Juhu auch wir legen los Teil 4...

[missre85]

@blevita danke vöu mau, werd scho guet gah! Ha ou scho vo däm Buech ghört ond werde das dämfau ou mau choufe..
Fenge das e gueti Idee, wennd när met nöiem Elan weder chasch hibble! Secher chonts guet! Heit der denn es guets Projekt zom üch ablänke?
Mer wärde i zwöi bes drü Mönet ou Ongersuechige la mache, sei ebe ou mega veronsecheret dasses nanig klappet het!

@lisettli aber ir letschti escher doch emmer öpe glich gsi, oder ned? Esch mega fies, wenn dr Zyklus macht waser wot ond me sech emmer Hoffnige macht! Hoffe sehr, dasses be der dasmau öpis angers bedütet ond du vergäbe wartisch! Dröcke ämu fest aui Düme ond Zeche ond ha emmerno Hoffnig!
Mmh dasch wörklech sehr schreg..Dasses cha verschobe si, cha ned si? Wie esch dis Befende, wie sösch vorem ES?
Mmh, es tönt schlemmer auses esch, gseh sPositive dra, dassi jetzt ändlech e Therapie cha mache ond be zueversechtlech, dasses guet aschlat..Danke, chont scho guet! Ja stemmt, das hani ou scho mau gläse, ha momentan ou sGfüeu, dassi zwenig Magnesium ha..Nehme aber es Multivitamin-Präparat set paar Mönet (Pro Natal vom Migros)..Das wör ja äuä länge..?!Was hesch denn förne Mangu gha ond was nehmsch jetz? Be mer esch ebe, dass eg Colitis ulcerosa ha, da muessi e mega Therapie mache! Be aber glich froh ome Tipp met de Vitamine ond Mineralie, danke!
Danke ou före Tipp metem Buech, ha gar nömm a das dänkt!

[Nilaya]

@binchen: das duet mir sehr leid mit öiem schlächtä SG. Das cha eim scho sehr us dr Bahn wärfä und isch vorauem o fürd Mannä immer schlimm. Hoffentlich würkt öii Kur und dir gseht bim nächschtä ä dütlichi Verbesserig!

@chrissie: hesch dini Grippä überstandä?

@lisettli: so blöd wennd niä weisch a was du bisch. Machsch de ovuteschts zum dr ES prüefä oder isch ds zschwirig mit so unregelmässigä Zyklä?

@missre: ä Monet Pousä machä cha närvig si, aber villicht ischs ja ä Chancä für di Körper Chraft z tankä u drfür cha är sich när wider uf sini Ufgabä wo öich öiem KiWu nöcher bringä konzentrierä.

Bi üs chunnt wider aues anders als planet. Mir gei zwar jtz offiziell i 1. ÜZ gstartet u fröiä üs drüber, allerdings müessä mir so wiäs usgseht uf üsi "grossi" Reis das Jahr verzichtä und stattdessä öbis chlyners machä. Üsä Hund isch leider sehr chrank u mir hoffä sehr si jtz guät chönnä z behandlä und sä de hait villicht id Feriä mitznä wenns geit. Mini Ablänkig ha i auso numä nid wi gwünscht mit Reisevorbereitigä sondern eher mit Tierklinikbsüech und derartigem:(

[Nadja_1]

Hallo mini Liebe
I liese sit paar Täg still bi öich mit und ha dänkt i mäude mi mau ... und frage öbi hie im richtige Thema bi
Bi 27gi, sit September 2015 verhüratet und ha d'Pille Afang Dezember 2015 abgsetzt. I ha festgstellt, dass mi Körper für mi selber nach sore lange zyt mit Pille (und das vo relativ jung a) doch es ziemlechs Rätsel isch. Zyklustäg, Mens, all das isch jahrelang dür die chlini Pille greglet gsi, i ha mir nie Gedanke über das gmacht. Jtz versueche mir ss zwärde und plötzlech touche so frage uf, wie lang ech mi Zyklus duuret, wenn das dr Eisprung isch... aues so Sache. Es isch aues sehr spannend, aber ou kompliziert. Danke für das Forum, i ha scho einiges meh erfahre und bi bi viune Sache schlauer worde.

I ha afang Jahr agfange mi Zyklus ihre App iztrage. Das het o scho ziemlech Liecht ins Dunkel bracht.
Hüt bini am 17. Zyklustag und warte ganz ungeduldig... Mi Zyklus schient relativ regelmässig mit +/-28 Tag zsi. Mir versueches zwar no nid so lang...und glich bini mega am hibbele öb dä monat TR chunnt oder nid.

I hoffe i bi hie im richtige Thema glandet und i drücke aune ganz fest d'düüme wo o am hibbele si

[lisettli]

Isch scho möglich dass sich mi zyklus verschobe het, wie gseit regelmässig isch er bis jetzt jo nie gsi... vo 30 - 50 Tag hani de also gli alles gha... De Mönpf hani nach 3 Monet jetzt mol abgsetzt, abr da ich de Mönpf erst nach em ES nimm, also i dr 2. Zyklushälfti sött das eigentli ke uswürkige uf d längi vo dem zyklus ha, da die zweit hälfti sowieso fix isch... Mittlerwile ZT 35... Mini Brustwarze werde abr langsam empfindlich, bi mir eigentli immer es Zeiche, dass TR i knapp ere Wuche chunnt, de wärs abr wieder e 40 tages zyklus... *seufz*
Bezüglich darmgsundheit, ich nime zur zit sone powercoctail glaub heisst das vo fitline öbis ähnlichs wie herbalife, abr ich glaub im grund gno isch es glich, was me nimmt ich ha glaub so ziemlich vo allem e mangel gha abr vor allem au magnesium und ise. Ich hoff sehr dass dini therapie aschloht missre, damit ihr de mit neuem schwung cheut starte

@blevita: super istellig ich druck euch d düme!!!

@nilaya: oh nei, was het er denn?

@ nadja: Herzlich willkomme i eusere chline Rundi, schön isch wiedr öber mehr derbi ihr sit demfall im 1. ÜZ? ich hoff es schloht gli i bi euch

[Nilaya]

@nadja: ou nu öber jungs und früsch am üebä, so cool!! I wünschä öich dass es gly klappt. Hesch de es guets Gfühl dasmau? Am Afang isch dass aues nu sehr interessant und dj hesch rächt eigentlich ischs erschreckend wi wenig mä si Körper jennt. Nid unbedingt vo däm här wiäs theoretisch ablouft sondern eher di persönlichä Eigäheitä.

@ lisettli: mir wüsses nid genau. Si isch sit afangs Jahr nid so zwäg, het immer wider schlimmi Ohräentzündigä, dr Chopf schwillt a, si het Hutusschlag, etc. D Tierärzt hei scho Biopsiä gno und aues möglichä...

[missre85]

@nilaya oh jeh, das tönt ja gar ned guet met üchem Hund! Hoffe sehr, dasser baud weder gsund werd!Esch emmer schwerig, wenn es geliebts Tier ned gsund esch!
Ja da hesch äuä rächt, e chlini Pouse, zom dr Druck znäh esch emmer guet!

@lisettli oooond, wie gsehts be der us, wo stahsch im Zyklus?Hoffe wörklech sehr, dass dini TR ned chont und du positiv dörfsch teste!
Aha, de seis eifach mehreri Vitamine drin? Ha ebe grad gseh, dass i däm Multivitamin-Präparat woni nehme, Magnesium ned debi esch!
Danke vöu mau före Tipp, werde dämfau mau no die angere Sache teste, wöu Ise ond Vitamin D hani erst weder ufgföut!
Jöö danke vöu mau, eg hoffe, dass sech di Zyklus ändlech ipändlet ond när grad schwanger wersch!

@nadja härzlech wöukomme da enne! Wönsche der ganz e tolli Hibbelziit ond dasses ganz schnäu ischlat be der! Schön hei mer weder öper neus da!

@all chont öper drus bem Tempimässe?

[Nadja_1]

@all: danke fürs herzleche willkomme verhüetig hei mir scho sitem dezember abgsetzt, aber jtz isch so dr 1.ÜZ wo ig chli weiss, wie mi zyklus und mi körper meh oder weniger igsteut si. Da i realtiv nöi bi hani natürlech ganz viu frage, wo dir mir sicher chöit beantworte. Es git ja ss-test wo säge, dass me bereits 4tag vor TR cha mache und zueverlässig sige. Wad hautet dir vo dem? Wenn düet dir aube teste?

@nilaya: oh je, kennes wes amne gliebte tier nid guet geit und vorauem we me nid genau weiss, a was das es liegt. Das belastet..

@me: hibble isch irgendwie schön und doch nid, es uf und ab zwüsche hoffe und bange und symptom ibildige herzle hei mir o nid viu chönne, isch eifach zviu los gsi. mir geits guet, ha (leider;)) kenerlei symptom ufne ss, bi im 20.ZT, ha aber glich no e chlini hoffnig das es igschlage het. Me cha ja nie wüsse.

[lisettli]

@nilaya: das isch belastend, wenns em eigene tierli so nit guet goht... Ich hoff das me bald usefindet was sie het.

@missre: jep si verschiedeni sache drin, sogar folsüri
Bezüglich mim Zyklus, gits no nix neus... Ha grad mit bizi erstune festgstellt, ZT 38 Ha do gar nüm so mitzellt. Abr für mini Verhältnis jo no absolut im Rahme
I nimms momentan no recht glasse und wart jetzt eifach mol, bis 50 Tag (mi längsti Zyklus bis jetzt) gohts jo no biz also tief ischnufe und cool down
Zum tempimesse, jo i has mol es paar zykle gmacht, abr mit mim lebensstil chani das vergesse, wieso hesch e frog drzue? Die site mynfp.ch (odr .de?) isch no interessant, het gueti infos druf

@nadja: druck dr d duume!
Bezüglich test, i ha do nit so viel erfahrige, da ich weniger zu de intensiv testende fraktion ghör und mit emene untegelmässige zyklus isch das sowieso sone sach, abr ich glaub vo dr zueverlässigkeit spielts nit sooo ne grosse rolle, ich meinti die si bi richtiger awändig beidi ziemli zueverlässig.

[missre85]

@lisettli das tönt super!
Oh man, eg hoffe sehr, dass du baud Gwössheit dörf ha! Esch ned fair, so lang nach dr Pille emmerno so onregumässige Zykle zha! Hoffe ja emmerno sehr, dass denn i 11 Täg dr Test positiv esch!
Woooow, du besch ja dCoolness in Person, bravo! Vo der chani e Schiibe abschniide!
Wieso met dim Läbensstiu? Ja, ha e Frog gha, aber met dire Siite hanis scho usegfunge, danke!

@nadja drücke der ou fest dDüme! Wäg de Teste: es cha so früeh agä, muess aber ned, wöu jedi Frou sHormon angers schnäu ufbout! Ond die Tests sei ja meistens 25er, auso ned so empfendlech wie angeri Früehtests wo 10er sei..

@nilaya wie gahts dim Hund?

[lisettli]

@missre: Ich versuech eifach zfriede zsi mit dem woni ha, es chunnt eh alles wies muess
Für tempi mässe und e zueverlässigs resultat z becho, sött me e ziemli regelmässigs läbe ha, gnueg schlof und immer öbbe zur gliche zit is bett und das passt bi mir nit dri

[lisettli]

Mittlerwile bini bi ZT 41... Langsam wird i doch biz unruhig...

[missre85]

@lisettli uuuuuh, du machsch me ganz närvös, das het secher klappet! Drücke der ämu dDüme ond hoffe uf positivi News!
Das esch e super Istöuig, gross ändere chasches ja eh ned ond wied seisch: es chont wies muess!
Uiuiui, besch so e rechtigi Partymuus oder hesch eifach onregumässigi Arbetsziite?

@all eg wönsche üch ganz schöni ond erhousami Ostertäg! Vöu Glöck bem Teste ond vöu Spass bem Höperle! Hoffe ufnes paar positive Tests, wenni weder zrügg be..Morn gahts ab uf New York, New York!
Häbet nech Sorg

[Nilaya]

@lisettli: oh so spannend bi dir! Wünschä dir vo Härzä, dass es igschlagä het. Teschtisch de ab ZT 50?

@missre: gniess New York. Es git nüd über es paar Täg abschautä und Tapetäwächsu

@nadja: wiä gsehts bi dir us? Hesch testet oder isch TR cho?

@Chrissie: scho ä Momänt nüdmeh vo dir ghört. Wiä geits bi dir? Bisch wider fit und hei d Ovus positiv agä?

@me: Nach diversä Undersüech hei d Ärzt z Gfühl es sig öbis Outoimmuns bi üserä Hundefrou. Jtz si mir am Medi usprobierä und hoffä, dass ds numä ä Schub isch und mir d Therapie irgendwenn wider chöi absetzä. Si drum nu gar nid so i "hibbel- Vorfreud"

[Nadja_1]

@lisettli: oh das tönt ja ganz spannend bi dir! Drücke dir ganz fest d'düüme!
@nilaya: hoffe das d'therapie guet aschlat unds em chliene vierbeiner gli besser geit! Cha dir guet nachefüehle. Hoffe es wird stetig besser und nid es uf und ab!

@me: bi im 25.ZT... Ha die letschte täg irgendwie so es "positivs" gfüuh gha, wie wes klar wär. Ha die wuche am morge ke kaffi meh trunke wöus mir ufe mage gschlage het, und das haut o so interpretiert.. Sit hüt hani aber es zieh und so chli schmerze wie wenn TR gli würd cho... Eh ja, wirde gseh was sich i de nächste tag zeigt.

[Nadja_1]

Kurzer egopost: test het negativ azeigt, TR hätt gester söue cho.. Bis jtz aber no nüt. Mi zyklus isch relativ regumässig... Es bliebt doch no spannend.

[lisettli]

@nadja: ui i druck dr d duume.

Ich blieb eu au no chli erhalte

[Blevita]

@ Nadja_1: TR immer nanig da??

@ lisettli: ohhh neiii isch TR doch mal na idrudlet??

@ missre85: du bisch mittlerwile die 5(!) wo uf New York isch im März. Wot auuuu!!! Isch guet gsi???

[missre85]

Hallo zäme,
be ou weder mau da!

@blevita ou wooow,so vöu könnsch wo gange sei,krass! aber esch haut gäbig,wöu me ned vöu Freitäg muess dra gä! besch du no nie gsi?
Mer hets sehr gfaue,be scho es paarmau gsi ond es esch emmer weder hammer guet! Ha mim Schatz vöu chöne zeige ond ehm hets ou mega gfaue..
Wie gahts der?

@lisettli oh nei,schad esch TR no cho! Wie lang esch di Zyklus gsi?

@nadja dörfe mer dDüme no drückt la?be mega gspannt!

@nilaya oh nei,tuet mer sehr leid das met dim Hund!Hoffe sehr,dass die Medis aschlöi ond se ned zfest muess liide!

@me wie obe gschrebe,hei mer dFerie sehr gnosse!
Ha mini TR ou becho,ha ja nüz angers erwartet,auerdengs esch se scho am 23.!!!ZT cho! Momentan hani es rechtigs Chaos ond das närvt me chli!

[Blevita]

@ missre85: ich bin au scho in New York gsi, es hätt mir soooo guet gfalle, möcht so gern wieder mal gah schön händers guet kah. Schad isch TR cho, obwohl isch scho Mega früeh aber ich ha das imfall au scho kah, müehsam aber dafür chasch grad wieter mache.

[missre85]

@blevita das gloub eg der grad sofort, ha me ou i die Stadt verliebt! Da hesch du sehr rächt, das esch sPositive a mim churze Zyklus, be schnäuer weder bem ES!
Wie gahts der ond wo stahsch im Zyklus?

@all het öper vo üch Erfahrig met Endometriose?