Februarchnöpf 2020

[zürimum]

@februarbaby
gwundrig scho aber mini fa wil mich nöd vor de 8. wuche gseh und viel gseh tuet mr au nonig. chan ich als gli 2fachs mami au eifach säge, bim mim chline grosse han ichs au nöd chöne erwarte und han glich müese bis i die 8. wuchi warte. bin damals fasch vergitzlet.

[FebruarBaby]

@ zürimum denn weisch du ja bereits wies ablauft. am liebste wäri würkli scho die wuche gange aber sie hend ken passende Termin meh gha. Nächst wuche bini ja denn eigentlich tatsächlich scho fast ide 8.wuche.. ich glaub hütt bini i die 7ti cho. Das gaht extrem schnäll! Und es passiert hald vill und ich möcht nüt falsch mache.

[Mira Bella]

Hallo a alli woni nanig begrüesst und au vo mir die beschte glückwünsch
Ich bin au mega neugierig und au na biz verunsicheret und drum bini scho froh chani i übernächst Wuche go schalle.
Min Schatz wird au debi sii bi de Untersüech. Er het au vorgängig min FA chöne kennelerne. Es isch ja schliesslich es gmeinschafts Projekt
Super ja hemmer bi ois au bereits scho Fraue wo Mamis sind, den chömmer sii löchere mit oisne tuusig Frage! Also ich zumindest

[Babalicious_79]

Also es isch mis 3. und ich erwarte der 2. Ultraschall au mit Sehnsucht. Aber Zürimum het notürlich recht viel het me bi mir in wuche5 nit gseh. E schwarzes Loch .
Löchere mit Frooge dörfed d’erst Mamis gern jederzyyt was i no weiss do gib i sehr gern Uskunft.

[Bärnermeitschi2]

Hallo zämä
So cool hani öch als gruppä gfundä. Fröiä mi mit öch chli chönnä usztuschä.
I bi Mami vomä Boy vom Dezember 2017 u iz fröiä mir üs rissig uf üses 2te chäferli. Wohne düemner im schöne bärner Oberland in frutigä.

[Maiblume]

Herzlich willkomme Bärnermeitschi2 und gratulation zu diner Schwangerschaft! Schön bisch au da

Gahts eigentlich nur mir so oder überleged ihr eu au scho chli was ihr im Winter alegge werded, da isch ja eusi gross Babybuchphase. Werded ihr Umstandsmode poschte oder eifach zgrosse Sache träge? Da het mers im Summer scho chli liechter, aber um dHitz beniidi die Hochschwangere nöd im Summer

[FebruarBaby]

Da bini schono froh das mir eusi Hochschwangerphase im Winter hend! Wobii die iisige Strasse müehsam chönd sii und mir ufd Familiefäscht usgsehnd wie Chugle.. Überleit wasi söll azieh hani nanig.. Mal luege wie gross de Buuch wird. Defüür hani mir scho gedanke über e Hebamme gmacht. Schiins chöntmer die ja als Ersatz für de Frauearzt neh. Hend ihr damit erfahrige?

[Maiblume]

@FebruarBaby au vo mir herzlich Willkomme und Glückwunsch zu diner Schwangerschaft
Ja di iisige Strasse, haha, ich lauf scho ohni Babybuch wie uf Eier im Winter! Na das wird scho klappe
Also ich ha mi entschide im Mom nonig zur FÄ zgah und grad vo Afang a zu de Hebamme id SS-Kontrolle zgah. Das machi i dem Geburtshuus wo mi agmeldet hann. Ich gah am weekend zum Ufnahmegspräch, wenn du möchtisch chani dir nachher echli brichte wies gsie isch? Chasch du scho privati Nachrichte schribe? Es isch halt eso, dass Hebamme nonig so früeh chönd sHerzli ablose und so, will sie natürli nöd mit US schaffed, wo sHerz scho früeh erchenne cha. Aber ich fühl mi eifach geborgener bi Hebamme, das isch halt völlig individuell Usserdem cha mer au beides verbinde, FÄ- und Hebamme-Betreuig.

[FebruarBaby]

Danke danke und glichfalls!
Has grad probiert - chan no keini schicke. Tönt spannend was du machsch, wür gern drüber ghöre! Denke das wird aber denn wohl eher fürs 2. E option sii. Aktuell fühli mich na irgendwie z unsicher. Wobii ich denke dases die sicher super mached und s bitz persönlicher isch..

[Maiblume]

@FebruarBaby Ja das chani sehr guet verstah. sWichtigschte isch dass mer sich wohl fühlt. Ich schrib dir denn gern Empfange sötsch PN scho chönne. Finds übrigens mega süess wie din Fründ dich understützt. Das tut sicher mega guet!

[Alfiriel]

Hoi zäme!

I gselle me mou dezue! I ha letscht Sonntig positiv testet ond stoh sedhär völlig näbe mer Freud ond Angst wächsle em Minutetakt

[Bärnermeitschi2]

Hoi Alfiriel
- läch Willkommä
@FebruarBaby i ha di abwächslendi ungersuechig Hebamme u Gyn bim erschtä Chind o gemacht u has sehr positiv erläbt wets bim 2tä o umi so machä.

[Stünggu]

Hallihallo ihr Liebe

Ich han hüt morge au ganz liecht Positiv teschtet drum bini au nochli vorsichtig im freue...

Ich han bereits 3 fg hinter mir. Die letscht endi Februar.
Sit deht weisich dasich en Bluetgrinnigsstörig han und muess immer ab ES Bluetverdünner sprütze und ASS ne. Ich hoffe sooo fescht das Euses 4 te Wunder endli dörf bi eus blibe. Zum Fa muni scho am Mittwuch aber zerscht nur zum Bluettescht. Mis Bluet wird engmaschig kontrolliert werde das mer immer apassige chönt mache falls es e änderig gäb.

Ich bi 34 und schaffe im gaschtgwerb und da mir ime Monet e grosses fescht hend woni die letschte jahr immer nonstop duregschaffed ha wirds mini chefin sicher gli erfahre... das usch aber au ok. Sie kennt mini Gschicht und wünscht sich nüt me als dases endli klappt. Sie isch en hammer chefin und ich ihre stv. Vo dem her bini froh isch das thema scho mal abghaggt...

Mir werde nächste mittwuch wohnug vo mine eltere zügle... ich glaub ich wirde denn eifach eher de umedirigierer si sls de chischteschlepper

Ansonschte hani null azeiche usser dasi au plötzli i de nacht uf ufs wc muss wased süst würkli gar nie gid. Darum au de gedanke dases het chöne klappt ha

[Alfiriel]

@Bärnermeitschi2: Danke vöu mou! I hoffe, dassi mi glii weder chli cha beruhige. Em Momänt veronsecheret mi śgrengschte Azeiche grad mega fescht. Be gloub nonie sovöu am google gsii we jetz

@Stünggu: I dröcke der de Duume, dass aues guet klappet!!

[zürimum]

hallo bäremeitschi, schön dass au du da bisch. dörf ich fröge wie alt du bisch? übrigens frutige isch min heimatort.

@maiblume
also um d'kleider han ich mir no kei gedanke gmacht also moll eigentlich scho. und zwar han ich mich gfröget was ich mit mini summer ss kleider mache? mini tragejagge vo mim chline grosse chan ich mit em andere isatz ine ss jagge wechsle. jagge technisch bin ich also voll parat.

was mir meh dur de chopf gaht isch, gschwüschtertewage ja oder nei? ich wird sicher wieder lang träge aber mis mami und mini schwiemu chönd nöd wegem rugge. und ob de chli gross bis denn alles mag laufe und au nümm pfused unterwegs isch schwer abschätzbar.

[Bärnermeitschi2]

@zürimum so cool de isch dir frutigä net frömd i wirdä i däm Monet no 29i. Wäge chleider Ische bi mir gad u gäbig da mir üses erschtä chind im Dezember hi becho bini scho guet usgrüschtet für im Winter u i ha rächt hiss ka mit däm dickä buch de längt äs t- schirt für im Hus tiptop u Süsch äs gäbigs jägli drüber

[Bärnermeitschi2]

@ alfiriel i cha diner gfüelsschwankigä guet verstah isch ä ganz ungäbegi näbäwürkig i hoffä fescht dasdi ifach chasch fröiä u das di angscht vergit. I ha bir erschtä ss o viu googlet aber glaub de net alles äs cha eim o angscht machä jenachdäm wasmä List.

[Alfiriel]

@Bärnermeitschi2: Ja danke, du machsch mer muet! We wiit besch de du em momänt? Hesch scho schwangerschafts-symptom

[Saereli]

Herzlich willkomme alli Neue

ich ha min termin au erst i de 8. wuche...ha s gfühl be mim grosse bueb beni scho früehner gsi vergixle fasch und chas chum abwarte...

ss chleider hani vo de letzte ss nur summerchleidli ich be aber au meeeega froh, hemmer di grösst babybuchphase im winter...letzt ss hani sooo vell wasser gha, da esch nömme schön gsi
ich wirde aber dänki schoweder ss chleider chaufe...gäg s ändi hani aber d ss jeans au nömme chöne alege, nurno leggins sind mer bequem gsi...

wer merkt scho öppis vo de ss? irgendwelchi azeiche/beschwerde?
i muss immer weder betz ässe, susch wird mer schlächt...und am obe hani ame s gfühl min darm turnet im buch ume, das hani aber i de erste ss ned gha

[FebruarBaby]

Hoi mitenand. Ich han grad zur inistig beschwärde becho mit liechte bluetige und buuchweh. Es zieh etc. Das hani no immer und bi scho ide 7te Wuche. Zusätzlich hani nüm so vill hunger ufs maal und mues regelässiger wenig esse. Essiggurke chani defür gar nüm ässe - da wirds mir grad schlächt. D übelkeit hett ide 6. Wuche am morge amel mitgspillt und mir s ufstah erschwärt. Aktuell gahts mir aber guet bis uf bitz buchweh.