isch Muettertag und mir händ das irgendwie grad passend gfunde. Händ eusne Eltere je es Buech kauft "Hilfe wir werden Grosseltern". Blueme cha jede schenke, das nid..hämmer eus dänkt. Zudem trink ich sehr gern ame es Glas Wii zum ässe, vorallem wenn mir bi eus dehei sind und Gäst händ. Die würde das sowieso grad merke, wenn ich kei Wii trinke und strahle wie ein Mariekäfer..

[Heutierli]

@säge: bi uns weiss es eigentlich no gar niemerd.. bim letschte Mol hanis es paarne gseit gha.. diesmol weiss es no nid mol mi FA.. mir wärdes erscht nach de 12 Wuche und nach em ETT säge.

[Embryo]

@Waschbär: Ich han au ab und zue es Zieh. Ich glaub das isch normal.

Ich hans bis jetzt mine Eltere gseit.
Aber min Schwager, mini Schwöschter und min Brüäder händ mich au scho druf agsproche und au Kolleginne. Es isch ihne sofort ufgfalle, will ich kei Alkohol meh trinke. Und suscht trink ich immer es Gläsli mitem Bsuech oder ame Fest Bestätigt hanis bis jetzt nanig.

Ich han geschter spontan zum FA müässe. Ich bin ein Monet nach de MMR-Impfung schwanger worde. Und ich han ime Buech glese, dass ich 3 Mönet het sölle warte. Mini FA hät mich denn sofort ufgforderet zum verbicho. Sie hät denn na müässe in Spital alüte. E Rötelnembryopathie seg eher gring. Aber ich han recht Angst und mach mir au Vorwürf. Min Arzt hät mich leider nid drufhigwiese vor de Impfig. Ich hoffe jetzt s Beschte.

[sheryl1980]

@Jalia
Ou ja das wär natürli super wenn Du chäntsch en Übersicht uf de erschte Site mache

@Embryo
Oje, tuet mir leid das Du Sorge häsch. Was bedütet denn das jetzt genau? De Arzt isch aber au en Dösel, so öpis wichtigs mues mer doch säge

@Esse
Was müpft eu am meischte bi de "verbotene" Läbensmittel? Also ich für min Teil vermisse waaaahnsinnig min gliebte Camembert... Ussert das mir de Kafi nüm so schmöckt chänti alles ässe, und zwar in grosse Menge Wie gahts eu so mit Glüscht und Abneigige?

[Embryo]

@sheryl1980: Danke dir! Mini FA hät denn ame Spezialist aglütet und die hät gseit das Rötelnembryopathie eher gring seg. Ich sölli mir nid meh Sorge mache als suscht. Mir sött d Impfig zwar vermiede. Also eigentlich söli mir kei Sorge mache, aber trotzdem sött mer d Impfig vermiede. Hmm.. Ich muen jetzt abwarte. Han im Internet glese, dass es scho öfters Fraue passiert isch und die gsundi Babys uf d Welt bracht händ

Also die Wuche hani sehr hunger. Chönt de ganz Tag esse. Mängmal heti Luscht ufes Red Bull. Aber suscht vermissi eigentlich nüt. Ich versuch mich gsund z ernähre. Glüscht und Abneigige hani eigentlich no kei. Das chunt denn sicher na.

[dome]

@glüscht
hani kei ich ha ide erste 14 wuche immer apetislosikeit.ich nimm idere zit au immer 10kg ab. Für mich en forteil
Bi mir wüssets all.
lg

[Waschbär88]

@glüschtli Ich ha Spargel lust mit Hollondaise Mhhhjam und leider uf Salami und Bündnerfleisch wo me jo nit dörf ..
Scho bi minre 1 ss mit dr kleine hani mi fast nit könne zrugg hebe und am obe nachem Kaiserschnitt e Bündnerplatte bstellt im Spital

Ich gang doch scho morn kurz zum FA ich hoff me gseht e Fruchthöhli in der Gebärmutter damit ich widr ruhig ka schlofe..
Am liebste würd ich 7 wuche voedreie an dr Zyyt und alles wer guet!