Winti Mamis Teil 87 *Neue Willkommen*

[Krambambuli]

Ja ha ez au esbiz Problem gha zum alles finde, aber jez hanis checkt....

Shorna, wiedermal Zit für es Date ?

[Shorna]

Ich hasse veränderige! Nach 10 Jahr Swissmom Forum wo immer gliech usgseh hät, isch das zu viel des Guten für mich.

@ Krambambuli
De nächst frei Dunnstig Namittag isch für eu reserviert.

[Krambambuli]

Cool ! Mäldsch di dänn äfach.

Ich ha schomal ime Forum 2x en Serverwächsel miterläbt. Bi det sitem 2006 debi (bis hüt) und finde immerna, das Design ganz am Afang isch s'einzig wahre gsi. Aber hami a di andere au gwöhnt..... Aber weiss wat meinsch, isch halt scho was anders jetzt....

[spiri]

Hallo liebe Winti Mamis
Ich bin neu bei Swissmom registriert und bin auch eine frischgebackene Mami. Meine Tochter ist jetzt 5 Woche alt. Leider habe ich in meinem Freundes-und Bekanntenkreis keine weiteren Mamis, was nicht ganz einfach ist für mich. Ich bin zwar nicht aus Winti, ich bin aus Bülach, das ist aber nicht allzu weit weg.

Trefft ihr euch regelmässig oder was treiben die Winti Mamis so?

Liebe Grüsse
Spiri

[Krambambuli]

Dann willkommen im Forum


Also ich kenne mittlerweile Shorna und Zwetschge persönlich, beides sehr liebe Ladies !

[spiri]

@Krambambuli (coole Benutzername!)
Danke für dini Nachricht, leider chan ich im Momänt uf privati Nachrichte no ned antworte, willi no kei Berächtigung han. Anschienend muess ich mich zerscht meh im Forum a Disukssione beteilige, erscht dänn wird die Beächtigung ufgschalte:-(

Ich chume uf jedefall sehr gern mol anes Träffe vo euch, würd mi freue. Was macheder dänn amig so, oder wo gönder dänn amig ane?

Liebi Grüess

[Krambambuli]

Jetzt ide warme Jahresziit isch de Winti Stadtpark toll oder au bi einere vo eus diheime.

Ou ja genau, muesch glaub 10 Biträg ha das chasch PN's verschicke ! Da häsch ja scho 50%

[spiri]

Danke füt de Tipp....dänn luegi mol, woni nl übrall min Senf chan dezue gäh:-) ich würd mi uf jedefall freue wänni mol dörfti zu eu stosse amene Träff.

Liebi Grüess

[saralicious]

Hoi spiri & winti Mamis
Ich bin au us Winterthur und min Sohn isch jetzt 8 wuche alt. Ha s gliiche Problem wie du spiri... Mini Fründinne hend au na kei Kind. Wür mi freue eu z treffe.

Gesendet von meinem HTC Desire EYE mit Tapatalk

[spiri]

Ja gäll saralicious, das isch no speziell wänn de fründeskreis kei chinf hät:'(
Ich freu mi demfall uf es träffe mit eu!

[Krambambuli]

Mer müend halt eis organisiere !!! Shorna, bisch däbii ? Zwäschgä ??

Willkomme saralicious ! Ich ha ebefalls das Problem wie du und d'Spiri.... Kei Kollegine mit Chind ..... Sind all na frei we Vögel

[Arduinna]

Hallo liebe Winti-Mamis

Ich melde mich auch gerne bei euch. Meine Kinder sind 2.5 Jahre und 6 Monate alt.
Ich würde mich freuen euch kennenzulernen.

Liebe Grüsse
Arduinna

[Krambambuli]

Ich habe jetzt eine Geheime FB Gruppe erstellt, da sieht niemand das ihr dabei seid. Wenn ihr wollt könnt ihr mir eure Namen per PN schicken. Also schreibt fleissig dann kommt ihr auf die 10 Beiträge

Hallo Arduinna, schön das du auch dabei bist. Wird ja richtig voll hier

Wünsche eu ganz e schöns Tägli

[chäferli88]

Hallo zusammen ich wäre auch gerne bei einem Treffen dabei wir wohnen etwas außerhalb von Winterthur ich habe einen 9 Jährigen Sohn und anfangs Oktober kommt das zweite. Leider sind wir in unserem Freundeskreis auch fast die einzigen mit Kindern.

[Shorna]

Willkommen die neuen, es war lange sehr ruhig. Schön wenn wieder etwas frischer Wind weht.

@Krambambuli
Jep, ich bin dabei, habs schon eingetragen.

[Krambambuli]

Euses chliine, gheime FB Grüppli wachst. Wänn au DU dich na wetsch dezuegselle, PN a mich. Winti Mom's, mir mached jetzt Nägel mit Köpfchen, hihi

[lifa2016]

Hallo zäme

Dörf ich mich no zu eu gselle?

Mir sind früsch uf Winti züglet. Min gg isch hiä ufgwachse und wo sich vor es paar monat sin 1. Sohn agchündigt hät, hämmer beschlosse zrug in d nöchi vo sinere Famili z zieh . Da ich ganz wit wäg, in de Bergä ufgwachse bin, isch min fründeschreis hiä no chli chli

Euse Sohn sött ändi Septämber uf d Wält cho, mir sind aber scho jetzt regelmässig im KSW, da es bis jetzt so usgseht, als ob er e chli früehner cho möcht. Momentan hani leider e chlini Zwangspause verordnet übercho, nit lässig, wenn me früsch züglet isch und sooooo gern no möcht z babyzimmer irichte . Aber solangs em pfüdi guet gaht, gahts eus au guet. Chinderzimmer hin oder her...

Würd mi freue, da chli dörfe mitzschribe und hoffentlich au mal öpper z träffe (wenni denn wieder chli mobiler dörf si).

LG
lifa

[Shorna]

Hallo lifa

Natürlich darfsch du mitschriebe. Das mit zügle und irichte welle kenn ich au. Bi mim erste Chind bin ich am 20.9. i die neu Wohnig izoge und am 23.9. isch er uf d Welt cho. ET wär 4.10. gsi. Wenigstens isch d Chinderzimmer parat gsi, s ander isch denn so na dis na cho.

Ich rätsle grad über din Dialekt, Innerschwiez?

I welem Stadteil wohnsch?

[lifa2016]

Hallo Shorna

Danke fürs willkommeheisse

Wohned in Seen. hahahaha min diäläkt isch es mega Mischmasch. Mis Mami isch in dr nöchi vom Walesee ufgwachse, lang z Züri und im Bündnerland gwohnt und drum chli öppis vo überall agno und ich bin eigentlich sogar im VS ufgwachse. Also alles e chli

Wow, denn händer aber Gas gä mitem Chinderzimmer irichte!

@ kei Chind im Umfäld: mir händ zwar scho einigi Chind in eusem Umfäld. Nur isch z Umfäld über di ganz Schwiz verteilt und so gseht me sich eigentlich au eher sälte.

LG
lifa

[Shorna]

Ha ha, da bsich ja scho wiet umecho i de Schwiez.

Dekoriert isch s Zimmer nid fertig gsi, aber immerhin sind d Möbel gstande.

Mir wohned nid so wiet usenand, mir sind im Deutweg hihei.

Bisch au wiet umecho. Isch das für bich nid schwierig gsi immer wieder neu afange?