Februarchnöpf 2020

[Tarja]

Ich han eifach das obligate zieh em buch ond chrützschmerze.
Vorallem zobe nochem schaffe merkis guet. Am Morge esch be mer jewiils alles tiptop wie wenn nüt wer
Aber die langsam Verdauuig macht mer scho chli zschaffe.

[Maiblume]

Herzlich Willkomme Alfiriel und Stünggu Ich wünsch eu e gsundi Schwangerschaft und dass ihr eu au bald chönd richtig freue, wenn villicht de erscht Undersuech echli Sicherheit bringt

@Stünggu, So schön häsch du sones Vertrauensverhältnis zu diner Chefin und dass sie di understützt. I dim Bruef findi das scho no wichtig. Ich bi dihei au scho chli am umedirigiere statt schleppe.. haha. Mir hets susch aml chli weh ta bim Lupfe. Siti chli lueg gahts besser

Cool dass einigi vo eu no ihri letschte SS-Chleider chönd benutze. Leggins und villicht es Winterchleid drüber wär au e Idee. Ha mir au überleit mir scho e Trägejacke zuezlege für di letschte SS-Mönet und nachher denn fürs Träge, isch ja no Winter denn

SS-Azeiche: Di grössere und liecht schmerzende Brüscht, chli es Zieh oder mensähnlichi UL-Gfühl, super dringend und oft ufs WC, ständig müed (ha leider au no Ise-Mangel). Aber ha mi scho a alles gwöhnt Hm und Gfühlsschwankige...

[Didiber]

Übelkeit hani zum glück gar kei, aber vill meh appetitt und zahpaste chani nüme schmöcke!
Über chleider hani mer no kai gedanke gmacht, abxe devo dassi ez scho en grössere bh ha müesse chaufe, wells afoch so weh tuet. Wöt mer gar nöd vorstelle wie gross die no werded!!
Übrigens hanis hüt spontan em chef xeit, sither isch mer vill wohler. Er het sich mega gfreut und het e total gueti istellig. Es het sich usem gspröch ergeh, i ha eigetli gar nöd vor gha em das ez scho zsägä. Aber s het passt und ez muesses vorläufig niemer me wüsse bis es sicherer isch.

[zürimum]

hallo alfiriel und stünggu. schön dass ihr au da sind.

@stünggu
dir druck ich ganz fescht alli düme wo ich han, dass es dasmal klappet und ihr bald das chline wunder dörfed id arme schlüsse. dörf ich fröge vo wo du bisch?

@alfiriel
ich chan dich so guet verstah. isch es dis erschte chind? mir gönd tuusig gedanke dur de chopf. im einte moment han ich mega schiss, dass ich/mir das mit 2 chind nöd schaffed und im nöchste freu ich mich eifach nur, dass es wieder klappet het. eis ufe und abe. dörf ich no fröge wie alt du bisvh und vo wo?

@maiblume
ich lieb mini mamalila winterjagge (nei ich bechum kei geld defür ) han sie de letscht winter au oft ohni chind und ohni isatz agah. ich gang denn mal in estrich was ich vo mine ss summerchleider denn im winter trotzdem chan azieh aber ein zwei neui sache wird sicher geh.

e witeri begleiterschining, nebedem öfters i de nacht ufs wc zmüesse - ich chan nümm ischlafe und bin spötischtens am 7ni hellwach. glaub min körper stellt sich scho uf de schlafentzug i. 🥴

was sind eigentlich die frage wo eu im moment am meischte beschäftiget? bi mir ganz klar die familiäri situation - wie wird das mit 2 chind? bin ich gnueg belaschtbar? chan ich allne (inkl. mir) witerhin gerecht werde? die finanzielli situation - schaffed mir das finanziell? übernehmed mir eus nöd mit dem? was bruchts alles für neuaschaffige? und denn no d'arbetssituation - wenn säge, wie gahts denn witer? was isch nachem mu?

spannend find ich ja, dass ich mir überhaupt kei gedanke mach, öbs guet chunt. ganz andersch als i de erschte ss, wo ich mir am afang immer wieder angscht gha han, dass es chönt zunere fg cho. han damals churz vorher e fg i de 10 wuche gha.

[Stünggu]

@zürimum, ich chume usem aargau
Nachv3 fg isch im moment leider tatsächlich min einzig gedanke wirds hebe? Au wenni sehr positiv i die ss ga isch da e riiise angscht.
I ha mir grad en nöi winterjagge kauft und damals woni si a probiert ha hani zu mim schatz gseit. Super da her ou e babybuch drin platz
Ich freu mi sehr ufs babysache und chleider shoppe aber i wirde mi nochli zrugne...

[Alfiriel]

I ha höt Morge Schmierbluetige öbercho, das esches de äuä gsii met de Schwangerschaft jo, es wär mis erschte chend ond i be 31

[zürimum]

@ stünggu
ich chan dich guet verstah und hoff mit dir mit. e positivi istellig hilft natürlich au. babysache chaufe isch denn würklich öppis tolls. freu mich au scho. dörf ja nomal will min chline grosse es summerbaby gsi isch und er isch mit 54cm und 3900g eher en grosse gsi.

@alfiriel
das muen ja eigentlich nüt heisse und glich würd ich mir die gliche gedanke mache. chasch gli zum fa? hoff es isch nüt.

[Alfiriel]

@zürimum: I ha grad aglüüte, i cha hot vormettag verbii go.

[Bärnermeitschi2]

@alfiriel wünschender z‘ beschtä u hoffä äs sig aus guet.I chumä morn gad i di 7.wuchä.

[FebruarBaby]

@Alfiriel ich han ide 4. wuche bzw. Denn wennd d täg hetted sölle cho au bluetige gha. Aber ebe nur tröpfliwiis. Und ohni gschmier. Hesch denn scho positiv tested? I wellere wuche bisch? Hoff es isch alles i.o.!!

[Alfiriel]

Danke vöu mou. Bem Ultraschall hetme nüüt gseh. Ha müesse Bluet gäh ond go de am Mäntig nomou. Mis Gfühel seit mer dasses verbii esch. Das esch halt d'Natur. De hets eso müesse sii. Mi Körper werd wösse was er macht. Hätti ned so früeh testet hätti gar ned gwösst dassi schwanger be. Höt hät luut Kaländer mini Mens müesse afo ond das hetsi jetz haut ou. Was lehri druus: s'nöchschte mou nömm vorhär teschte ond nömm google

I wönsche öich aune of au Fäu ganz e schöni, magischi Ziit!

[Alfiriel]

@ FebruarBaby: I wär ändi vode 5. Woche. letschte Sonntig hani positiv teschtet. D'Bluetige hend höt morge agfange ond wärde emmer stärcher hani s'Gfüehl. Weni kei Tescht gmacht hät wördis förne normali Mens halte (die esch nie bsonders starch be mer).

[Babalicious_79]

@Alfiriel
Tuet mir sehr fest leid. Fühl Dich zerst emol ganz fest gedrückt. Schicke Dir ganz viel Kraft

[Alfiriel]

@Babalicious_79: Danke vöu mou! <3

[Maiblume]

@Alfiriel. Das tut mer mega leid Ich find du gasch aber guet mit dem um, findi starch. Ich wünsche dir und dim Schatz vill Chraft und Liebi i dere Ziit. Druck di.

@Bärnermeitschi2, ich chume morn au i di 7. SSW

[Alfiriel]

@Maiblume: Danke der vöu mou

[Bärnermeitschi2]

@alfiriel duet mehr lid für di wünschender ganz viu Chraft.
@ maiblume so cool de si mir gad glich wit weisch du di Termin scho i ga de i 2wuchä zur Fä de chunts de us.

[zürimum]

@alfiriel
das tuet mir sehr leid für dich. ich wünsch dir viel chraft. und denk a dich.

[Maiblume]

@Bärnermeitschi2, Findi au mega cool Ich kenn nur sDatum luut Internet. Det heissts 08.02.2020. Bi denn au froh wenn mir das en Profi no usrechned und agit.

[Babalicious_79]

I schliesse mi dem Grüppli au aa momentan 08.02.20 isch Termin
Wobi Fa het scho gseit das passt er erst in de 12. Wuche aa je nach Grössi usw