Ich entschuldige mich scho zum Vorus fürne witere Roman. Wirde mich i Zuekunft wieder chürzer halte.
@gumseli: Ich dänke au, wenn du Ferie häsch bisch du sicher abglänkt. Und wenns für dich ganz schlimm isch würd ich glaub würkli am FA alüte und frage, öb dörfisch verbi cho. De FA isch zahlt für das und dir hilfts…
@jocelyn: Ich ha grad müesse lache, dass du dir wie en Irri vorchunsch, wil du alli Nachrichte nachegläse häsch. I dem Fall passisch du tiptop zu üs
! Mir mached nu ganz anderi Sache *grins*.Danke übrigens no für dini Rückmeldig zu minere Gschicht. Woni sie abgschickt ga han hani denkt: Oh Mann, das interessiert doch niemert und niemert hät mi denä gfragt. Aber wenns dir ächli hilft bini froh!
@Früehligszwieble: Ja, ich bi ide Fraueklinik im Unispital gsi. Ich ha mich dert wohl und guet ufghobe gfühlt. Es isch halt recht eng i denä Zimmer und es mega cho und ga. Das isch mängisch chli belastend gsi. Ich ha mich aber halt immer für die verschiedene Gschichte interessiert und so einigi lässigi Bekanntschafte gschlosse, wo bis hüt hebed. Ich ha wägä extreme Bluetige müesse det si. Wil die Wehä usglöst hend bini am Afang au ade Wehehemmer-Infusion gsi. Ligge heisst eigentli scho hauptsächli ligge und sitze im Bett. Me darf sälber ufs WC und wenn de Gsundheitszuestand das erlaubt hät hani alli 2 Täg dörfe go dusche. Meh han ich aber eigentli nöd dörfe. Die erschtä 3 Täg sind die schlimmste gsi. Nach es paar Tag isches aber immer besser gange und ich ha de Fokus eifach voll ufs Baby gsetzt und bi froh gsi um jedä Tag wos dinne blibt. Wenn das bi dir au so chämti würd ich dir empfähle, dich mit Sache iz’decke, wo du gern machsch. Ich ha zum Bispiel en Decki ghäcklet fürs Baby und Sache zum nähe organisiert (en Ball, es Mobile usw.). So han ich immer z’tue gha.
Was mir und mim Maa au extrem ghulfe hät isch, dass mir hend dörfe d’Neonatologie go aluege. Das darf mer zu gwüsse Termine. Ich ha z’erscht extrem Angscht vor dem gha und nöd wellä, wil ich dänkt ha, das mich das sehr belastet. Mim Maa isches aber sehr wichtig gsi. Und es hät üs würkli sehr ghulfe, da mir denn gwüsst hend, wo üse Schatz ane chämti, wenns e Früehgeburt gsi wär. Die Station isch so ruhig und schön, wies mir nöd erwartet hättet und s’Personal isch würkli top. Mir hend det Babys gseh, wo mit 600g scho eigeständig gschnuufed hend. Denn hemer gwüsst, die Chlini sind extremi Kämpfer und wend läbä. Ab det hani vill weniger Angscht gha.
Ich hoffe und glaube, dass dir das Beratigsgspräch witerhälfe wird….
@Hebamme/FA: Es isch aber glaub so, dass mer die Termine nur im Wächsel cha wahrne oder? Also entweder Hebamme oder FA? Ich bi äbä amigs scho nu froh und die Ultraschall. Das ischs einzige womer bi de Hebamme fehlt. Ansonste finde d’Begleitig mitere Hebamme au sehr wertvoll!
@Honigbiene: Du hesch ja au e Gschicht hinter dir du! Das mal chunds besser!
@joeyita: Danke au dir für d’Rückmäldig! Ich hoffe au, ich cha die Istellig bhalte!
Ich freu mich sehr mit dir, dass du gester sone schöne, spontane Ultraschall häsch dörfe erläbä. Das tuet doch guet. Das mitem Vaginalpilz tönt aber müehsam. Wie häsch das gmerkt?
@Spital/Geburtshaus: Ich ha au en sehr tolli Ziit gha im Wuchebett i üsem Regionalspital. Wenn nüt anders nötig isch, würd ichs wieder genau so mache. Zudem hend mir gar keis Geburtshuus ide Nöchi (mein ich). Und mir isch e relativ chlini Distanz au nu wichtig.
So, das wärs.
Bye bye
Der ist leider bei Weitem nicht mehr so gut im Schuss wie vor der 1. SS.
). Das mit dä Muetterbänder chönt einiges erkläre...
Meine Daten wären: