Märzlis 2018

[pfefferminze11]

Dreamy82: ja han es bildli übercho-aber ehrlich gseit gseht me vor allem viel schwarz und d linie vom mässe-also nid viel-aaaber me weiss jo dases s beebi isch
De arzt het mim maa gseit er sölli es video starte und jetzt hämr sogar no es video wo me s Härzli gseht und ghört böbberle

[Joeyita]

@Gumseli: Freut mi würklech gad wahnsinnig für euch. Hm irgendöper het mau e Übersicht gmacht gha, aber weiss nümm wär...

@ETT: mir hei o nur d Nackefalte la mässe und maches äuä wieder so. Für üs isch klar gsi, dass mirs würde bhaute o wenn es Risiko würd bestah.

@ 2. Mamis: Hihi geit mer genauso! Momentan muesi mim chline Wirbelwind nonstop nacherenne und er macht ei Seich am angere. I so Situatione dänki aube schnäu: Hiiiilfe....

[Gumseli83]

@Joeyita
Miär hend nid mal d Nackefalte mässe la bim erste... Das sind doch glich nur immer Wahrschiinlichkeite und was macht mer denn mit me starch erhöhte 1:100? Das sind immerno 99 gsundi chind... Nei nei, ich denke miär mached au das mal (sets denn bliibe) nüd.

@grosse Brüäder
Miär hend au so es Duracell-Chind verwütscht... han kei Handtäsche meh sondern en Rucksack und weni mit ihm unterwegs bin immer turnschuäh a

@FA-Termin
Miär gönd am 31.7. id Ferie... vilicht chani vorher no churz verbi zum de tescht bestätige la... duä morn, nach em teschte, glaub mal alüte

@Übersicht
Ich fänds vorallem auch spannend woher wer kommt (Kanton)

[little]

@2.mami/mehrfachmami
I chan eu beruige mer wachst in alles dri und en super tip setzend eu mit traghilfe usenand und machend nach dr geburt en trageberatig es erliechteret unheimlich grad wenn zälter kind es duracell mandli isch
Kind 2 und 3 hend nur 18monet abstand und i han di klii u viel treit grad ufem spielplatz oder bim poste
Und somit hani dhänd immer frei ka für dr grösser

Han immer gseit ich träge mini kind nid umenand wenns zfriede sind aber dur dr klii abstand hani mi den drmit befasst
Di klii isch nach wie vor super zfriede au im kiwa aber sie liebts su treit zwerde

[Gumseli83]

@little
Ich bin es Tragemami us überzüügig! Träge de Stumpe no immer sehr vill im Tragtuäch uf em Rügge und chan mer eigentlich gar nid vorstelle das es bim nächste andersch wär.
Du chunsch demfall dis 4. Wunder über?

[little]

@Gumseli
Ja genau
Aber leider erst bim 3. zträge entdeckt

[palais]

@Gumseli83 bist du nicht auch ein Oktobermami 2015??? Ist ja lustig..... wenn wir beide dabei sind

[Lisa_84]

@gumseli: Tricku der ganz fescht di Dümme dass klappt mim schwanger si...aber chunt ganz sicher güät, öi wenn nur ä fiini Linie isch gsi.
Bi minum erschtu Tescht hetmu dLinia öi fascht nid gse...hä 4 Täg vor der Perioda giteschtut und sus irgendswie gspirrt dass eppis anersch isch (bi 1. Mal schwanger). Häs trotz dum Strich nid giglöibt...2 Wuche speter, wani der 4. Tescht gmacht hä, isch de dLinia sehr schnäll und dick cho

Glückwunsch an alli neuu hie im Forum und freuu mi ufe Üstusch! Falls epper nu in's FB will, chäneder mer hie än PN schicku mit ewum FB-Namu und Bildli, de chanis probiäru!

Liäbs Grüässji Mia

(Juhu, freuu mi, am WE scho SSW 8 - is bi epper öi bald sowit?)

[Gumseli83]

Danke vill mal allne fürs Düme drücke :*

@palais
ja genau... Ich weiss nümm öb ichs richtig im chopf han, aber hesch du damals rückbildig im gundeli in basel gmacht?

@mai1984
ich han äbä so di hei no niä teschted... s erscht mal hend miärs völlig überrraschend bim ne US wo mer hend welle Follikel kontrolliere entdeckt bin also eher unerfahre mit Teschte.
Hoffe ich chan da im Büro gli ab, bin total unkonzentriert und denn hoffi ich halte dure bis morn zum nomal teschte...

[dreamy82]

aso das PN nervt, etz han I 3 im postusgang aber die sendet ned? han etz au ad @MIA gschickt, aber ja irgendwie gaht das ned use...

ja da mitem schwache strich han i au gha musch di aso ned verkopfe hetsch die hormone ned scho i dir wuerd s definitive au kei schwachi linie azeige, daher gratuliere! juhuuui, nomel es maerzli!

weg de stutzstruempf... aso sie het gmeint fuer de langi flug zu mim schatz bruch i die unbedingt. i flueg ja ueber 13 stund insgeasmt... zudem mues i no e spruetze in oberschenkel haue - natuerli au wider ufem rueckflug!
da mir den no en roadtrip mached wo oeppe 5-6 stund wird duure, het si gfunde da wer au gschid den nomel z traege. aber sus fuer do sig s ned noetig.angeblich heg mer 2 z guet pro schwangerschaft, aber ha etz nur eis bstellt. s zweite wird i mir ufspare fuer en spoetere ziitpunkt wen i den evt zuegno han :S

[Lisa_84]

@dreamy: Mier zeigts zwar 2 PN va dier a-aber gse nixs...mega miäsam di Technik!

[little]

@dreamy du chasch als newbie erst pn schicke abere gwüsse azahl biträg

[Honigbiene]

Hallo zämmä

Wenn alles guet lauft, dörfe mir im März üses 2. Wunder ide Ärm halte. Versuech no nid zu euphorisch zsi...

Ha letzt Wuche chönne positiv teste und dr errechneti ET wäri dr 22.3.18
Der ersti Untersuech hämmer erst afang August. Es dunkt mich jetzt scho ewig!

Würd mich uf Ustusch freue. S lange Warte chunnt eim weniger lang vor, wenn me mit Glichgsinnte wartet, oder?

Liebe Gruess

[kiki08]

Hallo ihr liebe Märzlis

Ech due mech üch au gärn aschliesse. Mer hend au am 17.7. zom 1. Us chönne go.
Mer hed no ned all zu vell gseh, aber sowiit alles i.o.
Bi min 1. Chind beni erst ändi 8. ssw zor Fa gange ond mer denn scho vell meh gseh ond s härzli vell dütlecher gseh schloh.
Die nöchscht Ko werd denn erst ir 14. ssw si, fröi mi riisig uf die! denn gsehd mer scho sooo onglaublech vell bzw es rechtig chlises Schätzi!

Bes ez hani no kei Beschwärde ossert dassi dütöech müeder be. Aber das met de Übelkeit esch ide letsche SS au erscht so met de 8. ssw cho, hoffe es werd mer ned all zu sehr schlächt.

En Titelsiite / Übersichtssite fändi toll! de weiss mer wär ide Groppe aktiv esch ond z.b. wär scho es Chend hed ond de ET esch ond öb mers Gschlächt weiss ond so wiiter, wär schön!

Fröi mi debi z'si ond wönsche allne e schöne ned z heisse Tag.
lg

[Joeyita]

@little: tragetechnisch bini scho guet usgrüschtet, ha es Luemai und Tragtuech und ha mi Chli am Afang sehr viu treit, wüu er es Baby isch gsi wome eifach nid het chönne ablege und i süsch zu nüt wär cho. Inzwüsche tragi aber scho lang nümm, er ischmer mit knapp 12kg langsam zschwär u hets o nümm so gärn...

@FB: I gloube i warte lieber no, bisi es Härzli ha gseh schla und schliesse mi de denn eure FB Gruppe a.

@Honigbiene: Härzlech wiukomme und gratuliere! Schön, no öper wo ds 2. Wunder erwartet.

@me: Läck heit dir nachem Ässe o sone Bläihbuuch? I weiss ja dasses bim 2. äuä schneuer geit, aber das wird mer ja no lustig weni scho itz nachem Ässe usgseh wie im 4. Monet

[Flusi]

@vedeja: Bim mim FA isch immer guet, wemer sich öpä 2 Wuche vorher amäldet. De chamer am eheste no chli wähle...

@dreamy: Ja das isch super, wenn Stützis vo de KK zahlt wirded. Bi minere KK sinds glaubi eifach 2 pro Jahr wo zahlt wärded. Jetz staht am flüüge nüt meh im Weg...

@Gumseli: Oh, so schön, dass du hüt so en tolli Überraschig häsch dörfe erläbä! De Tescht isch ganz bestimmt positiv gsi und wird sicher immer fetter und dütlicher. Ich freu mich sehr für dich.

@little: Mir gahts glich wie dir. Vor 10 Täg hani mim Maa gseit, dass ich glaubi dases klappet heg. Has irgendwie eifach gwüsst und gspürt. Anderersiits hani aber scho recht Schiss gha, dass ichs mir nur iibilde. De Tescht vor 3 Täg hät mir de aber bestätiget, dass ich doch nöd spinne

2.Mamis: Mängisch hani scho au s'Gfühl... phu... mit zweine wirds denn scho nomal chli andersch. Anderersiits freu mi au extrem, wil mer denn immer en grösseri Familie wird. Am eheste Respekt hani devor, wenn ich s'Chline stille und de Junior denn würd Quatsch mache. Aber bis denn vergaht ja nuchli Ziit und me cha sich ja druf vorbereite. Es wird sicher nöd ohne, aber ich freu mich eeextreeem druf.
Ich ha im Moment eifach s'Gfühl, die letscht Ss sigi no gar nöd so lang her und chas nöd glaube und hoffe ganz fescht, dass ich das meeega Wunder nomal darf erläbä...

@Geburt. Bi mir isch d'Geburt letschtmal au sehr schnell gange. Mir wohned aber zum Glück nöch bim Spital und mini Hebamme hät gseit, ich söli bim nächste eifach grad cho wenns afangi...

@all: Ich hoffe es gaht allne guet!

[Honigbiene]

Wuhuu! Gseh grad es git au es paar Tragemamis do. Be au eis (gsi). Mini Tochter wott nur no ganz selte treit werde, sie isch jetzt aber au scho 2 Jahr und 2 Mönet alt. Ich be quasi en ATTA gsi und hoffentlich bald wieder!

[Gumseli83]

@Tragemamis
Ich bin so froh chani min Stumpe no regelmässig uf em rügge trägä... vore will er scho lang nümme, aber hinne mitriite duäd er no gärn und oft, au wenns langsam mit 11kg afad ahänke. Bin no unschlüssig wiä ich das jetzt künftig sell handhabe... aber solangs miär guät gad, denki trägi wiiter.

@Flusi / Geburt
Miär hend äbä 30min (ohni Verchehr) in Spital. Wenns s letscht mal nid Sunntig abig gsi wär, wär das chind wohl im Auto uf d welt cho... Ich wird das aber sicher mit em FA mal no aspreche...

[Gumseli83]

@Umfeld informiere
Wiä hend iärs wäg em informiere vom Umfeld?
Ich gang morn mit mine eltere unterwegs und diä schmöcked lunte sobald ich sägä ich mach bim apero nid mit. Und au friitg und samschtig wirds schwierig wenni nüd trinke...

ich wird wohl bi de meiste au wider bis zur 12. SSW warte, aber ich glaub ich wird au es paar ganz vertrauti persone früähner iweihe. Au im hinblick druf, das ich au wenns würmli jetzt nid bis üs bliibe würd ja au mit öperem wet drüber rede...

[dreamy82]

@gumseli find i e gueti idee zums de eltere sege wen ihr eh unterwegs sind und sie's wuerdet merke lieber e gueti vorbereitig und schoeni ueberaschig mache!

aso i ha scho en plan wien is minere mom wird sege. ich bi einzelkind und s sind nur mir zwei quasi, daher wil i s seeeehr schoen und speziell fuer sie mache (und Heimlich filme hihihi). han denkt ich tue cupcakes bache und han d deko scho vorbereitet wo's statt bluemli druf, en babystrampler, kinderwage und schriftzug "baby" wird als deko geh und natuerli gmischt in blau und rosa. und den wen sie zum kafi chund wird den de teller mit dene diverse cupcakes arichte und sie ueberasche

aaah - oeppr het doch vor 1-2 woche anes hochziit muesse und probiert z verstecke mitem alk, wer isch das gsi und wie isch das usecho?