Juhu auch wir legen los Teil 4...

[lisettli]

Hey zämme

@missre: 45 Tag isch mi zyklus gsi *grummel* naja, i 2 Wuche bini ufm wäg nach bali... Und wenn de zyklus au so lang isch wie de letscht, hei mr während de ferie eusi heissi phase
Nei duet mr leid mit endometriose kenn mi nit us.

[Blevita]

@ missre85: ich weiss nöd wo ich stah momentan im Zyklus. Bin sit zwei Mönet überhaupt nüm am luege und es gaht mir so viel viel besser.
Wünsch dir en guete Start für de neu Zyklus.

Ha nöd viel Ahnig vo Endometriose aber was wetsch wüsse?

[missre85]

@blevita ooooh woooooow, du machsch das aber sehr guet, bravo! Denn weisch eifach ongfähr wenn TR söt cho? Ah ja, machsch du eigentlech ire spezielle Praxis Aku oder bietet das di FA a?
Ah jöö, danke, das wönsch eg der ou!

Ha eigentlech nor wöue wösse, was die Betroffene för Symptom gha hei, wie när dDiagnose gstöut worde esch ond öb me das scho im US gseh het..

@lisettli oh maaaan, da hesch weder lang müesse warte, kacke das! Wooow, du gahsch uf Bali, da beni grad nidisch..! Denn hoffi dämfau, dass dasmau di Zyklus eher lenger esch ond dass der es härzigs Feriewürmli züget..?!

[Blevita]

@ missre85: ich merke dur mini SB wenn TR ca chunnt und min Körper kenn ich mittlerwile so guet, bruche kein Kalender meh Ha z.B am Samstig gmerkt dass TR in ahmarsch isch und voilá hüt Morge sind's da gsi...

Wünsch allne en guete Start i die neue Wuche.

[maju]

Hallo zäme
isch ja ä gruppe wome ch-dürsch cha schribe
darf i mi chli zu öich gselle.i ha itz geng ir gruppe vo de FG mitgschribe,aber dert ma i chum nache mit läse,di schribe sooooo viu
Zu mir,ha 2 kind u mir möchte äs dritts,ha zwöi verlore u itz simer ume am üebe.bi sehr relaxt,bi o nid trurig wes nid grad klappet.
aber glich bi ig itz chli am hibbele,ha z gfühl brüst spanni u zwüschdüre hani äs zieh im bauch....aber äbe,cha aus ibildig si
wünsche äs schöns weekend

[lisettli]

@maju: härzlich willkomme bi eus, momentan isches sehr segr ruhig do inne

So ich verabschied mich mol in d Ferie! Tschüssli zämme und frohs witerhibble euch allne!

[missre85]

@lisettli wooooow,eg wönsche üch ganz schöni Ferie,gniessets in voue Züg ond erholet üch guet! Vellech gets ja es Feriesouvenir!

@maju ganz es härzlechs Wöukomme! Magsch nachli meh vo der verzöue? Wönsche der vöu Glöck bem Hibble!

@blevita ah ja guet,wenn du de so uf di Körper chasch verla,esch ja super! Hani bes vorletscht Zyklus ou chöne,aber set dr Darmspiegelig esch aues dörenang!

[maju]

Ja im Moment isches ruhig, aber so mani wenigsten nache
@missre85 und alle hmmmm weis fasch nid was vo mir verzelle.....
Kind si 5 und 3 jährig, ha mir lang kes Kind me chönne vorstelle. ersch so letscht herbst heimer ume mau z Thema Kind ufgriffe, u gmerkt, das mir müesse entscheide, entweder schliesse mir ab, oder de düemer no mau
Ja u när hei mir beidi gfunge äs wär irgendwie glich no schön glichzytig ha ig aber mega respeckt, 3 Kind "¨düre" z bringe. Eifach di ganzi Energie wos brucht, u när o z finanzielle, Auto, Huus....... si eifach bi 3 Kind scho meh weder bi 2 Kind! i üsne Auge machts ä rächte Ungerschied! u när müesst ig o ufhöre schaffe, da mir d hüetterei fasch nüm würd härebringe.
So wit so guet, aber z härz het sich eifach mega no äs Kind gwünscht. Mir findes o schön für üsi Kind, we sie no äs gschwüsterti hätte u überhoupt, mir si mega d Familie mönsche.

[maju]

uppps, hät no meh zum schribe........
u ig gloubes fasch gar nid, ha itz grad positiv testet
Irgendwie weis ig itz grad nid was dänke i gloubes eifach nid......ha ja scho mau gschribe, ig heig symtom, aber ha gfunde di sig öpe ibildet
merke grad dass dür di 2 Fehlgeburte ig das itz grad gar nid cha iordne u gloube..... aber ig ha ja 9 Mönet zyt!
ha grad ehrlich gseit chli angst vor de erste 12 Wuche....... ha z gfühl das gäb ä mega längi Warterei!
Aber glich! i gniesse z wetter u dr Gedanke das ig schwanger bi isch eifach überwältigend, we itz würklich äs chlises wachst u ig no mau darf mami wärde....... juhuuuu das wär mega schön!
so itz hani chli viu gschribe..... sorry!
aber süsch weis no niemer öpis, ha grad chli müesse verzelle....

[missre85]

@maju heeeee, gratuliere vo ganzem Härze, mega schööön hets so schnäu weder klappt! Gniesses uf jede Fau! Anschinend het der üsi Groppe Glöck bracht!
Ond jetzt hoffe mer, dass sech das Krümeli ganz fest tuet hebe!
Fenges schön, dass der uf üches Härz loset ond namau es Chend wöit, obwous finanziell chli änger wird! Esch secher ergendwie machbar!
Esch öbrigens sehr härzig dini Reaktion!

[JeyJey]

Hallo zäme

Ich ha dänkt, ich mäld mi au nomal churz, bevors denn villicht chli e asträngenderi Ziit wird Einersiits isch mer die Schwangerschaft uu lang vorchoo, anderersiits gahts jetz vilicht doch chli schnäller, als dänkt. Gemäss Hebamme sötts nächscht Woche sowiit sii, gemäss FA übernächscht - so 2 Woche früener, als ET. Ich bi rächt ufgregt und ha au zimmli Angscht vor de Geburt, aber es chunnt hoffentli alles guet. Parat simmer uf all Fäll und mer freued eus sehr uf eusi chliini Muus.
Hüt bini jetzt s'letscht Mal im Büro und das isch au guet eso, schaffe isch nömm wörkli guet mögli (bi unkonzentriert, da ich sit Woche ned meh als 4-5 Stund schlofe, chume bim lange Sitze riesig dicki Bei über und bi zimlech Magebrönne-plagt).

Allne Hibblerinne, vor allem dene, wo scho lang i dem Thread mitschriibed, drück ich natürli wiiterhiin alli Düüme - ich ha immer im Stille mitgläse und ghofft, dass bald wieder gueti News da ine stönd. Glaubed bitte wiiterhin a eues Glück und gänd ned uf, es chonnt irgendeinisch au euchi Ziit!!

[fiona85]

Jeyjey....wahnsinn jeztz ist es bei dir schon so weit!!!!
Danke...die daumen können wir sehr gut gebrauchen!!

Ich wünsche dir eine schöne geburt und schöne kennenlernzeit mit eurem mädel!!!!!
Wäre schön babynews zu hören!!!

[Blevita]

Wow!!! JeyJey, Wahnsinn. Scho chunnt bald s'chline Mädel ufd Welt, würklich krass wie die Ziit vergaht. Ich wünsch dir au ä gueti Geburt und es schöns anenand gwöhne. Mach's guet!

[lifa2016]

hoi mini liebe

Ich ha dänkt ich lah au mal es grüässli da und puste mal ganz heftig ind rundi

Euis gahts wunderprächtig, de chlini maa wachst und mag bim US amigs chum still si... no nid einisch hämer ne chöne im profil gseh und es gränzt anes wunder daser eus verrate hät, das en mösiöh wird
Morn gömmer zum erste mal z dritt ind ferie, solangs nonig so warm isch und mich de buch nonig so behinderet... chli and sunne - juhuuu

Ich druck euch witer ganz fest de dume, vor allem dir Blevita, Fiona und Bienli... Nöd ufgä und nomal einisch ganz fescht in euchi richtig hueste

Liäbs Grüässli in d Rundi
Valea83

[missre85]

@jeyjey wooooow, esch ja krass sie schnäu dass das gange esch, erst no hesch gschrebe, dassd positiv testet hesch! Wönsche der ganz e schöni Geburt ond när ganz e tolli Ziit met dire Prinzässin!

@me eg werde me da ou nömm wo vöu (no weniger) mäude, wöu se be mer e grossi wahrschinlech Endometriose-Zyste gfunge hei ond eg jetzt ennerhaub vo 2-3 Woche muess go operiere! Dänke när gahts es Wili, besi metere SS cha rächne!
Wönsche aune aues Guete ond dass der baud aui schwanger wärdet!

[Nilaya]

Jtz ischs so lang so ruehig gsi und plötzlich isch da so vil los!!

@lisettli: fausd das überhoupt nu gsehsch ganz schöni Feriä! I hoffä dir chöit abschautä u so richtig gniesse.

@maju: aues Guätä zum positivä Tescht. Das isch ja grad rassig gangä. I wünschä dir das aues guet chunnt u du d Schwangerschaft so richtig chasch gniessä!

@missre: das tuät mir mega leid für di! Ischs de scho sicher Endometriosä oder gseh si das ersch wenn si d Zyschtä entfärnä? Excüse bi zwenig im Bild über das. Wünschä dir das alles problemlos verlouft und du möglichscht gly mit nöiem Muet druf los chasch. Bis denn söu sich di Körper guet erholä! Wennd magsch wärs natürlich schön wenn du glych mau dürä gisch wiäs bi dir geit und was witer passiert.

@me: üsi Hundedamä isch nachdäm si o nu het müessä operierä langsam ufem Wäg vor Besserig. D Medi wird si vermuetlich lengerfrischtig bruchä aber mir luegä jtz eifach mau wiäs louft.
Obs am Stress ligt oder a was o immer bi mir geit grad gar nüdmeh. Wartä sit emä monet ufd TR wo eifach nid wot itrudlä obwohl i immer mau wider so chly PMS ha. Jtz konzentrierä i mi zersch mau uf üsi Reis. Es git nu so viu z organisierä!

Wünschä öich aunä es erholsams Wucheänd

[Topolinchen]

Hallo zäme

Ich bi scho vil i verschiedene Fore go ineläse zum mi chli informiere und Tipps sammle!Ez muni doch au mal schriebe!
Mir dörfed i 2 Wuche au eendli loslegge und hoffed es klappet!Mir hend eigetli scho vorme halbe Jahr welle afa üebe,aber de Zika- virus het ois en Strich durd Rechnig gmacht!Hend bis ez müesse warte um sicher zsi,dass de Virus usem Körper isch wenn mir afönd!Jetz chas losgah!Wünsche oi allne ganz vil Glück und dass bald e chliises Müsli unterwägs isch!

Lg Topolinchen

[Nilaya]

Hallo Topolinchen

Härzlich willkommä. Schön chunnt mau wider öber nöis. Leider ischs sehr ruehig da innä zur Zyt.
Wünschä dir ganz ä schöni Hibbelzyt und dass es möglichscht bald ischlaht.

Oje das mitem Zikavirus tönt ja gemein. Wi heit dir dä de überhoupt ufgläsä und sit nä vorauem wider los wordä?

Lg Nilaya

[Topolinchen]

Hallo Nilaya

Danke vilmal für die liebe Wünsch! Mir sin Afang Februar ide Karibik gsi,und det isch im Dezember de Zika Virus au usbroche!Mir sin zwar nu 2 Täg uf dere Insle gsi wode Virus isch,und hend kei einzigi Mugge gseh wo das ja übertreit!Aso isches sehr unwahrschinlich dass öpper vo ois de Virus verwütscht het!Aber mer weiss ja nie und mir wend keis Risiko igah!Es het mir de Tropearzt versicheret dass de Virus nach 3 Mönet sowieso usem Körper weri falls mir en heted!Will d Test sind nid zu 100% sicher und sautür!Aso hemer ez halt gwartet Ha gseh,dass du gahsch go reise?Wohi gahts?

Lg Topolinchen

[Nilaya]

Hallo Topolinchen

Mir hei üsi Plän chly müessä überä Hufä rüerä u jtz isch ke Plan dr Plan . Z einzigä wo mir wüssä isch wenn mir dr
Camper holä und wenn wider zrugg bringä... i fröiä mi risig!

Heit dir de hormonell verhüetet bis jtz?

Lg Nilaya