Juni 2019

[Panda89]

@Ari Das wär natürli ou mega we das würd ga
Schicke dir sisch grad e PN mit name u so

[Anbe92]

Hoi zemme,

Ich hoffe es gaht sowit allne guet?
Ich han welle fröge, ob ihr eues umfeld, kollege etc au ab de 13. wuche informiert hend über eui SS ?
Euse test isch super usecho und alli resultat sind sehr guet.. und ich denke jetzt isch de ziitpunkt cho zums offiziell mache, wür mi eifach wunder neh wie ihrs gmacht hend?
Liebs Grüessli

[Panda89]

@Anbe92 Oh das fröit mi vo ganzem Härzä das bi dir ou aues guet isch mir/üs geits wunderbar, hoffe dir/öich ou u mir heis ou nach dem mir dresutat hei gha dr familie gseit auso mir heis rächt eifach gmacht, bi mirer familie hani id rundi gseit: mir hei imfau öpis mega erstunlechs usegfunde u heis fasch nid chönne fasse... mir hei sogar es foto drvo wöus so erstunlech isch.. aber ni nimmts wunder was dir säget, wüsst dir was so gross wine zitrone isch? U nehr hei sie fangs mau überleit u ufzeut aber si nid druf cho u nehr hei mir ihne dskuvert id hand gä mit üsem schätzi din u nehr si aui usgflippet
Bi mim Ma sirer familie hei mir ar jüngere tochter (9jährig) vo sirer schwöchter dskuvert id hand drückt u hei se gfragt ob sie so öpis scho mau gseh het u nehr het sie dri gluegt u gmeint was isch das? Sie nehr aui nöiigierig worde u sie hets nehr am mami zeigt u de isch das gekreische wieder los gangä
Bi mine ängschte kollege hani per whats app e nachricht kreeirt wo sech mis schätzi grad seuber vorsteut u mit emne foto
Aber ha ersch im nach hinein gseh dases im internet ou mega cooli ideene git

[Ari]

@anbe92 Freut mich, dass alles guet isch. De Engste hend mirs scho sit Längerem gseit, also Eltere, mini best Fründin, etc. Nach em ETT han ich mim Mami erlaubt, ihres Whatsapp Bild z ändere zu Oma 2019 All andere au zu dem Ziitpunkt: Minere Tante han ich es Bild vo mim Hund gschickt (sie liebt ihn innig und luegt mängisch uf ihn) wo ich Grosse Brüeder 2019 druf gschribe han. Mim Brüeder han ich es Ultraschallbild gschickt und ihn mit sinere Nichte/sim Neffe bekannt gmacht. Mim Grosmami hend mirs persönlich gseit, ich bin die jüngst Enkelin und euses Baby isch ihres füfte Urenkeli. D Familie vo mim Verlobte wohnt grössteteils in Dütschland und hends amne Familiefest kurz nachm ETT erfahre. Ich denke die wos nonig wüssed us de Familie erfahreds denn a Wiehnachte ohne dass mir e grossi Sach drus mached...

[MiLuna]

@Ari
Danke, dasch uh lieb. ich mäld mich denn sobald ich au PN chan schecke

@Anbe92
Mer händs eusne Eltere ond eusne ängschte Frönde scho zemli früeh gseit, wel mer eus entschede händ, ehne au z verzelle wenn öppis ned guet wär. De grosse Masse händ mers denn aber au nachem ETT gseit. Mer händ eus aber nüt speziells ihfalle loh zoms verkönde, sondern meh oder weniger eifach gseit
Wenns bes jetzt no niemerd weiss be euch, wär natürli Wiehnachte grad en uh schöni Glägeheit zoms bekannt mache ond met dere festliche Wiehnachts Stemmig freued sech secher au grad alli dopplet so fescht

[Cleops]

@Ari
Ich würd au gern i dFacebook-Gruppe, wie mach ich das?

[Ari]

Weg FB: Also entweder ihr schicked mir e PN mit euem Name und was uf euem Profilbild isch (demit ich eu finde) oder ich mach eu e PN wenn ihr no kei chönd schicke mit mine Agabe, denn schicked ihr mir e Fründschaftsafrag und ich lad eu id Gruppe i

[MiLuna]

@Ari: das wär natürli mega wenn mer en PN chöntsch mache met dine Ahgabe, danke

[danisunny]

Hallo zäme

Dörf i mi eurere Gruppe no aschlüsse? Da wär super
I bi 33, chume us em Kanton ZH und noch fascht 3 Johr üebe hets eeendlich klappet mit üsem wunder, mir sind meega happy
Do sind mol mini agobe:
Es heted zersch sölle zwilling werde (drum 1*), aber leider isch eis nüme witer gwachse und s'herzli het ufghört schloh. Mir hend aber afangs Wuche ETT gha und s'andere het sich defür prächtig wiiter entwicklet. Jetzt bini viel entspannter und chas afange gnüsse.

29.6./danisunny/ZH/1985/1. (1*)

Hend ihr eigentli au e Whatsapp gruppe? Da ich ebe nöd uf FB bin.

[Maruna]

Hey danisunny

Gratuliere & herzlich willkomme. Mir händ bis jetzt nur e Facebook Gruppe. Wär toll wennd au dezue chämtisch

Ich ha genau s gliche gha wie du, en zwilling wo denn aber s herzli nüm gschlage het

[Maruna]

@danisunny
Ich ha dir e nachricht gschickt

[CoRa86]

Hallo zämm

Hoffe es geit üch aune guet?
Bi jetzt au bi 13+2 und „aues“ esch sowit guet.
100%igi Sicherheit hettme jo nie...


Jetzt wöri au gärn is FB

@Ari & Maruna, heiter mini Nochrecht becho, esch emmer no im usgang bi mine Mails?

[Ari]

@cora86 entschuldigung, hans erst jetzt gseh. Han dir e afrag gschickt

[gnomia]

Hallo Zäme

Ich würd mich au gern euere FB Gruppe aaschlüsse zum e gueti Rundi ha zum uustusche über das Wunder wo da grad passiert.
Ich bin 30gi und zum erste Mal Schwanger und no zimli unwüssend unterwägs...

@Ari chöntisch du mir e PN schicke, damit du mich nachher i dGruppe chasch ufneh?

20.6. / gnomia / ZH / 88 / 1.

[Ari]

@gnomia erledigt

[Cleops]

@Ari: Chönntsch du mich au iilade und mir e PN schicke?

[Ari]

@Cleops Han dir eini gschickt. Ich glaub wenn ihr über 10(?) Biträg hend, chönder mir au en PN schicke wenner id FB-Gruppe wänd
ah und wenn ihr mir e Afrag schicked in FB, schribed doch schnell kurz wer ihr da im Forum sind, demit ich sicher Bscheid weiss dass ihr die Richtige sind!

[DaKe]

Hallo zämä

tue mich eu do au no gern aschlüsse
Het allefalls no interesse a dä fb gruppe?

10.06 / DaKe / SG / 90 / 2.

[Maruna]

Hoii DaKe

Ja klar! Ha der e nachricht gschickt, hesch die becho?

Liebe Grüsse Maruna

[DaKe]

Danke Maruna, han dnochricht grad gseh chan leider selber kei verschicke..

Min name isch d.. b..-k.., ofem föteli isch es schwarz-wiis hochzigsfoti

Hoffe funktioniert soo