Märzlis 2018

[sandy01]

wow früehligszwieble, das si ja nöigkeite!
auso zerscht mau gratuliere i dir o vo ganzem härze zu dine zwillinge u das aues ok isch!
i verstah di schock absolut, aber i bi o dr meinig das sech aues wierd regle:). es geit ja zum glück no es wili bis mir parat müesse si für üsi wunder u schlussendlech isch me doch nie ganz vorbereitet:)...
das mit dine eltere duet mir leid, was hei si de dürnes verhäutnis zum grosschind? si wenigstens d schwigis chli meh für u flamme?

[sandy01]

Für die wo od FB Gruppe wete, dir chöit öperem wo din isch e pn hie mache mit öiem name u e beschriebig vom profilbild, sobaud dr befründet sit chame nech de id gruppe ufnäh...

[Julikind]

mir sind glaub all scho ganz gspannt uf d @Fruehligszwieble

@Winterfee - Danke Dir fuer's apasse noch E.T. find I gueti idee, isch au biz uebersichtlicher so!

hender eu scho chli gedanke gmacht wiener den die freud eure familiene und so tuend mitteile? wenn ja - was hender so fuer idee?

Ich has scho allne gseid wo mer nöch stönd well die dörfed mi de benere fehlgebort au onterstötze.

[Julikind]

Mini liebe

es hend wohl viel ds viel liebi Lüt d Duume für mi druckt....schlussendlich isch alles guet, zuuu guet, so guet dases ebe wieder nid guet isch...ich sta unter Schock ...es sind ZWILLING!!! zwei chlini Herze wo gschlage hend, wohl zweieig, am richtige Ort, also ganz obe ir Gebärmuetter und nid bir Narbe ignistet...ABER...ufgrund vo minere Schwachstell bir Naht müesstends die Chline wohl scho so ir 30 ssw hole....da wenn de Druck ufd Nahtschwachstell ds gross wird das ganze chönnt risse und das wär lebensgfährlich für alli.

Drum chani mi gar nid recht freue...klar hetti hüt viel e schlimmere BRicht chönne kriege und es gseht zur Zyt ja alles guet us. aber mir hend üs ehrlich gseit lang überleit öb mer namal es zweits chind wend, aber fürchte mir sind mit Zwilling und üsere etz Zweijährige denn doch komplett überforderet...

D Chance oder Risiko- wie mes au gsiet- das me ein Zwilling verlürt liggi bi ca 5%.
Reduktion het sie au agsproche, dh. das me eis wür abtöte, aber das chönti doch au nid, usserdem isch de s risiko das bedi sterbend bi 10% und mini Fa het gad eini ka wo genau das passiert isch.

Bi halt au gscockt well zur Zyt d Situation ingsesamt nid gad rosig isch, ich bi sit Ende Juni arbetslos, da ich kündt ha wells mer gar nüm gfalle het, etz offiziell arbetslos und uf Stellesuechi, und mir versuechend gad s Huus ds verchaufe und suechend es neus Dihei....

so, etz muesi eifach mal de Schock verarbeite.

es chunnt ja scho immer so wie mes nid denkt....

bin bi 6+2 aber wie gross und so hani mer nid chönne merke wegem schock.

immerhin d nahtschwachstell het sie etz ca 3.7 mm gmesse, s letscht mal im november bim spezialist hets 2-3 mm gheisse.

Wow i gratoliere der zo dinne Zwilling. De chömmeds demfau im Januar?

[Früehligszwieble]

Danke eu, ja ich und min Fründ bruchend eifach Zyt zum üs mit dene neue Ussichte ds beschäftige...ha hüt vo mim Schatz zwei Rosestrüss becho, für jedes Herzli eis . Ich weiss nid wenns es würdend hole, das chönts au nid vorusssege, chunnnt ja de drufa wie sich alles entwicklet wie dünn die Stell isch etc. Uf jede Fall nid im März. Aber glaube bliebe da bide Märzlis, erstens hani scho es Februarli und bi in Februarli-Gruppene, und zweitens wärends ja glich alt wie es Märzli...(ha mal 8.3 usgrechnet als normale ET).

[Lisa_84]

Hallo dü Liäbi!

Das sind ja wirkli uberraschundi News...aber vorallem super schön dass alles güät isch und di beidu Härzli schlänt <3 <3

Ier wärdet das zämu sicher schaffu und ich kennu äs paar Zwillinga wa bis hitu äs super ängs und schöns Verhältnis hent-das chunt güät, chasch lüägu

Alles Güäta ew dri

Mia

[yelea]

Liebi Früehligszwible
Au ich möcht dir Muet mache und di unbekannterwiis fescht drucke, es git immer irgendwie en Wäg! Wünsche dir e ganz e gueti Nacht und dass du s morn scho vill glassener chasch gseh!

[Lilyrose]

Darf ich mich dazu gesellen...durfte heute positiv testen. Vorraussichtlicher ET 21.3 wobei ich eher mit später rechne. Unsere erste Tochter hat sich satte 2 Wochen Zeit gelassen Und nun sind wir gespannt auf unser zweites (unsere erste Tochter ist 11 Monate alt). Natürlich schwingt jetzt noch die übliche Angst mit, aber das ist halt einfach auszuhalten.

[Joeyita]

Guete Morge zäme

@Früehligszwieble: Wow was für news, gratuliere härzlech! Verstah di Schock absolut, hamer o scho überleit wasmer mache wes 2 git... aber es chunnt aus wies chunnt und me wachst dri. Eis abtöte chönnti auso o nid... Wünsche euch aues Guete, das chunnt uf au Fäu guet!

@SunQueen: De hoffe mer fescht, dass dis Gfüu richtig isch und du positiv darfsch teste!

@Lilyrose: Härzlech wiukomme bi üs. Wär weiss, vielech chunnt de ds 2. chli schneuer. I hoffe üses laht sech nid zviu Zit, süsch chunnts de a mim Geburtstag...

@Julikind: Du hesch ja dr genau glich ET wie ig, das heisst mir si ab hüt 6+0

@me: Füehle mi bis uf mini zwüschine rächt spannende Brüscht fasch e chli unschwanger... aber vielech wüui momentan gad wieder rächt mit mim Heuschnupfe kämpfe und mi Körper gad chli angers beschäftiget isch... Süsch geits mer aber no tiptop, vo Übelkeit ke Spur. Hani aber ir erste SS o gar nie gha. Morn simer no ame Hochzit iglade und wärde ds erste Mau versueche z'verstecke, dassi ke Alkohol trinke...Hoffe das klappet einigermasse. Si Familiemitglieder drbi womi guet kenne und wüsse, dassi eigentlech gärn Wy trinke

[Julikind]

Darf ich mich dazu gesellen...durfte heute positiv testen. Vorraussichtlicher ET 21.3 wobei ich eher mit später rechne. Unsere erste Tochter hat sich satte 2 Wochen Zeit gelassen Und nun sind wir gespannt auf unser zweites (unsere erste Tochter ist 11 Monate alt). Natürlich schwingt jetzt noch die übliche Angst mit, aber das ist halt einfach auszuhalten.

Herzlich willkomme. Chonnd secher alles guet.

[Julikind]

Guete Morge zäme

@Früehligszwieble: Wow was für news, gratuliere härzlech! Verstah di Schock absolut, hamer o scho überleit wasmer mache wes 2 git... aber es chunnt aus wies chunnt und me wachst dri. Eis abtöte chönnti auso o nid... Wünsche euch aues Guete, das chunnt uf au Fäu guet!

@SunQueen: De hoffe mer fescht, dass dis Gfüu richtig isch und du positiv darfsch teste!

@Lilyrose: Härzlech wiukomme bi üs. Wär weiss, vielech chunnt de ds 2. chli schneuer. I hoffe üses laht sech nid zviu Zit, süsch chunnts de a mim Geburtstag...

@Julikind: Du hesch ja dr genau glich ET wie ig, das heisst mir si ab hüt 6+0

@me: Füehle mi bis uf mini zwüschine rächt spannende Brüscht fasch e chli unschwanger... aber vielech wüui momentan gad wieder rächt mit mim Heuschnupfe kämpfe und mi Körper gad chli angers beschäftiget isch... Süsch geits mer aber no tiptop, vo Übelkeit ke Spur. Hani aber ir erste SS o gar nie gha. Morn simer no ame Hochzit iglade und wärde ds erste Mau versueche z'verstecke, dassi ke Alkohol trinke...Hoffe das klappet einigermasse. Si Familiemitglieder drbi womi guet kenne und wüsse, dassi eigentlech gärn Wy trinke

Also wenn du au am 9.6. dini letschti Mens becho hesch besch wie ech ide 5.0

[Joeyita]

@Julikind: me rächnet ja d SSW nid erst ab ES sondern die 2 Wuche vorhär o no drzue. Ab hüt faht dämfau die 6. a.

[Dori]

Hallo liebi Märzlis!

I hoffe, i darf mi ou no bi öich aschliesse... i ha scho es Wiili positiv testet, bi aber no sehr zrügghautend wüui im Mai ersch grad e Abort ir 7.ssw ha gha. I hoffe fescht, dass es das mau cha blibe! Dr ET hani ufe 16.3. usgrächnet.
Zu mir: i ha scho es Märzli, wirde 33 u chume us BE. Dr FA-Termin hani wäge de Ferie ersch am 16.8.

Liebi Grüess!

[Julikind]

@Julikind: me rächnet ja d SSW nid erst ab ES sondern die 2 Wuche vorhär o no drzue. Ab hüt faht dämfau die 6. a.

Ebe ond dmens hani ab em 9.6. gha.

[Julikind]

Hallo liebi Märzlis!

I hoffe, i darf mi ou no bi öich aschliesse... i ha scho es Wiili positiv testet, bi aber no sehr zrügghautend wüui im Mai ersch grad e Abort ir 7.ssw ha gha. I hoffe fescht, dass es das mau cha blibe! Dr ET hani ufe 16.3. usgrächnet.
Zu mir: i ha scho es Märzli, wirde 33 u chume us BE. Dr FA-Termin hani wäge de Ferie ersch am 16.8.

Liebi Grüess!

Herzlich Willkomme. Drocke dümme das es dämol dinne blibt. Ich ha de glich ET

[Joeyita]

Härzlech wiukomme Dori!

I ha ou dr glich ET. So wies tönt chunnsch du ou usem Kt. BE

[Dori]

Herzlich Willkomme. Drocke dümme das es dämol dinne blibt. Ich ha de glich ET

Merci vieumau!

[Dori]

Härzlech wiukomme Dori!

I ha ou dr glich ET. So wies tönt chunnsch du ou usem Kt. BE

Merci!

So luschtig, grad uf 2 mitem gliche ET z'träffe

Ja, genau

[Shrimpy88]

Hallo ehr liebe Lüüt

Gärn wörd ech mech äbefalls do aschliesse... Mine ET esch am 07.03.18 ond de erscht FA-Termin am 25.07.

Es esch guet z'ghöre, dass es üch ou öpe glich god wie mer. Ha mer scho chli Sorge gmacht, aber nochdem ech of das Forum gstosse be, god's mer weder guet... Ech be zom erschte Mou schwanger ond erscht grad vonere 3-wöchige Reis Hei cho. Mini Bröscht spannind extrem ond send riisig! Zodem hani emmer gäge Obig so e Bläihbuuch ond plötzlichi Schlächtattackene. Wenn ech denn aber öpis esse, god's grad besser. Die legschte 2 Täg hani ou ganz wenig Schmerrbluetige gha... Ech ha denn chli im Internet nochgläse ond dänke jetzt eifach positiv. Be aber froh, wenn ech denn de FA-Termin ha ond hoffentlich alles guet esch!

De SS-Test hemmer i de Ferie gmacht. Mer hend üs bedi sehr gfröit ond mine Maa esch sett do rechtig glöcklech... Mega härzig!

Ech fröie mech, dass mer üs do chli chönd ustuusche ond hoffentlich zäme e gueti Chogeliziit verbrenge!

[Möndli17]

NAME / 1. FRAUEARZT TERMIN / BABY CHUND

yelea / 19.07. / 02.03.18
Elfenbaby / NA / 02.03.18
Mia1984 / 11.07. / 03.03.18
Sandy01 / 21.07. / 05.03.18
Rahel85 / NA / 05.03.18
Pfefferminze11 / 20.07. / 06.03.18
dreamy82 / 17.07. / 06.03.18
Julie1977 / NA / 07.03.18
Sonneschii14 / 17.07. / 07.03.18
Winterfee / 25.07. / 09.03.18
Jasi1985 / 17.07. /10.03.18
Sunny8478 / 11.8. / 14.3.18
Andee1982 / 03.08. / 15.03.18
Siha / NA / 15.03.18
Julikind / 20.07. / 16.03.18
Joeyita / NA / 16.03.18
Moendli17 / NA
chanel_1 / NA
Fruehlingszwieble / 13.07. / NA
Sonea / 14.07. / NA


han denkt mer chönteds no nach ET sortiere. i.O. so?

Danke viel mal fürs Uflischte!! Min ET set de 18. März si (gemäss ES, min FA wird wahrschindli de 17. nä ) und zum FA gahni am 25. Juli.

Gratuliere Frühlingszwiebel? Wie gahts eu mitlerwile demit? Händer eu schochli demit chöne abfinde? Au wenns definitiv vor em März cho werded, so ischs doch schön wenn bi eus blibsch. Es wird sicher no meh chlini Dickchöpf geh wo nöd bis zum ET möged warte Ich han z.B. no es Augustli wo morn Geburtstag het

Betreffend em Sport machi im Moment nöd viel. Ich han mega Problem mit em Kreislauf siti schwanger bi. Hend das anderi au? Mir isch ständig schwarz vor Auge. Scho i de ledschte ss hani sehr bald Schmerze im Unterbuch becho wenni bi go ränne dassi das nie lang han chöne mache, nur chli Krafttraining...

Verzellt han ichs ussert eu nur mim Ma hihihi Ich han i de ss woni de Abort gha han scho es paar igweiht gha unds u schlimm gfunde allne wieder müesse go säge dass nüt drus wird. Drum bin ich sehr zrughaltend bis zum Ersttrimesteruntersuech.

Allne neue natürlich Gratulation und schön wird Gruppe grösser