Februarchnöpf 2020

[Saereli]

Hallo mitenand

Ich ha letzt Sunntig positiv testet Mir hend scho en Sohn (2017) und sind usem Aargau.

Würd mi freue über en Uustusch und villi Februarchnöpf

[Tarja]

Hallo Saereli,
Ben au usem Aargau ond ha am Dsischtig au chönne positiv teste. Esch üses 1.

[Maiblume]

Hallo ihr Liebe

Ich ha vorere Wuche positiv tested und de Geburtstermin au im Februar 2020 Isch mis erschte. Freu mi sehr uf de Ustusch mit eu! Bin vo Züri.

Wie gahts eu so? Ich beobachte gspannt dVeränderige a mim Körper. Sit es paar Täg mussi immer sehr sehr dringend ufs WC, das findi luschtig, wili vor churzem devo gläse ha unds jetzt scho sälber gspüre. Ansuschte findis au interessant wie mini Brüst immer grösser werded, au ganz speziell für mich. Freu mi aber über jedes Zeiche

Liebi Grüess

[zürimum]

hoi zäme. ich han hüt positiv testet. bi ois isch es zweite chind (2017). Ich froi mich uf de ustusch mit oi. wie ihr mim name scho chönd entneh, chum ich us züri.

[Tarja]

Aso i ha no ke grossi ahzeiche. Eifach es zieh em UL, am morge ond zobe echli schlächt. Aber sehr human, wenns so bliibt beni zfrede
Was mi am meiste stört, esch dassi set bald ere Woche emmer zwösche 3 ond 4i znacht verwache ond nömm chan ischlofe

[Saereli]

Juhuu denn simmer doch scho es paar

@zürimum Wenn im 2017 isch eues erste Chind uf d Wält cho? Euse Bueb im Juli 17

Mer esch öfters mol schlächt am Morge und am Obe, bin seeehr müed und ha chli gspannti Brüst...Susch merk i noni vell...Ergendwie vergiss is au ab und zue weder, dass i SS be

[zürimum]

ich gspür nonig würklich öppis und mir isch zum glück au nöd schlecht. ich chas irgendwie nonig ganz glaube 1x scharf gschosse und scho isch wieder passiert. aber ich freu mich sehr!

@saereli
euse chli (gross) wird im august 2.

@all
wie alt sind denn ihr? ich wird das jahr 38.

[Tarja]

Jo also müed beni au meh als dasi gmeint ha, hani höt gmerkt! Ich ben 30gi.

[Maiblume]

Danke für alli eui Rückmeldige
Mir gahts aml au so dasi für churzi Ziit vergiss dasi schwanger bi, und wenns mer widr in Sinn chunnt frag mi ob das wahr isch. Echli sureal, haha.

Ich bi 33i.

[Kühnli]

So, ich dörf mich au do iträge
Ich bik zum erste Mol schwanger und chume usem Kanton Solothurn und bin 29gi.

Schwanger worde bini durch en Insemination, do mir scho 2 Johr probiert händ. Bestätigt worde isch es denn durch en Bluettest

Azeiche hani noni gross, bitz UL ziehe und bitz sensibli Brustwarze.

[+Fleur+]

Hoi zäme

Ich wollte am Do diesen Thread erstellen (hab letzte Woche Mittwoch positiv getestet), hab aber noch gewartet. War wohl Intuition... Unser Februarli ist jetzt ein Sternli (wäre unser drittes Kind gewesen, haben zwei Mädels, Okt 15 und Jan 18). Auf ein Neues...

Ich wünsche euch eine wunderbare Ss! Geniesst es!

[Saereli]

Liebe Fleur, das tut mir sehr leid! Ich wünsche euch viel Kraft!

Ich bin 25i, wirde das Johr 26i

Wäret ihr debi binere gheime Facebookgruppe?

[zürimum]

liebi fleur, das tuet mir das müese zlese. ich wünsch dir ganz viel chraft.

gheimi fb gruppe wär ich debi, würd sie susch au mit moderiere.

was schaffed ihr? ich schaff sit ich mami bin no 60% als verantwortlichi us- und witerbildig im hr und sit 6 jahr i de gliche firma. mal chli lieber mal chli weniger. mit me zweite chind möcht ich denn aber nomal reduziere und villicht au de arbetgeber wechsle. weiss es aber nonig so gnau.

[Maiblume]

Liebe Fleur

Danke dass du das mit uns teilst, ich umarme dich. Ich wünsche dir, deiner Familie und deinem Sternli ganz viel Liebe.

[Saereli]

@zürimum Suupi
Ich bin glehrti Fachfrau Betreuuig Chind, schaffe aber sit afangs Johr nümme ufem Bruef und bi dehei

Schribet mir doch e Nachricht mit eune Facebook Näme, denne chani euch e Fründschaftsafrog schicke und id Gruppe iilade

[Tarja]

Super idee. I wörd der wörkli gern en Nachrecht schriebe, be aber ergendwie zdomm dezue
I chön no ke Nachrechte schriebe stoht

[Saereli]

Super idee. I wörd der wörkli gern en Nachrecht schriebe, be aber ergendwie zdomm dezue
I chön no ke Nachrechte schriebe stoht

ha dir eini gmacht, chasch mir uf die antworte?

[Tarja]

[quote=Saereli post_id=7715061 time=1560111075 user_id=51571]
[quote=Tarja post_id=7715056 time=1560109651 user_id=56853]
Super idee. I wörd der wörkli gern en Nachrecht schriebe, be aber ergendwie zdomm dezue
I chön no ke Nachrechte schriebe stoht
[/quote]

ha dir eini gmacht, chasch mir uf die antworte?
[/quote]

Leider hani au dis Mail ned droffe. Dasch doch chli komisch

[Saereli]

Super idee. I wörd der wörkli gern en Nachrecht schriebe, be aber ergendwie zdomm dezue
I chön no ke Nachrechte schriebe stoht

ha dir eini gmacht, chasch mir uf die antworte?

Leider hani au dis Mail ned droffe. Dasch doch chli komisch

Das esch wörkli komisch

[zürimum]

guete morge zäme. ich chan au kei nachrichte schriebe. han anschienend no zwenig biträg gschriebe. chli e doofi regelig aber saereli wenn du chasch nachrichte schriebe mach das doch du bitte.