Juhu auch wir legen los Teil 4...

[Nilaya]

@Topolinchen: das verstah i guät. Es isch mängisch nid eifach mit däm umzga. Im Momänt cha i mi meischtens für di anderä fröiä. Mängisch muess i im erschtä Momänt chly schlückä wenns eifach bi aunä so problemlos klappt. Zum Teil im erschtä ÜZ... Aber i versuechä mir immer z sägä, dass mir ja Zyt hei unds chunnt wiäs muess.
Dämfau kommunizieret dir i öiem Fründeskreis aber rächt öffä, dass dir am üebä sit?

@missre: merci für dini Antwort. Das ha i so am Rand mitübercho. Chöit dir de jtzä gar nümä hibblä?

[missre85]

@nilaya auso vom Darm här dörfti weder hibble, ha jetz aber no Verdacht uf Endometriose ond wägere grosse Zyste am Eierstock muess eg operiert wärde..Dörf weder Sex ha, no Sport mache, wöus die Zyste ergendwie chönt verdräie..Jetz heissts warte bes am 26.5.,när hoffi, dass eg weder dörf hibble!
Staht aber momentan gar ned im Vordergrund-wot eher dSchmärze los si wo eg wäg dere Zyste ha!

[AndIna13]

hallo mitenand bin neu da, will mir au dä monät losgleit händ und jetzt am hibbele sind leider chan ich kei privatnachricht schicke (vilicht will ich no z neu bin?) gits suscht ä möglichkeit da bizträte?

[lisettli]

Hey zämme!
Hui sit ihr flissig gsi! Do isch me einisch weg und chunnt jo chum no noche mit nochläse! schön lauft wiedr chli öbis do inne!
Mir hei richtig tolli sunnigi ferie gha total entspannt ohni handy und ohni stress, hei richtig chönne abschalte, het is wirkli guet do. Leider hets für es feriesouvenir nit klappet abr mir üebe witer. Mi zyklus macht wiedr biz was er will, mol 40 Tag, mol 30... Isch bizi müehsam... Wie söll me de do au de richtig moment verwütsche... abr ich versuechs positiv zgseh und d hoffnig nit ufzgeh

@jeyjey: hei lauft die zit!!! scho uf de welt! Ich gratulier euch!!

@missre: oh nei mängisch isch s läbe scho ungerächt! Ich wünsch dir gueti besserig und hoff, dass dr gli wiedr cheut afo.

Allne neue härzlich willkomme!

[Nilaya]

Hallo zämä

@missre: oh nei isch ja hennä müehsam! Wiso muesch de do lang ufd Op wartä? Wünschä dir, dass aues guät chunnt, du dini Schmärzä möglichscht gly los wirsch und wider ufenes Wunder darfsch hoffä!

@AndIna: härzlich Willkommä! Ja als Neuling chamä ke pn sändä. Du chasch eifach so mitschribä. Magsch chly öbis über di verzeuä?
Drückä dir d Dümä für ä möglichscht churzi Hibbelzyt!

@lisettli: schön heit dirs chönnä gniessä und schad hesch kes Souvenir mitbrungä. Isch d TR dämfau scho cho? Aues Guätä im nöiä ÜZ

[AndIna13]

so schön, denn stell ich mich doch churz vor. Danke liebi Nilaya fürs Willkomme heisse

Also zu mir: ich bin 24 1/2 Jahr alt, sit drü Jahr mit mim Partner zämä und wohned im Züri Unterland. Für eus isch scho vo Afang a klar gsi, dass mir beid Chind möchted ha und hend eus denn vor zwei Mönät däzue entschlosse dä Wäg z gah han im März d Pille abgsetzt und min Körper isch mit därä Umstellig bis jetzt problemlos z recht cho.. darum hämmer eus entschiede, jetzt würkli loszlege und freued eus scho druf, wenns denn endli ischlaht

[missre85]

@nilaya ja es esch wörklech sehr müehsam, has langsam gseh met Chrankheite! Wöu eg i ehrne Ouge kei Notfau be, dr Profässor darom kei Ziit het ond me nor am Afang vom Zyklus cha gah! Jetzt hoffi eifach, dass TR pönktlech chont, ned dassi dOP muess verschiebe wäg dr TR!
Dasch lieb, danke!
Wie gahts der so?

@lisettli welcome baaaaack! Schön heit der üchi Ferie gnosse! Schad hets ned förnes Souvenir glängt! Wo sid der gsi?
Schad brengt be der Tempimässe nüt, sösch chöntsches emmerhen es betzeli igränze!
Ja da hesch rächt, füehle me momentan ou ongrächt behandlet, aber jammere brengt ja nüt! Hoffe eifach, dass be mim Schatz aues guet esch, de stöi dChance gar ned schlächt natürlech schwanger zwärde-vorusgsetzt mer bechöme ned weder e Hiobsbotschaft!

@Andina härzlech wöukomme i üsem chline Grüppli! Wönsche der ganz e gueti ond chorzi Hibbelziit!

[chlene]

Huhu
*Aklopf* Dürf mer do eifach schriebe oder mue me do zersch öber um erlaubnis froge?
I ha uf ändi Dez 15 d Pille abgesetzt sit de si mer am üebe u momentan wieder am warte und warte...

Lg Chlene

[Nilaya]

Huhu....

@missre: isch ja mega doof löh si di so la wartä, vorauem wenn du Schmärzä hesch wäg däm. Aber isch dämfau nu schwirig z planä. Oder isch di Zyklus eh immer regelmässig?

Mir geits guät, merci. Nächschts Wucheänd geits für sächs Wuchä ab id Feriä!!! Fröiä mi sehr. Git vorhär nur immer nu so vil zduä.

@AndIna: Dämfau hesch nachem absetzä vor Pillä gar nüd gmerkt? Heit dir de zersch nu nid hirmonell verhüetet nachem absetzä? Bi mir zeigä sich näbschtemä untegelmässigä Zyklus leider o paar anderi Symptom. Ha zum Bispil mega vil Bibeli sithär.. u ärgerlich gseh us wi so ä Teenie...

@chlene: o dir es härzlichs Willkommä. Das tönt als hättisch z Wartä scho langsam satt. Wo steisch de grad im Zyklus?


    

[chlene]

@Nilaya Tag 36 :-/
Eigentli hett i zwische letschtem do-so mit mine Mens grächnet u gest testet aber negativ ;-( da isch glaub s miessamste momentan das i jetzt eifach grad ke gwüssheit ha wa eigentli los isch. De am Üebe si mir jo erst sit em Januar. Aber da warte & unverständniss im Fründeskreis macht mi fertig.

Hoff das du de d Ferie gniesse chasch wende alles erledigt hesch wos vorher no z due git.
Hesch du / händ ihr e regelmässige Zyklus? U wie lamg isch da bi eu gange bis dich da ipendelt het nach m Pille abaetze?

I wird mer hüt nomi mol die Sitene durelese wo ihr bis jetzt gschriebe hend um au chli uf m laufends z si. Glg u e schönr Tag eu allne

[AndIna13]

@Nilaya: bisher han ich kei Nebewürkige vom Absetze. weiss aber nöd, ob das na chönti cho? Han au Angst gha, dass ich dur s Absetze wieder meh Problem überchum mit minere Hut, vor allem will ich das eigentlich scho immer chli gha han.. sehr afällig uf Usschläg etc. - aber zum Glück bis jetzt gar nüt bzw. nöd meh wie susch au händ die letschte zwei Mönät mit Kondom verhüetet.. eifach, damit sich min Körper zersch mal chli a'd Umstellig gwöhnt und ich au chli luege cha, wie sich min Zyklus wieder ipendlet.. aber au döt.. kei Veränderig.. d Periode bechum i fasch uf dä Tag gnau glich wie damals na mit Pille, s isch eifach nüme so stark und lang (nur na 2-3 Täg).. aber da bini au nöd sooo bös

@chlene: herzlich willkomme vo mir - au öperem neue wieso denn Unverständnis im Fründeskreis? will alli s Gfühl gha händ es schlaht grad i oder wie? Mir hend bis jetzt fasch niemerem gseit, dass mir am üebe sind.. han s Gfühl, dass wör mich denn nur na nervöser mache und eigentli wot i eifach versueche locker z blibe und wenns klapped, denn isch schön und wenns na chli duured, denn isch das halt so - hauptsach s Üebe macht Spass aber ebe.. isch eifacher gseit.. im Hinterchopf schlummered bi mir sit einige Wuche au nur na eis Thema

[chlene]

@AndIna
Das mer am üebe si weiss eigentli au niemerd mit gaanz wenige usnahme
Aber hend da Thema letschti i mim Fründeskreis ka... und do si sich eigentli alli einig gsi, dass sie zersch no s läbe gníesse wend...
Und bi so ussage glaubi nid das do gross verständniss ume isch für da wo eim hald so beschäftiget.
Familie vo eus beide wüsse eigentli au nix devo, i weiss aber das sich alli freue werde.

Ja mir hend eus da au vorgno ka... gebe uns au mieh nid zusehr nu am wunsch z hänge aber ebe im hinterkopf klopfts hald glich immer a.

[AndIna13]

@chlene
ach, so Lüt wirds immer gäh.. ich bin döt dure momentan i dä gliche Situation.. bin au ersch 24i und ganz viel Kolleginne findet, dass sie zersch na schaffe wänd, umereise wänd, Wiiterbildige etc.. aber naja.. so sind all andersch ich bi meh dä Familie- als Karriere-Typ und schliesslich isch ja s Läbe nöd verbi, wenn mär dänn äs Chind hät

druck eu zwei ganz fesch dä Duume, dass ihr nöd z lang hibble müend

[chlene]

@AndIna
Ja da weiss i scho
S macht mi de aber scho chli trurig / verruckt grad au we me de ebe s gfühl übermittelt bechunt vom gegenüber mer het ihm jetzt grad e todesnochricht überbrocht...
I cha bruef und Kind kombiniere zumindest bim erste gohts ganz sicher. miesst de aber au nid go schaffe wen i nid wot. Umegreist si mer au scho recht und cha me jo schliessli au mit Kind no mache und i bi au e Familietyp.
Ja da hoff i au und druck dir / eu au d dume.

[Topolinchen]

Wow da ine isch ja gad chli öppis gloffe woni weg gsi bi,so schön:-)
Herzliche Willkomme die wo noi dezue gstosse si,schön plaudered ier da ez au mit!
@chlene: bis nid trurig gsehnd das dini Fründe andersch mit früeh Chind ha!Vilich stecksches denn ja a wenn ier eis bechömed;-)Mit 25 chamer a so verschiedne Pünkt im Lebe stah! I ha nach Pilleabsetzig im Sept au en total unregelmässige müesame Zyklus!Drum verstahni di sehr guet wie nerveufriibend das isch nid zwüsse wo im Zyklus mer grad staht!Mir gahts gad gnau glich,bi 23. ZT und ha eigetli gmeint i heg am Samstig de Eisprung gha aber die blöd Tempi mag nid so recht uegah!Tuesch du denn au messe oder wie weisch wenn Eisprung gha hesch?

@Nilaya: I oisem Fründeskreis hend alli wo es chind unterwegs isch ghürate und recht offe komuniziert,dass ez es Chind wetted!I ha das eigetli nid welle säge,aber nach oisem Hochzig letscht Summer si natürli alli cho fröge ob mir ez loslegge und wasoisi Plän sin!Hend denn uswichend gantwortet dass mir ois scho Chind wünsched,meh nöd!Aber mit mine ängste 4 Kolleginne besprichi das scho,die wüssed Bscheid!

[fiona85]

Ich habe heute positiv getestet.....es fällt mir schwer liebes bienchen liebe blevita....und ich möchte sooo gerne das auch ihr schwanger werdet...ich weiss wie es für euch ist wieder von einem positiven test zu hören......ich glaub an euch!!!

An alle anderen
Ich drücke euch ganz fest die daumen...auf das es bald klappt!!!!
Liebe grüsse!!!!

[Topolinchen]

Wow herzliche Gratulation,soooo schööön!!!!!!!Ich wünsche dir ganz e schöni und problemlose Kugelzit!!!!

[Blevita]

WOW fiona85, so schöne Neuigkeiten!!!!! Ich gratuliere dir ganz ganz herzlich! Wünsche dir von Herzen eine schöne Kugelzeit.

Allen neuen herzlich willkommen und eine kurze Hibbelzeit.

Ich bin letzte Woche in den 24 (!) ÜZ gestartet... Die Hoffnung auf natürlichem Wege SS zu werden schwindet immer mehr es macht mich sehr traurig aber ich versuche dies in meinem Leben nicht in den Vordergrund zu stellen und geniesse möglichst die schöne Momente.

Wünsche euch einen schönen Tag.
LG, Blevita

[chlene]

@Topolinchen Das mit dem Tempi messe hani jetzt scho mermols glässe... Nei also eigentli mach i nix i die richtig wer aber demfall mol spannend chli no z läse was da gnau isch.
Wen de Eisprung gnau isch hani eigentli am erst im nochhinein gwüsst ka und die letschte 2mol den so ungefähr a hand vo de vordere Zykle berechnet aber kei ahnig obs den au gstumme het. Aber was i bis jetzt irgendwie glich immer uf meistens +3 Täg gnau gwüsst ha im Vorrus isch wen mini Mens söt cho und spötistens am Tag vohrher hani de gwüssheit ka den sie kündet sie sich mit Lendeschmerze a und den hald die ganz zit dure so e art "buchweh". Aber jetzt is scho de 37Zyklustag und vo de Mens no wit und breit ke spur :-/ Ha aber sit em letschte do immer wieder Lendeschmerze und "Buchweh". Wen me de mindestens gwüssheit hetti das es nid klappt het de Monet...

@fiona au vo mir gaaanz herzlichi gratulation

@Blevita *ganz fest knuddel*

Wünsch euch allen einen schönen Tag

[AndIna13]

@Fiona woow sooo schöni Neuigkeite, das freut mich meeega für eu gnüss die kommende Wuche i volle Züg für eus mit

@Blevita *drückdich* cha mir vorstelle, dass es eim nach so langer Ziit schwer fallt, na dra z glaube