Märzlis 2018

[sandy01]

huhu zäme,

mini übelkeit het hüt auso grad ganz es anders mass erreicht, bi mir hiuft leider öpis ässe nüt...
i nimme o scho es zitli folsüre, elevit nimmi de später...elevit cha d übelkeit verschlimmere oder ou verstopfige mache...chani beides
grad nid bruche

[Jasi1985]

Sandy01 mer isch hüt obet gar nöd wohl seeehrrrr schlecht... jo ha verstopfige und mengmol durchfall... i glaub i loh elevit au mol weg und nimm nu folsäure...
Breche hani zum glück na ned müese

[Rahel85]

Hallo zäme! herzliche glückwunsch allne zur schwangerschaft! au mir händ vorere woche dörfe positiv teste und sind soooo happy!! min erst termin hani scho am mäntig, wills ferietechnisch nid andersch möglich isch gsi! de et sett am 5. märz si! mir freuet eus riesig!! ich nimm sit längerem femibion! bis uf en komische buch (rumore und mängisch es zieh) hani gar kei beschwerde, das macht mängisch fasch e chli angst ob ächt alles guet isch! wünsche allne wo scho vo de übelkeit betroffe sind alles gueti liebi grüessli

[dreamy82]

Juhuuuui Ladies,

Nomel eini bin etz 5+2 und uebeeeergluecklich!!!!! min Termin wird 6.03.18
I ha min erste Untersuech au am 17.07. aso freu I mi scho wen mir all den es Update werdet ha!

Zu mir: Ich bi 34, verlobt und min Schatz isch (leider) I de USA. Mir hend sit 2.5 Jahr e Fernbeizhig und es klapped aber super. Etz muemer luege dass da mitem Visum sich so usspielt, dass I den nach em Baby uebere chan.
Bin au froh das I den do d Behandlige und alles han, wil mir so e supppper System hend und gueti Aerzt

Aso ich han eigetli scho d Woche vor mine "Taeg" gmerkt das I endloooooos mued bin, het nur no choene pfuse. Und den han I de ersti test gmacht und e fiins lineli gse, und aber ned choene glaube. Han also nomel 2 Taeg gwartet und nomel 2 gmacht, wider uuu fin, und den nomel 2 Taeg und di negste 2 Test (chauf's gad im Doppelpack hihi) sind aso eiduetig positive gsi. Das het also grechtfertigt wieso I so mued gsi bin. Susch han I eigetli nur amel es Zieh ab und zue, aber zum Glueck kei Morgeuebelkeit oder so. Hoffe das bliebt au eso

I freue mi etz scho das mir das zeme choend erlebe und wuensche allne e gueti Schwangerschaft

[Lisa_84]

Hallo Dreamy!

Herzlichä Glückwunsch zer SSW De si wier bim ET nur 6 Täg vanand, ich bi 6 + 1

Das mit dum zie und der Miädigkeit hänich öi kä, darum bini uberhöipt ersch druf cho än Tescht zmachu! De bini froh gits öi nu epper ohni Übelkeit Wie wit bisch de bi dinem erscht US?

Häbet alli än güäte, beschwärdefrije NM <3

Mia

[Jasi1985]

I finds so toll we die Gruppe wachst und hoff me hend e tolli Ziit mitenand

Gratuliere eu Neue... er derfet gern id FB Gruppe cho.. eifach PN schribe mit euem Name..

We hend enart eui Manne reagiert? Min isch sooo happy aber glich au verhalte weg de Fehlgeburt.. hoff es chunt alles guet..

[Winterfee]

Hallo Zääme

Ich schlüss mich de Märzli-Gruppe ah. mir hend 1.5 Jahr uf euses zweite chäferli gwartet. vor einer woche hani döffe positiv teste. s'hett jetzt im zweite zyklus mit clomifen klapped und mir hend scho es 4 jährigs töchterli

leider chani ferietechnisch erschd am 25.7. zum US ha wie chli angst dass das "z'spat" isch... hed öper vo euch au ersch so spat? ich wär denn ca. 7 + 4...

de errechnet ET isch de 9. März 2018

Liebi Grüüeess

ah ja und bi au vo LOZÄRN

[Sonneschii14]

Allne neue herzlichi gratulation zur schwangerschaft und dass mer e schöni chugeliziit döfet zäme ha...
Oh so cool, vo wo bisch du denn vo lozärn?
Ich hocke grad vorem offne chips sack... aber nochher gets ja denn na fröcht

Wönsche allne e guete tag na..

[dreamy82]

Danke fuer's herzliche ufnaeh

aso wen I am 17.7 d erst arzttermin ha soet gad di 7t woche afoh...
am Telefon het sie gmeint vorher bringts ned viel, daher isch es fuer mi okay.

Muess villicht sege dasi vor ca. 7-8 jahr e fehlgeburt gha han, sehr lang brucht han zu mi psychisch erhole, drum isch es etz umso me e freud das es klapped het im erste monet quasi, unnnnnd etz hoffe mer natuerli uf s beste.
I nimme aber scho vitamine sit oeppe 4-5 moenet und ha mi bi de ernaehrig au verbessered. Also daher hani etz eigetli kei angst und freu mi uf de erst dokter termin Weiss gar ned was mi det erwartet?

Aso min Verlobte isch erstmal komplett verwirrt gsi hihihi hanem e ueberaschigsvideo gmacht (ebe halt fernbezihig) und woner den endli ufgstande isch am morge hemer gfacetimed und ich hanem s video uf sis ander natel gschickt. er het's den oeppe 3 mal muse aluege und het s den langsam afo kapiere hihihi zum's den so richtig mache, hani den aber via facetime halt nomel en test mit ihm zeme gmacht (digital) damit er s het choene lese deeen ischer total uebergluecklich gsi und het fast freudetraenli muesse weg wuesche hihihi

[dreamy82]

[quote="Sonneschii14"]Allne neue herzlichi gratulation zur schwangerschaft und dass mer e schöni chugeliziit döfet zäme ha...
Oh so cool, vo wo bisch du denn vo lozärn?
Ich hocke grad vorem offne chips sack... aber nochher gets ja denn na fröcht

Wönsche allne e guete tag na..[/quote]

hihihi de chipspack findi super! loh's dir schmecke

[pfefferminze11]

Dreamy i ha de et au am 6.3
Winterfee: i ha us ferietechnische gründ au ersch am 20. de Termin

[pfefferminze11]

Dreamy dörf i frage wie de das für di isch, wenn du jetzt do ohni di partner bisch? Stelles mir no schwierig vor.. wie oft chöne dir eu denn gseh? Excüse wenn i so e gwundernase bi
Ganz liebi grüess

[sandy01]

hey winterfee, toll hets mit em clomifen de gli klappet...
i ha dr et am 5.3. u mi erscht fa bsuech am 21.7, auso genau glich wie du eigleche...das isch auso uf kei fall zspät...
aber ja....s warte chunt eim vor wie e ewigkeit!

[Möndli17]

Au vo mir herzliche glückwunsch und willkomme de neue isch ja mega cool hets bi eu bedne klappt!!
Das flau si kenni us mine ledschte ss. Dasmal hani aber gar kei appetit und wenni den iss willi denk i sett doch, wird mir schlecht. Het das sust no öpert so?

[Möndli17]

Ah ja und ich nim Burgerstei Schwangerschaft und Stillzeit, han mir jetzt aber au no femibion bstellt.

[pfefferminze11]

Het öbber vo euch es schwangerschaftstagebuech?

[yelea]

Winterfee, ich han min Termin au erst bi ca. 7+5, si händ das extra so gleit damit mer scho chli meh gseht, isch aso sicher nid zspot!

Es klassischs Schwangerschafts-Tagebuch hani nid, ich schribe eifach churz uf, wenn öppis speziells isch (z.B. Datum vom SS-Test, erste Ultraschall, spöter s Datum woni s Baby s erst moll gschpüre, wo's dr Papi s'erst moll gschpürt, womes plötzlich vo usse gseht strample im Buuch usw....) und tue denn da bim Chind ins Tagebuech dezue drischribe...

[Andee1982]

Hallo Zääme

Ich schlüss mich de Märzli-Gruppe ah. mir hend 1.5 Jahr uf euses zweite chäferli gwartet. vor einer woche hani döffe positiv teste. s'hett jetzt im zweite zyklus mit clomifen klapped und mir hend scho es 4 jährigs töchterli

leider chani ferietechnisch erschd am 25.7. zum US ha wie chli angst dass das "z'spat" isch... hed öper vo euch au ersch so spat? ich wär denn ca. 7 + 4...

de errechnet ET isch de 9. März 2018

Liebi Grüüeess

ah ja und bi au vo LOZÄRN

Ich hab den termin auch erst am 3.8...bin jetzt 4+0...hab den termin dann also bei 8+0

[chanel_1]

Hallo zusammen

Ich bin nun auch dabei. Es ist mein zweites Kind und ich bin morgen 4+0, kann es noch nicht so recht fassen, freue mich aber sehr. Aktuell noch keine Übelkeit, aber das kam bei mir erst in Woche 7, dann aber heftig. Würde mich sehr freuen, wenn ich bei euch in die FB Gruppe dazukommen könnte.

[Sonneschii14]

Willkommen chanel...
Schrib doch eifach öbertem e PN mit dim name so chönd mer dich sehr gärn ufnäh...
Schlafet alli guet, ich freue mich ja duurend soooo ufnes bett