Januarlis 2016 - das Purzeln hat begonnen

[Nici87]

@embryo: goht üs demfall genau glich. Nur isches bi mir am morge am schlimmste. Wenn ichs denn mol in griff übercho ha, und mindestens all 2h öpis iss, isches ushaltbar. Hüt gohts gar nid, bi sittem 6i wach und s wird nid besser. Ich wird glaub etz denn e tablette neh. ha grad bin arzt norgfrogt, sie empfehled s paspertin.

@müde: goht bi mir momentan. Scho müeder wie susch, aber nonig so, dasi am tag müesst aneligge und schlofe.

@dome: wow, bewunderswert, wie du da machsch mit 4 chind, und au no so positiv denksch. Ich versuechs au, s isch jo würkli es guets zeiche, aber hüt bini echt nur am hüüle.

@jeanny: au dir gratulation zur SS, und willkomme!

[dome]

@Nici 87

oh nei das tuet mehr leid. Ich chent mengisch au hüle wens eim so sch... gaht.
isches dir ide erste ss anderst gsi?

Ich muss sege jedi ss findi isches schlimmer worde. Das merki nu scho a mim rugge cha nid lang stah und bi erst ide 9 wuche......
Ich hofs dasi weni wider fitt bin das mitem fitness echli cha reduziere mite schmerze.
ich denke 5 schwangerschafte und 4 geburte isch scho e strapatze für de körper. Aber ja nu da mussi dure hihi drum duni immer positiv denke was am schluss derbi use chunt

@neue
herzlich wilkomme und herzliche glückwunsch zur ss
Lg

[Nici87]

@dome: ide erschte SS isch mir au schlecht gsi. Aber döt hani "nur" müese go schaffe und dihei hani chöne ligge. Macht mir uh z schaffe, dasi für min sohn nid cha do si. Hüt bini nur ufem sofa glege, min ma hät alles gmacht. Aber abem zischtig mue ich wieder ellei z schlag cho. Kei ahnig wie... Ha hüt nomittag au müese erbreche und sitt döt mag ich praktisch nüt esse. Dur da isch mir au wieder schlecht. Chum wie nid usem tüfelskreis use.

[Lucine]

@SS-Anzeiche: Haltet dure liebei Fraue. Ihr wüssed ja, das isch es guets Zeiche. Bi mir hingege tue sich so zimli gar nüt. Ganz wenig zieh im UL und biz empfindlichi Brüst. Aber han weder Übelkeit, no Müedigkeit no Abneigige. Tönt zwar positiv, verunsicheret mi aber extrem. Hett gern au chli meh azeiche, fühl mi so unschwanger. Gahts öpper anderem au so?

[Sarenz]

@lucine
Am ahfang ischs mer suno so gange! Hami soo unschwanger gfühlt.. Bis froh, solangs der no guet goht! Bi mir ischs def. verbie! Mir isch de ganz Tag schlächt, au nachts weni ufwache! Guet gohts mer eigentlich nume während em ässe, 5 min nachem ässe isch alles weder glich.

[dakapo]

@lucine: mir geht's auch ähnlich. Bis auf ein (momentan leider etwas stärkerem) Ziehen im UL und alle paar Tage mal ein leichter Schwindel hab ich auch keine Anzeichen. Bei der ersten SS war ich auch das blühende Leben, da ist es jetzt schon etwas "schlechter". Also mach dir keine Sorgen, deinem kleinen Bauchwewohner geht's ganz sicher prima.

[Nici87]

@lucine: gnüsses, dass nüt merksch! Bi mir wirds immer schlimmer. Ich verwach ide nacht andauernd, wills mir so schlecht isch. Ha vorher 15min brucht zum 3 salzstängeli und es halbs knäcke abewürge. Nochher magekrämpf und denn isch alles wieder ufecho. Ha denkt, weni mue erbreche, gohts wenigstens besser. Aber s isch mir immer no schlecht.
Und denn chunt halt au bi mir d angst, öb denn s baby nid unterversorgt isch, weni gar nüt meh mag im mage phalte. Wird am zischtig mol em arzt alüte, aber de cha jo eh au nüt mache. Irgendwie muenis durestoh, obwohl ich kei ahnig ha, wieni die 6-8 wuche söll überstoh.
Sorry für de lang ego-post. Bi recht am verzwiifle.

[dome]

@nici 87
duet mehr leid das es dir so gat.
ich nim i jedere ss 10 kg ab und bis jetzt isches de kind immer guet gange. Bi jetzt hani scho 3kg wider abgnah. Da ich mich nur durch zwiback ernhäre oder wens mal klapt es hämpfeli kartoffel und spinat. Leider cha ich dir nid mal e lösig sege was hilft da ichs selber nid weis.aber mir stömd das dure. Aber lüt glich mal am fa a wel wen du garnüt meh chasch bi dir lah au trinke nid den wirds au gfehrlich für dich weg de flüssigkeit.
Langsam trinke in chline schlück und au bim esse langsam und chlini biss das hilft mir es bitz das es nid gad wider ufechunt. Pro bier mal na cola eifach luege das es fast bis kei kolesüri het das hilft au es bitz.


Lg

[lela85]

@lucine,
Bin froh gahts nid nur mir so... han scho denkt, das irgendöpis nid guet isch... ich han mengisch au z gfühl nid so schwanger z sii... aber so wini lese, isch das nid so unüblich und mer settet froh si, hemer die Nebewirkige nid so...

[Nici87]

@dome: danke! Ha etz au scho 2 kg abgnoh... Richtig schlecht gohts mir aber erscht sittem samstig, vorher hani normal gesse. Ha geschter no mit mim arzt telefoniert. Wenn ich mich nur no übergeh hett, wär er id praxis cho hüt, weg de infusion, so lieb! Aber has am nomittag chöne hebe und erscht am obig wieder erbroche.
Morn wirdi aber glich e infusion go mache, fühl mich so schwach.

[Sarenz]

@abneh und nüt ässe
Mini besti Fründin het au 10 kg ide erste 4 mönet abgnoh, ihri Tochter isch aber de met über 4200 kg ufd welt cho und kerngsund! Ich verstand aber alli bedänke.

@ässe
Ohjee, bi eus isch grad Pfingsmärt. Bini so wie immer für eus zum zmittag 2 piadina go hole! Dhei feein dribisse.. Mmhhh! Schock!! Das isch jo Rohschinke!! Und de Käse weissi au ned obi de döf ässe... Guet, inhalt usegnoh..met fleischkäse ersetzt und GG het freud ade doppelte ladig gha! Hoffe so es paar bisse mache jetzt nüt!

[Heutierli]

sarenz: der käs hättisch 100 pro chönne esse. wird ribkäs oder schmelzkäs gsi si und die darfsch alli esse... nur so extremi stinkweichkäs sottsch miede..

[Trixli83]

Hallo zämme

Ich gratulier Euch allne zur Schwangerschaft. Gärn möchti mi Euch vorsichtig aschliesse, ich ha in unsere Ferie s'erschtmol e positive Tescht dörffe in dr Hand hebe (5 Mai...). Mir händ uns mega gfreut (üebe siit em Juni 14).

Vor äre Wuche bini bim Arzt gsy und ha uf em Ultraschall s'Härzli gseh schloo. Wow unbeschrieblich... aber dos no frieh isch hani irgendwie au Angscht mi zfescht zfreue... De Eltere hän mirs nonig gseit.. Bis jetzt wüesses 6 ängi Fründe.

Do no mini Agobe:
Trixli83/ BL/ 83/ no keini Kinder

Ich wünsch Euch e schöne Pfingschtmäntig und freu mi uf dr Ustusch mit Euch...

[Trixli83]

Ou dr errächnet Termin hani no vergässe 10.1.2016. Nöchschti Kontrolle bim FA am 22.6 (12. Wuche...).

[Heutierli]

wenn ich richtig gseh ha, sin mir jetzt scho 3 us em kanton bl? *freu*

[Lilu11]

So au registriert Wird uns sicher allne sehr guet due uns chönne ganz offe usztusche,wiäs uns grad so goht

[rosie87]

Hallo zäme
Bin neu hier und möchte mich gerne euch anschliessen... vor eineinhalb Wochen haben auch wir positiv getestet - laut Internetrechner ist der Termin am 20.1.2016...

Wenn ich hier so lese, bin ich direkt froh, dass ich bis jetzt "nur" müde bin. Mein Unterleib zieht ein wenig und die Brüste sind gewachsen.

Gesagt haben wirs bis jetzt noch niemandem. Wir möchten erst den FA Termin am 11.6. abwarten, bin schon seeeehr gespannt! Da es aber meine 1. SS ist, bin ich auch ziemlich unsicher... Vorallem auch, was die Rohmilchprodukte und die Katzen betreffen, da wir einen Bauernhof haben. Die Katzen sind zwar draussen, aber wir haben gerade junge Kätzchen, da lässt sich der Kontakt nicht vermeiden... Milch trinke ich zwar nicht so oft... ich meide sie jetzt einfach mal ganz. Was meint ihr dazu?

Ich freue mich sehr auf den Austausch mit euch!

Meine Angaben: 20.01.2016 / rosie87 / SG / 87 / noch keine Kinder

Liebe Grüsse

[Waschbär88]

@heutierli ich zähl mi au zu BL bi nämli dert ufgwachse
Usserdem wohne mir an dr Tramlinie 10

[Lucine]

@ alli mit Brustspannen

Isch bi ois s'Brustspanne immer glichstark oder mal meh mal weniger? Ich has plötzlich grad so wenig das ich mir fascht chli sorge mache...
Han morn endli min erste US-Termin. Drucked mir dä Dume das alles ok isch

[Jeanny87]

@ Brustspanne
Bi mir isch es au nid immer glich stark, ha denn au ame s'gfühl, dass öbis nid stimmt, aber denn chunt plötzlich wieder stärker, isch zwar chli "unagnähm" aber beruhigend. Wird sicher alles guet si.

@ BL
Schön sin es paar usem Baselland *freu*. Vo wo sin ihr denn?

@ me
Ich ha ame so chli wie Kurzatmigkeit, ha s'gfühl mis Härz rast, aber zum "richtig" Luft becho, müessti fast wie gähne... Kennt das Gfühl au öber vo euch?