Juhu auch wir legen los Teil 4...

[JeyJey]

@Blevita: Das tönt doch scho mal guet, und es isch irgendwenn wohl eifach en logische Schritt. Akupunktur cha im Fall au vill bewürke, hoffemer sBescht! Ich drück eui wiiterhin alli Düüme. Mir wänd 2 Chind (oder 3, wenns denn Zwilling gäbt - was ich aber ehrli gseit nöd hoff, hihi), und da mir nöd noch 3, 4 Johr nomol ganz vo vore wänd afo gämmer chli Gas Hoffe eifach, dass sSchwöschterli /Brüederli denn chli pflägeliechter wird...

[missre85]

@blevita wie lang muess me aube warte förne Termin? He, fenges super, dass di GG das macht, ha scho vöu positivs ghört! Het är dämfau dMängi oder dSchnäuigkeit ned guet gha bem SG? Dröcke üch dDüme, dass der rasch e Termin bechömet!

[Rafa]

ich schleich mich mal kurz rein

@blevita
weiss nicht ob du mich noch "kennst"! verfolge den thread doch noch ab und zu und wollte mich mal kurz melden. es tut mir sehr leid dass es bei euch immer noch nicht geklappt hat...kann mir nicht vorstellen wie das ist immer wieder enttäuscht zu werden und doch jeden monat wieder voller hoffnung zu sein. stelle mir das sehr schwierig vor und wünsche dir ganz viel kraft und energie. finde es gut holt ihr euch hilfe. ich drücke euch fest die daumen und hoffe dass ihr auch bald ein schätzeli in den armen haben dürft.

@valea
wooww....was lese ich den da gaaaaanz herzliche gratulation...geniess es und alles gute für die restschwangerschaft und die geburt!

[Blevita]

Liebe Rafa, so schön meldest du dich. Ich "kenne" dich noch ja. Ist zwar schon eine Weile her
Danke für deine lieben Worte! Es ist nicht einfach jeden Monat mit dieser Enttäuschung umzugehen aber irgendwie geht es immer wieder irgendwie weiter und ich kann, von wo auch immer, neuen Mut und Energie fassen. Und jetzt mit einem Ziel vor Augen geht es schon viel besser. Ich hoffe es geht dir gut?!

Liebe missre85: min FA hätt gmeint es chan bis zu 6 Mönet gah bis mer en Termin bechunnt... Ich hoffe es klappt bis im Dezember für es erst Gspröch das wäri so min Wunsch damit mer denn im Frühlig chönntet starte mit de erste Insemination oder für was mir ois denn au entscheidet.

Liebi JeyJey, oh cool. Denn hoffi für dich mit. Aber meistens isch ja zweite nöd glich wies erste, so wie ich das amigs mitbecho han. Bin gspanne obs denn wieder so rasch ihschlaht

[JeyJey]

@Blevita: Ja, ich merk scho, dass ich chli ehrgizig worde bi, wells bim erschte Mal grad so guet klappt het... ich wär wohl rächt enttüscht, wenns schwierig werde wörd. Aber me weisses ja nie. Ich bi eifach mal positiv igstellt. Ich wünschti, es wär scho Mitti September...

[lifa2016]

huhuuu zäme

Ich glaub ich sött wieder under Valea schribe, aber han z passwort vergässe drum machi halt mit lifa witer

@rafa: Danke vil mal Hoffe dir gahts au guet

@blevita: Danke, ja git es chlises büebli . Di Zit rast nur so. Ich hoffe, ihr berchömed bald en Termin in dr KiWu Klinik. 6 Mönet warte isch uuuu lang. Weisch denn scho in weli daser gönd?

@missre: Au dir danke vil mal . Han zu mim grosse erstuune null Problem gha. Isch eigentlich en absoluti Traum-SS gsi bis jetzt. Und die ss isch ja eher unerwartet cho , vilicht häts drum au bim erste mal klappt, wil ich mich so mal gar nid verstiift han. Ich dänke d Chance zum ss wärde mit einem EL sind nid zwingend tüüfer. Min FA damals hät au gmeint, es gäb vil fäll wo dr ander EL denn die Produktion voll übernimmt oder vilicht zu 75%, wil mit dr EL-Entfärnig vil au d Hormonleitig gekappt wird uf dr eint site und denn schafft di ander Site automatisch meh. Aber natürlich chans au fäll gäh, wo würkli denn 50% reduziert bisch. Wiso häsch du evtl au nur no ei EL? Hani da was verpasst?

@me: Eus gahts sowit guet. Das weekend wird chinderzimmer igrichtet und denn simmer den öppe ready für de chli prinz.

So ich puste nomal gaaaaanz fest in d Rundi. Drucke eu ganz ganz ganz ganz ganz fest dume, das au ihr bald zwei Strichli dörfed gseh uf eure tests.

Ganz liäbi Grüäss in d Rundi
Valea

PS: Ich het no Ovutests abzgä... Wer möcht cha mer gärn e PN mache

[missre85]

Hallo zäme,

@lifa oh schööön, das magi der mega gönne! Hesch nach däm ganze Drum ond Dra verdient! Wie esch eigentlich sHochziit gsi?
Ah ok, da machsch mer grad mega Hoffnig, danke! Mer het ebe d'Ärztin gseit, dass dr eint Eileiter eifach s'Ei uf dr andere Siite wör go hole, de hani zerstmau so gluegt, wöui das eifach no gar nie ghört ha! Aber wenn dini FÄ ou seit, dasses ned onbedengt erschwärt muess si, beni mega erliechteret..
Eg ha im Mai wägere Zyste am linke Eierstock e Buchspiegelig (schlossändlech esches e 5h-OP worde ) gha wo usecho esch, dassi e schwäri Endometriose ha ond wöu die Zyste scho so gross gsi esch, esch dr link Eileiter igresse gsi-se hei de müesse nähe ond chöi haut ned garantiere, dass är glich funktioniert so.. Aber se hei denn dr rächt Eileiter grad prüeft ond dä funktioniert tiptop!
Oh jö, mega süess, esch secher sehr speziell, sones Zemmer dörfe izrechte?!

@blevita oh jeh, das esch ja e mega langi Warteziit! Heit der scho öpis ghört? Das wönschi üch ou, dröcke fest d'Düme..Was esch denn be ehm ned guet gsi im SG?

[Bienchen84]

uhuuuu, isch no öper da??

Isch mega still worde hie!
I ha dänkt, i schribe mau, damit mer nid plötzlech uf die 2.Site gheie!

Wie geits euch so? Aus ok?
Wär steit wo im Zyklus? Gits Neuigkeite?

@me
I ha hüt e mega stränge tag gha, ou wenn i vo daheim us gschaffet ha.
Aber i ha iz e Woche Ferie und mir gö paar Täg id Berge ga wandere... vorusgsetzt, z Wetter macht mit!!

@ÜZ
bi TZ 4 im 27.ÜZ...
I mache mer chuum me Hoffnig, dass i uf natürlechi Wiis ss wirde... I ha aber mega freud: mi GG het mer chürzlech bestätigt, dass er "sis Verspräche" nid vergässe het, und mir ab sim Geburi (Ende Sept.) beidi (nid nur ig) i KiWu starte... Das het mer soo guet ta, nach däm ewige uuf und ab!

I wünsche euch aune e guete Start is Wiiiiiikeeeend!

[JeyJey]

Hallo zäme!!

@Bienli: Cha guet verstah, dass dHoffnig immer meh schwindet. Ich drück eui alli Düüme. Wie gönder jetz wiiter vor?

@missre: Scho glii glii isch Herbscht!!

@Blevita: Gits scho News in Bezug uf dKiWu-Klinik / Termin? Hoffe sooo mit eui mit!!

@me: 1.Zyklus isch dure, mit 29 Tag absolut ok, trotz Stille. Jetz no 2 Zykle und denn leggemer Endi Sept/Afang Okt los mit Hibble

[JeyJey]

Neeeei... jetz hani grad gseh, dass min GG weg isch, denn wenn min ES wär im Oktober!! Nervt ja voooll!! Oh, hoffentlich verschiebt sich das nochli... nei, so ärgerlich

[missre85]

@Bienli chani guet verstah, ergendwenn verlürt me eifach dHoffnig, leider! Was heisst denn das jetzt, dass der beidi i Kiwu startet, mäudet der üch a ine Klinik?
Fröit me, dass ärs jetzt ändlech igseht ond der chöit loslege!

@jeyjey ja sägs ned, scho baud, muess nor no 36 Tablette näh ond denn gahts los! Fröie me mega, ha aber ou chli Angst mer e zgrosse Druck zmache!
Cool, be der gahts ja ou scho baud los, wie füeusch de? Cha ja guet si, dass sech dr ES verschiebt..Machsch Ovu?

@blevita ha ou wöue froge, öb der öpis ghört heit..?!

@me nüt Spezieus, fröie me ufe Septämber ond denn dFerie im Oktober!

[JeyJey]

@missre: Oh cool, de isch sÄndi wörkli absehbar bi dir!! Mir gahts sowiit ok - ich bi eifach nochli unsicher weg mim Beckebode... mache aber jede Tag schön 10min mini Üebige. Ja, das Mal will ich mit Ovus schaffe, s'letscht Mal hämmer eifach dauergherzlet, bis es eigentli scho nömm läss gsii isch. Das Mal sölls chli gezielter gah Ich ha eifach chli es zwiegspaltnigs Gfühl... ich hätt gern nomal es Meitli und ich bi eigentli au sicher, dass es nomal eis git, aber ich weiss, dass sich GG eher en Bueb wörd wünsche... aso, fürmich wär natürli au es Büebli ok, Hauptsach alles dra, aber ebe, is Herz schlaht chlii chlii meh nomal füres Meitli. Vilicht, well mir kä Buebenäme gfalled und ich deför no reihewiis Meitlinäme hätt... k.A.

[missre85]

@jeyjey ah wasi de no ha wöue froge: wie gahts eigentlech met dr Chline, schreit se nömm so vöu? Wieso besch der denn onsecher wäg dim Bebo? Ja gäu, eg fröie me grad mega, die Ziit esch rasend verbi!
Ah denn esch ja guet, das Dauerherzle tönt aso sehr asträngend, hät das gloub ned chöne, aber hey, du hesch Erfoug gha demet!
Werom meinsch de, dasses namau es Meitschi get? Mmmh, eg dänke, dass me meistens es Wonschgschlächt het, obwou me natürlech schlossändlech eifach froh esch, dasses gsond esch..Be mer esches grad omgekehrt, gseh me eher aus Buebemami! Ond das obwou eg schöneri Meitschiname weiss! Be ämu gspannt wases be der get.

[avme]

Hoi zäme

Dörf ich mich eu aschlüsse? Mir hibbled für euses 2. Wunder und sind bereits im 6. ÜZ. Gschlächt nämed mir vo härze was chunt....nach de geburt und de erste zit mit eusem 1. Wunder säged mir: gsund isch s aller wichtigst!
Mir bestimmed mit tempikurve de es und hälfed mit zyklustee nach. Das allerdings erst wieder ab em letschte zyklus. Vorher hani sowiso no gstillt...

En schöne tag
Avme

[JeyJey]

@Avme: Herzlich willkomme! Ja, du hesch vollkomme Rächt, Hauptsach alles draa und gsund, es isch eifach sones riiese Wunder!!

@missre: Ich weiss ä nöd, werum ich so verunsicheret bi wegem Beckebode... ich gspüüren halt eifach jedesmal, wenn ich dÜebige mach. Die machi jetz übrigens schön brav, jede Tag 10-15 Minute, ich hoffe, denn chunnts de bis zur nächste SS scho guet De Chliine gahts übrigens supi! Endi 10. Woche hets Schreie mega nocheglah und jetz isch sie eigentli total normal. Sie het eifach besseri und schlächteri Täg, hüt het sie z.B. eifach nöd chönne ipfuuse und het mega brüelt, aber das isch ganz andersch jetzt, als das Brüele vorher. Ich cha nöd säge, werum ich das wegem 2.Meitli dänk... ich ha eifach sGfühl, GG seg en 'Meitlimacher'

Ich freu mi sooo ufs Hibble mit eui! Hoffentli gönd die 2 Zykle schnäll dure... wenn alles so blibt, wie jetz, gahts am 28. September los

@Dauerherzle: Wotti das Mal nömm, ich bruch jetz Ovus. Mach de Zyklus mal en Tescht, öb das au so funktioniert, wie ich das gern hätt.

@me: Vor genau eme Jahr hämmer eus spontan füres Chind entschiede, nochdem dÄrzt mim Schwieva gseit händ, dass er sterbe wird. En schlimme Tag, aber au irgendwie en guete, well öppis so Wunderbars drus entstande isch... mir hätted eus sosch wohl nie deför chönne entscheide, händs ja immer usegschobe...

[Bienchen84]

Hoi zäme

@jeyjey
I cha mer sehr guet vorestue, dass es e riese Erliechterig isch für euch, dass die chlini iz nüm so fest grännet!
I hoffe ganz fest, dass es so witergeit und sie sich witer beruhigt.
Merci viumau fürs Dümedrücke, i hoffe, es würkt!

@missre
I hoffe, dass i dür das chli lockerer wirde, wenn i weiss, dass es eh schwierig wird si, dass i uf natürlechi Wiis ss wirde.
Dass mir gli beidi i KiWu starte heisst, dass es für ihn kes Tabu-thema wird si und er sich wahrschinlech wird es neus SG la mache. Je nach däm, was denn us chunnt, entscheide mer, wies witergeit. Thema KiWu-klinik hei mer no nid agsproche...
Aber vor längerem, wo er mau wieder sone Phase het gha, dass er bereit isch für Ching, het er gfunge, mir söue doch eifach e Insemination mache. Das isch gsi, bevor mir vo sim schlechte SG gwüsst hei. Mini Gotte het vor 27Jahr aus eini vo de erste Froue ir CH e IUI la mache, im Spital Baden. Sie het üs dervo verzeut und het gseit, mir söue das doch ou mache. Auso ufgrund vor Reaktion vo GG, chani dervo usga, dass er bereit wär, e IUI la zmache... hoffe mer aber, mir chöme drum ume!

@me
ZT10, also kurz vor ES...
I ha GG hüt chli müesse unter d Nase ribe, dass mir ufgfaue isch, dass er wieder meh raucht. Er het während 1/2 Jahr ufghört und leider wieder angfange, aber sehr reduziert... U woni ihm das gseit ha, het GG gmeint, er merki aber, dass er viu weniger Alkohol drunke het im letzte 3/4Jahr... (Er raucht meh, wenn er trinkt: git me Lust uf Zigis) u das sig schliesslech ou sehr guet für sini Schwümmer... !!! I ha eich gar nid a das dänkt gha, woni das ha gseit!
Aber schön, bis iz ha immer ig das Thema KiWu agschnitte, so merki, dass er sich ou Gedanke macht.

@avme
Herzlech willkomme, hoffe, dass gli erfolgriich bisch!

So, i wünsche euch e schöne Abe, blibet trocke!

[butterfly85]

Huhu ihr liebe...
Ich bin lang weg gsi und muen mi sicher mal no in rueh dur alles dure läse.
Ich han Endi Januar nachere Eileiterschwangerschaft im letschte Johr wieder dörfe positiv teschte und ihr händ üch so lieb mit mir gfreut. Leider händ sich aber denach d'ereignis überschlage. Ich han bereits es paar tag spöter Bluetige becho, bin sofort zur FA. Sie hät mer Utrogest verschriebe und absoluti Bettrueh. Im Ultraschall hät mer au no nüt gseh. Das ganz hät sich denn ganz 4 Wuche hizoge, wo d'Nerve blank gläge sind. Ich han immer wieder bluetige gha, mal meh mal weniger mal gar nüt. All paar Tag Bluetuntersuech bi de Ärztin. HCG isch vorhande gsi und immer gstiege, aber nume schwach. Und mer hät nie öppis im Ultraschall gseh. Mini Ärztin häts eso usdruckt: Es isch e Schwangerschaft ume, aber definitiv nöd am richtige Ort. Sie isch selber chli am Änd gsi mit ihrem Latein. Ich han au ständig es Zieh im Rugge gha, aber nöd so schlimm wie bi de ELS. Nachdem das ganz so 4 Wuche vor sich hi dümplet isch und mir völlig fertig mit de Nerve (die Ungwüssheit macht ein eifach fertig) hät mini Ärztin gfunde, mer beendet das jetzt mit Chemie, denn sigis verbi (will en aktivi Schwangerschaft isch es nöd gsi) und ich chöng nach füre Luege. Sie hät mi denn is Spital gschickt, woni e Sprütze mitme Chemotherapeutikum het selle becho. Die händ det nomol en Bluetuntersuech gmacht und schwups, de HCG isch gfalle. De Körper hät d'Schwangerschaft vonelei beendet, d'Natur häts greglet und ich bin eifach froh gsi, dass es verbi gsi isch und ich die scheiss gross sprütze nöd han müesse über mich ergoh loh.

Nachdene furchtbare Wuche hani zersch sgfühl gha, jetzt versueched mers eifach grad wieder. Aber ich han müesse gmerke, dass mich die zwei Erlebnis doch meh belastet gha händ, als es de Aschi gmacht hät. Ich bin fascht 4 monet nöme würklich ich selber gsi. Han nume no gschaffed und weder Luscht no Bedarf a Sex gha. Für min Maa isch die Ziit au nöd eifach gsi, ich bin ihm gegenüber recht abwiesend gsi und han nüme vill gredet. Aber i han das irgendwie mit mir selber müesse usmache und er hät Verständnis defür gha. Im Juni häts denn afange bessere. Mir sind denn es paar Tag i dFerie as Meer und händ eifach de Alltag hinder üs loh. Und det hämmer denn au wieder meh zunenand gfunde und üs wieder uf das besinnt, was mir anenand doch händ. Und so hämmer au beschlosse, dass mer wieder mi Babybastle loslegged, allerdings ganz easy, ohni Stress und Druck. Ich notier mer nume no ungefähr, wenn ich mini Täg gha han, demit i öppe weiss, dass min Zyklus reglemässig isch. Ansuschte wird weder Tempi gmässe, no ES grechnet oder susch was gmacht. Und i muess säge, bis jetzt fühli mi sehr entspannt. Ich hoffe natürlich trotzdem, dass es bald klappt (das chani ja schlecht abstelle) und de Wunsch isch riesig. Aber mit em Bewusstsi, dass es nöd grad sofort und jetzt sii muess, lebi eigentli ganz guet.

Ich wird sicher wieder öppe mitlese und villiecht au kommentiere, aber i bin eher stilli läserin. Han mi eifach mal wieder wellä mälde und mich bi üch wellä bedanke für üchi unterstützig!

[JeyJey]

Hi Mädels... recht ruhig hier!

@Butterfly: Tut mir sehr leid, dass du das durchmachen musstest. Ich erinnere mich noch daran, als du positiv getestet hattest, da war ich grad etwas mehr als in der Hälfte meiner SS. Ich drück euch ganz fest die Daumen, dass es bald wieder klappt und die nächste SS dann problemlos verläuft.

@me: d'Ovus, woni gnoh ha zum luege, wie min Zyklus so isch, händ bis jetzt nöd azeigt. Bi chli nervös weg dem, ich hätt eigentli demit grächnet, dass die längschtens azeiged bi ZT17. Aber jänu, wenns nöd wott denn wotts nöd. Ich hoffe eifach, dass alles i.O. isch und die 40er-Teschts bi mir eifach nöd ageh händ. Ha jetz mal 20er kauft. Oder vilicht hani gar kän ES gha, das cha natürli au sii... oder es isch wegem Stille. Aber wemmer das wüsst!

Wie gahts eu so, wer staht wo im Zyklus?

[missre85]

Hoi zäme,

@jeyjey esches mettlerwile angers met dine Ovus? Wöu eini imene angere Thema woni metschriibe, het ou kei positive Ovu gha ond esch glich schwanger gsi! Sösch chani der Tempimässe empfähle, da weisch, wennd öpe dr ES hesch!

@butterfly oh jeh, das tönt nachere sehr schlemme Ziit, tuet mer mega leidm dass du das hesch müesse döremache! wie gahts der jetzt? Sid der jetzt am hibble?
Weiss ned, öbi rechtig be, aber hesch du ned öpe glichzitig met dire Schwöster positiv testet?

@Bienli oh suuuuuper, fröit me, dass är ou ändlech debi esch, esch secher för de ou vöu schöner, oder?!
He cool, dass är sogar deför offe wär e IUI zmache, dänke, dass das scho e grosse Schrett esch i die rechtig Rechtig!
Ond wär weiss, vellech klappts ja glich no uf natürlechem Wäg, me weiss nie!

@avme härzlech wöukomme da! wie du gsehsch, esches da enne eher ruhig! Wönsche der ganz vöu Glöck, dassd ned lang muesch hibble!

@me baud esch Septämber ond eg dörf afa hibble-be auerdengs sehr beunruhigt ond mache mer jetzt schone Drock!

[JeyJey]

@missre: Wieso bisch beunruhigt?? Probiers eifach glasse azgah. Und nimm sösch Magnesium, das entspannt dGebärmueter (und hoffentli dadurch au dich ) Wie vill Tablette sinds no?
D'Ovus händ a ZT 18 doch no azeigt allerdings wohl ned wie vo CB versproche 24-36 Stund vorher, sondern weniger als 24h vor ES. Am nächschte Morge sind die sensitivere Ovus im Briefchaschte gsii und die händ bereits nömm ageh... vertrau dem nöd so. Isch wohl denn gliich wieder Dauerherzle agseit wenn min Zyklus so bliibt gahts bi mir ersch Afang Oktober los, naja... Geduld isch halt böd mini Stärchi