Juhu auch wir legen los Teil 4...

[Pet]

Buch: Gelassen durch die Kinderwunschzeit - Birgit Zart

Kann das jemand brauchen - einmal gelesen - sieht aus wie neu!

Würde es für CHF 10.00 inkl. Versand verschicken. Bitte Nachricht per Postfach.

[Bienchen84]

hoi mini Liebe

I mäude mi o wiedermau, ha immer wieder gläse, aber ir letzte Zyt ischs ja sehr ruhig worde hie inne...

@lisettli:
I cha dir sooo guet nachefüele!! Mir geits genau glich mit mim GG. Ussert, dass er o iz no nüt vo KiWu wott ghöre und ig mit mim Wunsch zimmlech alei da stah. O usem Umfeld heissts geng "nimms locker, verstiif di nid zfest druf...blablabla!" Verdammt, genau das machts no schlimmer, settegi Kommentare!
Ir Familie (mini und GG's) gits das Jahr grad 3 Babys und da söu i eifach eine uf "easy-peasy" mache u zrügglehnä u zueluege, wie die angere aui Mami werde?!?! I cha das nid, verdammt!!!
Sorry, bi abgschweift.. I füele absolut mit dir, dass es di mega beschäftigt. Viu Männer si dert düre gloub zimmlech ähnlech... Füeu di drückt vo mir!

@missre
Puh, 5h?! Isch ja heftig! Immerhin hei si aues chönne behäbe.
I wünsche dr ganz schnäu gueti Besserig und dass di EL sini Arbeit no cha leiste!!

@jeyjey
Das gloub i, dass das meeega asträngend mues si, wenn es Baby so viu schreit und grännet... I hoffe fest, dass dini chlini Muus sech inzwüsche wieder wohler füeut und sie besser schlaft. So, dass dir euch aui chöit erhole!

@fiona
I has fasch nid chönne gloube, woni gläse ha, dass es grad wieder klappt het bi euch! I gratuliere vo herze und hoffe, dass sech eues Würmli diesmal richtig festbiist, am richtige Plätzli! <3

@me
Merci fürs frage, i ha grad chli e schwäri Phase hinger mir. (sorry, wird lang)
I bi sit ere Wuche krankgschribe, wüu i letzt Mo. plötzlech es Mega-Mami-backflash gha ha und stundelang ha grännet. I ha nüm möge ässe, bi nur no teilnahmslos da ghockt und a nütem me Freud gha. Am Di. bini zur Ärztin, die het mer Johanniskrauttabletten gä und mir bire psychologische Praxis agmäudet. I bi froh, chani dert häre ga, obwou i no gar nid bi gsi.
Inzwüsche geits wieder besser, es git immerno ups and downs aber nüm so schlimm. I vermisse mis Mami eifach soo fest, si fäut mer mega. I cha mer gar nid vorsteue, dass i dr rest vo mim Läbe mues uf sie verzichte. Kes Mami, woni mitz ir Nacht cha alütte, wenn i de mau nid witerweiss mitem Bébé... Keni ufmunternde Wort, wenn i müed bi vom Babyalltag. Kes gmeinsams Annekdote ustusche me... Sorry, dass i da so umegränne, aber es tuet mer guet, wenn i das hie cha schribe. Dir sit aui mini virtuelle Fründinne und i schetze's enorm, dass mir üs hie aui enang chöi häufe, uf irgend e Art und Wiis.

@ÜZ
Si (oder mues äuä säge: bi) im 26.ÜZ, kurz vor ES. Z'erste mau sit langem gspüri wieder, dass dr ES bevorsteit, bi duurend spitz!
I ha no e agfangeni Packig CB Dual Ovus, woni iz fertig bruche. Sit 3 Tag hani e blinky, i nihme a, morn oder übermorn isch er de konstant, sprich: mis Eili springt..
Komischerwiis hani dasmau scho vor ES mega unreini Hut, vorauem am Chini, das hani susch geng ersch öpe ES+7... Naja, cha o vor Psyche cho.

Puh, sorry, isch chli lang worde...
So, i wünsche aune e Guete u bis gli!

[lisettli]

Hoi Bienli

Schön vo dir z läse und danke für dini Wort. Du heschs im Moment abr au nit eifach... Cha di guet verstoh, au das du dis mami vermissisch. Mir fehle grad chli d wort. Fühl di druckt! Und ich druck dr witerhin all mini düme!!!

@me: ZT 46 so lang hani scho lang nüm müesse warte... De letscht isch 35 gsi, ha mi scho gfreut, dass sich mi zyklus langsam reguliert, doch nüt gsi...

[lisettli]

@missre: wie gohts dr?

[missre85]

Guete Morge zäme,

@topolinchen oooond, hesch gueti News för üs? Danke för dini Wönsch..Muess ebe e Pille näh wo extra för die Chrankheit esch, söt denn aui chlini Härdli uströchne wo se evtl. ned gseh hei..

@fiona secher ned??? huere cooooool! Gratuliere der vo Härze ond hoffe sehr, dass dasmau aues guet chont!

@lisettli oh jö, di Ma esch ja härzig! Schön heit der das chöne kläre ond chöit jetzt gmeinsam hibble ond üch fröie!
Wie gsehts jetz us, du Armi! Wie gahts der?
Danke, mer gahts besser aus nach dr OP, dSchmärze sei eigentlech grössteteils wäg, haut eifach sösch nachli Problem..Aber ha am Do dMens becho ond fast kei Schmärze gha, dasch toll gsi!

@bienli danke ou der för dini Wönsch!
Oh man, cha mer guet vorstöue, dasses eim nach somene Verlust so schlächt gaht, esch ja schliesslech sgeliebte Mami! Wönsche der, dass du baud chasch demet omgah, demets der nömm so schlächt gaht debi! Füeh de omarmt ond heb gueti Besserig!
Ond för di Zyklus drücki der fest dDüme!

[lisettli]

Hey mini Liebe

I chas chum glaube... Ich bin schwanger... Ha gester positiv testet, ha zerscht denkt das cha nit si, ha bestimmt öbis falsch gmacht, mir het zwar scho d brust weh do und i ha scho länger es zieh im buuch, abr das han ich mol unter PMS abghogget, isch bi mir jo nüt ungwöhnlichs... Ha de nomol testet und wo de wieder nach es paar sekunde en dicke dütliche zweite Strich cho isch, hani nur no ghült. Es isch alles no so unwirklich und irgendwie nid real, ich ha so nüm dermit grächnet. Trau mi irgendwie no gar nid recht mi zfreue, ha s gfühl i verwach jetzt de jede moment und stell fest, dass das alles nur en traum gsi isch...

Ich wünsch euch allne vo härze, dass ihr ebefalls gli dörfet positiv teste. Ich druck euch ganz fescht d duume!!

@missre: ich hoff ich darf au dich gli im andere Forum läse! Wünsch dr witerhin e gueti besserig!!

[JeyJey]

Oh lisettli, so schön hoffemer, dass sich das Krümeli guet feschtbiist!! Gnüss d'Afangsziit, es isch so ufregend und me isch plötzli so voller Tatedrang, trotz Müedigkeit und Übelkeit

[missre85]

@lisettli wooooooow, dasch aber e Öberraschig, hammer! Gratuliere der vo ganzem Härze, dasses ändlech ou be der klappet het! Wönsche der ganz e tolli Chuguziit ond dass aues guet esch met dim Würmli!
Wie hets di Ma ufgno?
Jöö danke lisettli, hoffes ou fest, aber be uf aues gwappnet! Häbs guet!

@jeyjey wie gahts der?

[lisettli]

Guete Morge

Danke euch jo voller Tatendrang bin i scho, wenn i zum Bett us chum schlecht ischs mr zum glück nit so fescht, derfür bini e schlofchappe worde.
Mi schatz het ganz ungläubig gfrogt, ob das jetzt wirklich sig und het sich denn mega gfreut.

Ich wünsch euch e churzi hibbelizit, und uf das ich euch bald im andere Forum lies!

[missre85]

@lisettli ooooh sooo schöööön, fröit me mega, dasses klappet het ond der beidi so Fröid het!
Wönsche üch aues erdänklech Guete!

[Bienchen84]

Wooow, lisettli!! Immer denn, we me am wenigste dermit rechnet... Gratuliere vo ganzem herze, sooo genial!!
I welem ÜZ bisch iz ss worde??
und wenn hesch ET?

[lisettli]

Merci!
Mir si jetzt im 9. ÜZ gsi, bi zykle zwüsche 35 und 50 Tag.
Wenn de ES denn gsi isch woni denkt ha, müessti das chindli mitti Februar uf d wält cho. De ersti FA Teemin isch am nägste Zischtig

[missre85]

Oh wow, denn hets ja glich rächt rasch klappet!Wie hesch denn dr ES usegfunge? Oh toll, verzöusch de glich ou da wies gsi esch bem Termin?

[lisettli]

Afang märz 2015 hani d pille abgsetzt und mir hei ufghört mit dr verhüetig. Het glich meh als es joor brucht.
De ES hani anhand vom ZS und hutunreinheite sowie vermehrti Lust uf sex einigermasse chönne iordne.
Wenn ihr das gärn möchtet läse, denn verzell i sicher wies gsi isch bim FA. Bi gspannt abr au chli unsicher vor dem Termin. Ich han e sprützefobie und panik vor Nodle, spitäler und ärzt, besti vorussetzige für e Schwangerschaft, ich weiss i ha zwar e Hebamme als Fraueärztin abr um die Nodle wird i nit ume cho...

[missre85]

ja aber gäu, met so lange Zykle esches klar, dasses meistens lenger gaht met hibble! Oh, chas ergendwie emmer nanig so rächt gloube, fröie me mega för de!
Ah cool, ha emmer dänkt, dass me met so lange Zykle ergendwie ned merkt, dass me e ES het, aber omso besser hesches gmerkt!
Auso eg be ämu seeeeehr gspannt was du brechtisch vom FA-Termin!Oh jeh, ja cha mer vorsröue, dass me da Angst het, aaaaaaber dänk emmer dra es esch förne guete Zwäck! Hesch us däm Grond e Hebamme aus FÄ?

[lisettli]

@missre: jö merci! Fühl di knuddlet!
Nit direkt, het sich mehr zuefällig ergeh, ha vori en normale Frauearzt gha, bin denn abr umzoge und die Praxis het mr am beste gfalle und am meiste zuegseit. Si dört alles hebamme und Ärztinne für Frauegsundheit, nuturärztinne und Homöopathie Ärztinne, also nit so typisch Arztmässig, au d Praxis sälber, woni s erstmol dört gsi bin, hani gmeint i ha die falschi Tür verwütscht plötzlich bin i zmitz imene alte Wohnhuus gstande. Isch sehr gmietlich igrichtet und erinneret absolut nit an ärzt meh an e wohnig, die hei nit mol sone doofe FA stuehl, die hei ganz normali better, wie mir se au im schlofzimmer hei. Und es wird dört inne niemer gsietzt, es sind alli per du mit de Patientinne. Git grad e ganz anderi atmosphäre als wenn me emene wiss kleidete arzt inere sterile Praxis gegeüber stoht...

[missre85]

@lisettli das tönt nach ere sehr coole Praxis, grad wenn du eher dr Typ besch wo Angst het vore normale Praxis, bzw. vor däm wasme döt enne macht. Chöi die aber aues mache wie ire normale Praxis?
Eg aus MPA ha ebe gärn so schön modärni Praxene met de nöiste Grät, füehle me eher onwohl i setnige wo du beschrebe hesch, aber so sei Gschmäcker verschede!
Gahts der guet?

[lisettli]

jo als MPA verständlich das isch mir z steril und z wiss i bi mr nit sicher was sie alles cheu, abr i lo mi mol überrasche.
Mir goht eigentlich sehr guet, ab em Nomittag wirds mr jewils biz flau im Mage und i fühl mi de ame als hätt i d nacht dure gmacht, chönnt eifach nur no schlofe, abr suscht alles ok. Mini oberwiti isch gwachse mi maa het freud dra abr es macht au bizi weh, fühl mi wie en teeny im brustwachstum... Isch alles bizi empfindlich.

[missre85]

Haha, ja das chani verstah, wenn me Angst het vor däm, söts ned no nach Spitau ond Praxis usgseh!
Oh jöö, fröit me gahts der sösch guet, hoffe sehr, dass das so blibt! Hesch du eigentlech ghürate oder seisch eifach so mi Ma?
Ou cool, hät ou gärn grösseri Büppi! Wenn hesch dr Termin?

[lisettli]

Nei ghürote si mr nid, er isch abr glich für mich min ma Abr s Thema stoht im Rum.
Jo, min Schatz findet die grösseri Brust au toll aber es isch scho nit so agnähm cha chum renne, das Zügs gumpet im gaggo umenand und das macht echt weh
Ha hüt nomittag die erste untersuechig gha und es isch nit so toll gsi... Mini Hebamme het irgendwie chli en schlechte Tag verwütscht und isch ziemlich blöd druf gsi. Ich ha jo wie gseit e ziemlich starki sprützephobie und sie het mich eifach nur mega unter druck gsetzt. ha mi echt bevormundet und schier vergewaltigt gefühlt. Sie isch biz gnärvt gsi und wahrscheinlich unter Zitdruck. Abr wird mr eh e andere Hebamme müesse sueche, mini macht keini Geburte und ich möcht nit bi dr Geburt denn e fremdi Hebamme, denn möchti wenn schon denn schon vo Anfang bis Endi die glich person vor mir. Bi jetzt chli am umeluege mit de geburtshüser, die biete jo au vorsorgeuntersuechige ah, denn hätti wenigstens vo Anfang ah, grad die glich Hebamme. D Bluetentnahm hei mr denn müesse abbreche, es isch nit gange ich ha agfange hyperventiliere.... sie het mr denn nach langem hi und her de Zettel für de Bluettest mitgeht, denn chani de viellicht bimene andere Arzt mache wo biz meh zit het odr au d Möglichkeit vo beruhigsmittel, sofern das irgendwie goht in dr Schwangerschaft... nach dem ich jetzt de Zettel mit dene Tests studiert ha, muess i schon säge, ich fühl mi biz übergange vo minere Ärztin... ich verstand jo, dass so tests wie Bluetgruppe, Rhesusfaktor und Hämoglobin durchus Sinn und Berechtigung hei, aber so tests wie Ise (wo jo in zämehang mit em Hämoglobin stoht), Hepatitis B, Rötele, Syphilis und HIV gähnt für mich nit unbedingt sinn und laufe für mich unter Panikmacherei und Kontrollzwang... Ich will das alles gar nit, und überleg mr echt die Tests z verweigere. Hät ich öbis vo dene Sache hät me das schon lang festgestellt und impfe cheu si in dr Schwangerschaft eh nüm, also nützt ne au nix, wenn sie wüsse ob ich Antikörper ha oder nit. und zudem wieso sött ich grad usgrächnet jetzt krank werde, wenn ich suscht nie krank wird? nur will d wahrschienlichkeitsberächnig xy seit, dass möglicherwis, evtl. unter gwüsse Umständ ich mich könnt infiziere.... früener sind die Kinder au uf d wält cho und in ärmere Länder chöme si auf uf d wält.
Sie het mr au umsverworge en FA welle ufdränge für d Ultraschalluntersuechig, wo sie nit cheu mache, will alli wo d usbildig hei, in 4 Wuche in de Ferie sind, obwohl ich gseit ha, ich will zu mim ehemalige FA. Und denn goht sie no 5 Wuche in d Ferie und schickt mi us dem Grund nomol zunere andere Hebamme, für die 2. untersuechig. Klar, ich zieh mich jo gern vor x fremde lüt us, mach jo nüt anders de ganz tag... Hallo? Ich seckle doch nit vo Arzt zu Arzt! Boa die Frau het mich so richtig stinkig gmacht und denn no ihres genervte Getue am Schluss und ich hätt se chönne an e wand klatsche, echt. Mi Schatz isch echt e arme cheib gsi ufm Heimweg de het sich de ganzi wäg über mis gefuttere müesse alose
Sorry isch grad biz länger wurde... ha grad mol biz dampf müesse abloh die Hebamme het mi so ufgregt mit ihrem Verhalte hüt.