Juhu auch wir legen los Teil 4...

[Nilaya]

@Chrissie: Ei Tag weniger schaffä macht scho vil us. I schaffä im Gsundheitswäsä. Eigentlich 90% aber wiä so oft i dem Berich sis de glych öbä meh:S
Weisch de scho wiä ihrs mit Baby würdet machä? Wettsch witer schaffä oder Pousä machä?

So schön wenn di Maa so guät mit Chind cha. Es het ja ou sini Vorteil wenn mä scho bi Anderä chly cha ga usprobierä. Ou wenns natürlich nid mit eigetä Chind verglychbar isch.
Bi üs im Fründeskreis hets ou verschidenschti mit Chind und mi Schatz isch o immer total begeischteret und mäudet sich sogar freiwillig zum Hüetä... Es isch mängisch scho fasch chly hert z gseh wiä gärn är Chind hät und sich o es Gwüssä macht, dass das wäg ihm nid problemlos geit.

Schön wennd öber zum ustuuschä hesch! I ha mi nu zrugg ghaltä mit verzellä bis jtzä. I ha scho mit ere Fründin drüber gred, aber nid dass es konkreter wird. Drum fröits mi umso meh wenn is da cha los wärdä.

Das verstah i guät. Und de gäbä dir immerhin d Ovutests ä Ahaltspunkt. Und es söll ja ou chly öbis schöns si und nid nur Stress und negativi Gedankä... ;)I wünschä dir dass du ke Nachwürkigä meh nachätreisch und s bi öich gly klappt.

Ä guätä Start i di nöii Wuchä

[lisettli]

@missre: freut mi vo dir z läse! Das tönt abr nit so guet darmkrankheit isch nüt agnähms, cha dr guet nochfühle. Ich hoff nüt unheilbars?
nei nei, de Mönpf het guet gnützt, mi zyklus het sich verchürzt vo 50 uf 30 Tag. Abr susch gohts mr wahrschienlich öbe glich wie dir, irgendwenn mag me eifach nüm warte, jedesmol hoffe und blange und denn doch wiedr d entdüschig... Irgendwie verliert me de doch irgendwenn de muet und d hoffnig...

[Chrissie]

@Nilaya Ich wett chli mee als 16 Wuchä Pausä machä, abär nachär scho wieder schaffä.
Miin Maa würd au reduziärä so dass mir ois d Betreuuig würdäd uufteilä.
Was isch oiä Plan? S chunnt mir so komisch vor das jetzt scho z überleggä.

Mängisch überlegg ich mir au, was wäri wänns bald würd klappä. Mir händ scho enigäs Plant das Jahr (Feriä, Jungfraumarathon) wo mir dänn zum Teil müässtäd umplannä (Feriä) odär absägä (Junfraumararathon).

@all: sägäd bitte, wänns ihr nöd so vill "Aafängerdiskussionä" i oiäm Thema wettäd. Ich würd das verstaa, schliesslich schriibäd ihr scho lang und händ zum Teil än andärä Fokus. Dä machäd mir äs Aafängerthema uuf.

Gruäss
Christina

[missre85]

@chrissie eg cha nor för me rede: secher ned störts me, wenn der öber so Sache redet, jede het schliesslech mau vo vore agfange ond sech setig Sache gfrogt ond die Hibbelziit no gnosse..Eg wönsche üch zwöi vo Härze, dass der nie i die Situation chömet, dass sech setig Froge ersetze dör: "werdi äch öberhoupt mau schwanger, werdi je einisch dörfe Muetter si, esch ergendöpis ned i Ordnig, werom klappets eifach ned.." Aso gniessets in voue Züg, die Gedanke ond ou sHibble ond sHöperle ond erfröschet dä Thread weder mau met positive Tests!

@lisettli oh wooooow, vo 50 uf 30 Täg esch ja scho mau ganz super, schön! Ja gäu, ergendwie wot me locker blibe, wöu vöu säge, dasses grad denn ischlat, aber me cha haut ned eifach ufhöre dröber nachezdänke! Verstah das, üse Muet verlat üs langsam ou, darom hei mer üs jetzt e Deadline gsetzt uf nach de Ostere! Weisch denn du, wenn du dr ES hesch, auso machsch du Ovus?
Oh jeh, du chasch mer aber ned öpe nachefüehle, wöud ou öpis hesch? Mmh onheilbar esch es grosses Wort, aber es chont öpe so häre..esch e chronischu Erchrankig, werdes auso sLäbe lang ha, nor ha eg bes jetzt Glöck, dass egs ned so fest ha wie angeri!
Danke, het me ou gfröit vo der zläse!

@Blevita ja leider weisch du nor zu guet wies esch Abstanz zbruche! Es fröit me zläse, dass der beidi üche Wäg heit ond so demet zSchlag chömet ond wie du seisch, es chont wies muess ond wenns de rechtig Ziitponkt esch..De gahts be üch grondsätzlech uf natürlechem Wäg?

@me höt grad TR becho nacheme Krimi, be nämlech 4 Täg dröber ond ha dä Zyklus öberhoupt ned demet grächnet..Chum macht me sech Hoffnig, Test negativ,paar Stund spöter TR-müesst aube ned no si!

[fiona85]

An alle neuen....herzlich wilkommen

An die "alten'" schön von euch zu lesen.....
ja hart.....immer noch die gleichen......und es wäre nur fair hier endlich wieder mal gute nachrichten zu lesen...

Auch wir sind immer noch am hibbeln...mit hochs und tiefs und jetzt hormoneller untestützung......wir werden sehen...habe wieder win wenig hoffnung!!!!
Ich drücke euch fest die daumen!!!

[Nilaya]

@chrissie: i möcht ou chly länger Pousä machä, nachär töifprozäntiger witer schaffä. Mi Fründ möcht nach möglichkeit ou chly reduzierä. Da i ou Wucheänd schaffä chönntä mir so, allefalls nu mut Hilfe vore Kita 1xwöchentlich organisierä. Leider si üsi Elterä beidi zwit wäg damit si üs ou nu chly chönntä entlaschtä.

Das verstah i. Aber isch doch ou guet oder? De sit dir nid nur ufä KiWu konzentriert sondern heit ou nu anderi Sachä wo dir öich chöit druf fröiä. I gloubä dra, dass d Chind so chömä wiäs muess si. Wärs de schlimm für di wennd di Plän müesstisch änderä? Laufsch scho lang Marathon?

Mir gönd das Jahr ou nu ga reisä. I fröiä mi sehr ind gloubä üs duät dr Abstand zum ganzä Alltagsstress guet. Wär weiss villicht o puncto KiWu???

@missre: merci viu mau. Das isch lieb. Wiä lang probieret dir de scho? Wünschä dir dass dir plötzlich doch vomene positivä Tescht überrasch wärdet!

@fiona: auch dir danke. Darf ich dich fragen wie ihr hormonell unterstützt?i drückä dir d Dümä dass es jtz klappt.

[fiona85]

@nilaya
sobald tr da ist werden wir mit hormonen stimulieren und dann auch eisprung auslösen, da mein körper dies kaum von selbst macht!!! So hoffen wirdass wir dan endlich zu unserem 2ten wunder kommen....nach so langer zeit ist es endlich zeit.

Falls dies nicht klappt stehen uns dann iui bevor ( insemination)
Euch allen einen schönen tag!!!

[lisettli]

@chrissi: kes Problem, wie gseit mir hei alli mol agfange hibble! Und das Forum isch jo au do zum froge und die Sache loswerde wo me viellicht suscht mit niemertem so richtig cha berede.

@missre: jo de Mönpf het guet gnützt, abr irgendwenn fangt me de glich afo blange. So nach übereme Joor ohni Pille wärs scho schön es würd doch mol ischloh... Locker bliebe, das versuech i, abr me wünscht sichs jo glich, dass es klappt... Nei i mach keini Ovus, wie gseit, i versuech locker zbliebe abr i gspür mi Körper efang recht guet und cha au mit em Kalender mittlerwile de ES bis uf es paar Täg igränze. Mir härzle eifach wenn mr luscht derzue hei, und meistens het d natur jo scho entsprechend vorgsorgt und i dr heisse Phase het Frau meh luscht bi mir ischs ömel eso
Jo i ha au immr chli es züg mit em Darm, bi mir ischs abr agebore, vo dem her kenn ichs nit anders abr unagnähm ischs eineweg. Hoffemr, dass es bi dir nit schlimmer wird!
Hmm das mit dim Zyklus isch jo richtig gemein... ich druck dr d düme dass es bis ostere viellicht jo doch no klappt, mög drs so gönne!

Liebi Grüess au allne andere!

[missre85]

@fiona oh nei, blöd, dass der so müesst pröble! Wönsche der ganz vöu Glöck ond dasses ohni IUI klappet!

@nilaya kes Problem, gaht ja aune glich da enne! Mer sei gester i 10.ÜZ gstartet, sei zwar nanig es Jahr dra, wöu eg aber eher churzi Zykle ha met 25 Täg, esches haut glich scho dr 10...Oh jöö, dasch lieb, danke!

@lisettli ja dasch ganz klar, dass me ergendwenn afat plange, wie du seisch, söt ja nacheme Jahr ändlech mau öpis gah.. He, aber du besch ja wörklech mega locker, so ohni Ovus, höperle nach Lust und Luune,besser cha mes ja gar ned mache, bravo!
Oh jeh, dämfau chani der ou guet nachefüehle, Darmgschechte sei Emmer übel! Ja danke, hoffe ou, dasses be der ned schlemmer wird!
Jööö danke, dasch mega lieb vo der, hoffe ou sehr, dasses be der ändlech klappet, mögt ders ou mega gönne!

[Blevita]

So ihr Liebe

Ha die erst Siete aktualisiert… Hmmm… sind fast kei Mitglieder mehr ufglistet, falls öper vo de neue gern uf die erst Siete möcht chönder mir das gern schriebe und ich Ergänz Euch!

@ missre85: ja, min FA hätt gseit es seg nöd usgschlosse uf natürlichem Weg SS werde, aber es isch sicher erschwert mit dem SG vo mim Maa. Naja, für ois zwei stimmts so momentan und sit ich weiss was de Grund fürs nöd Schwanger werde isch gahts mer viiiel besser mit dem umgah. Bin au nüm würklich Hibblig wie vor eim Jahr…

[fiona85]

Blevita
danke viel mals.

Bienchen
wie gehts dir??

Valea
hab ich da was verpasst???
Valea du bist schwanger???!!!! Cool gratuliere!! Hab das gefühl ich habe dies gar nicht mitbekommen!!!

@alteingesessenen
wir sind ja wirklich nicht mehr viele!!! Hoffentlich schaffen wir das auch bald!!!!

[Blevita]

@ fiona85: sehr gern geschehen!
Wir schaffen es bestimmt irgendwann auch mal, davon bin ich überzeugt. Es braucht bei uns einfach länger bis das Krümlchen den Weg zu uns findet.

Valea83 ist nicht mehr aktiv hier, ich durfte die schöne Nachricht erfahren durch eine PN

[Bienchen84]

Merci Blevita fürs apasse!!

hhm, ja, es mingeret zimmlech i üsem Grüppli... Kes Wunder isch hie so weni los gsi!

Oh, es freut mi grad meeega, dass d Valea ääändlech schwanger isch!!! Juhuuu, so schön! Ma's ihre so gönne!

@fiona und alli andere
I ha leider schlächti Nachrichte becho betr. SG vo mim GG. Es isch tatsächlech nid guet, was i ja ou erwartet ha. Ha am Mo. z SG ändlech chönne mit mire FA bespräche. Sie seit zwar, dass es nid usgschlosse isch, uf natürlechem Weg ss zwerde, aber es isch eher unwahrschinlech. Obwou i gwüsst ha, dass es wahrschinlech so wird usecho, hets mi sehr troffe. GG isch o grad völlig näb de Schue gsi und het e Haube Närvezämebruch gha (i has nid mitbecho, er het mers vorgester verzeut)... Er isch aber inzwüsche bereit, es Nahrigsergänzigsmittel znäh (heisst "Proxeed Plus", kennt das öper vo euch?), wenn i ou mithiufe, öpis zur Unterstützig znäh. Eifach, dass er sech nid alei füeut... Mir hei iz offiziell e Pouse igleit mit Familienplanig. I ha soo ke Bock me uf das Thema, im Moment belastet's mi nur.
Anfang Mai zügle mer und mi GG isch grad derbi, e neue Job zfinde. Vo däm här, isch's iz gar nid dr richtig Zytpunkt fürnes Baby. Sobald üses Läbe wieder g'regleter louft, wärde mer mit dere "Nachhilfe-Kur" afa und ab denn nach 3 Monate es neus SG la mache...
I wirde mi hie chli zrüggzie, aber immer mitläse.
Und natürlech wärdet dir grad sofort erfahre, wenn sech öpis "interessants" ereignet, oder wenns tatsächlech klappt hät!

I wünsche euch aune gaaanz viu Glück fürd Zuekunft und hoffe, gli wieder aktiv chönne i'zstige.

es Müntschi a aui
Bienchen

[fiona85]

Cool valea hats geschafft!!!! Super!!!

Liebe bienchen...es tut mir unglaublich leid für euch...so viel habt ihr hinter euch.....nun wünsche ich euch eine sehr erholsame nichthibbelzeit!!! Es hat mich grad traurig gemacht dass du dich hier zurück ziehst ....aber ich verstehe es natürlich....bitte melde dich wenns neues gibt...würde mich sehr freuen von dir zu hören!!!!

Liebe grüsse!!!

[Chrissie]

@Bienchen, tut mir leid, dass ihr schlechte Neuigkeiten bekommen habt. Drücke eu d Du umä, dass d Nachhilfe - Kur hilft!

@Nilaya: s wãd nöd so schlimm wänn mir müässtäd umplannä. Händ für d Feriä nüd so uufwändigs plant das Jahr. 2 Wuchã mit äm Auto im Nordwestä vo Amerika.
Marathon lauf ich sitt 3 Jahr.

[Chrissie]

Schriibä grad s erst mal vo dä App und diä hät eifach miini Mitteilig scho abgeschickt vor ich fertig gsi bin.

Ich bin letscht Wuchä chrank gsi. Ham Grippe gha. Bin immer nanig würkli fit, drum gitts äs ganz gmüätlichs Wuchänänd.

Liäbi Gruäss a alli
Chrissie

[lisettli]

@bienchen: schad abr chan ich verstoh! Ich wünsch euch e erholsami uszit! Freu mi de viellicht wiedr mol öbis zläse vo dir!

@me: ha widr mol es züg mit mim Zyklus bi biz entdüscht, de Möpf het so guet agschlage... Mi letscht Zyklus isch 30 Tag gange mit wenige PMS Symptom. De Zyklus jetz isch voll schräg, i ha ke PMS und au suscht nix wo uf mini mens wür hidüte und bi jetzt bi ZT 32. i ha mi so gfreut, dass sich mi zyklus so schön reguliert het... war wohl nix dass es klappt het isch eher unwahrschienli, mir hei ziemli viel los gha und mi schatz isch no anere witerbildig gsi, zum herzle si mr also nit oft cho. Das heisst also wiedr mol für e ungwüssi zit dümli dreie und warte uf TR...

[missre85]

@lisettli heeeee, es cha ja glich no si, dasses chönt klappet ja, brucht ja schliesslech nor eimau Sex! Drücke der fest aui Düme! wenn wotsch früehstens teste? Uuuhhhh, jetzt beni grad mega hibbelig för de!

@valea gratuliere ganz härzlech!

@bienli oh schad, dasses jetzt doch no so schlächt uscho esch! Der heit ja scho mau es SG gmacht gha, dämfau esch das es nöis gsi?! Wönsche der ämu e gueti ond erhousami hibbelfreii Ziit ond hoffentlech met guete News!

@fiona ja wär mau ar Ziit be üs aune!

@blevita eg cha mer sehr guet vorstöue, dass me ganz angers a die Sach gaht, wenn me weiss a was dasses liit! Das nehmt secher ou ganz vöu Druck, oder?!
Wär weiss, vellech klappets genou jetzt, wennd nömm demet rächnisch-zwönsche wärs der ämu!

@me söt e Monet ussetze met hibble wäg mire Darmchrankheit! Das machi jetz ou so guet wies gaht..

[lisettli]

@missre: jö, du bisch härzig ich mach mr do jetzt nit zgrossi Hoffnige, da mi zyklus ja scho öfters gmacht het was er wott... Und ebe, d wahrschienlichkeit vonere SS isch doch eher gring drum bini im moment no recht entspannt und denk au no nit as teste (no)
Langsam bini nur vollends verwirrt, ich ha für mini Verhältnis zur zit extrem viel ZS trüeb und spinnbar... Das wo in dr regel vor em ES typisch wär... ich ha abr i dr regel immer wenig ZS... Mängisch ischs eifach echt müehsam, ich ha wiedr mol absolut ke ahnig wora i bi...
Hmm das tönt nit guet mit dinere chranket ich wünsch dr gueti besserig! Gib sorg zuedr! Viellicht als chline tipp, wenns em Darm nit guet goht, und er nit richtig schafft, nimmt me au gern zweni vitamin und mineralie uf, dass isch uf jedefall bi mir de s Problem gsi, und de bini imene tüfelschreis ghocket, abr ke arzt wär uf d idee cho... sit ich zuesätzlich vitamin und Mineralstoff nimm, hani au weniger Problem mit em Darm und i bi allgemein fitter. S buech darm mit Charme isch übrigens au mega spannend und lehrrich zum thema darm und echt guet gschriebe so als lektüre zwüschedure wirklich z empfähle

[Blevita]

@ Chrissi: bisch wieder gsund?

@ lisettli: tut mer Mega leid dass din Zyklus so dumm tut, dass isch würklich Mega nervig. Nimmsch denn de Möpf nüme? Chönnts evtl au sih dass du jetzt de ES häsch ufgrund vom ZS? Ich meine evtl hätt sich wieder alles verschobe? Ach dass isch so müehsam nöd wüsse wora mer isch.

@ missre85: das Buech wo d'lisettli schriebt, Darm mit Charme isch glaub würklichna empfehlenswert, ghöre nur Positivs über das Buech. Wünsch dir uf jedefall au gueti Besserig und hoffe s'Best für dich.

Ja mer gaht viel anderst a die Sach ane wenn mer de Grund weiss. De Druck isch au wie weg. Aber momentan isch eh grad chli Pause ahgseit, bruche chli abstand und muss neui Energie zum Hibble sammle und dass ich wieder chan positiv denke. Chunnt scho guet!