Februarchnöpf 2020

[fa_ma_re]

Frage...
Ich han sit gester es liechts, aber extrem pennetrants chopfweh. Was mached ihr gege Chopfweh? Ich nimm scho Magnesium und leg mer en durend en chüele Lumpe in Nacke. Und es Dafalgan woni hüt morge gnoh han (vom FA abgsegnet) het irgendwie au nid gnützt…

Ich vermuete ja dases am momentane Wetterumschwung liit (vo demher au wieder weg gaht - han scho vo der Schwangerschaft immer wieder mal gha), isch halt aber trotzdem müesam...

[biinle]

@zürimum
Danke för d'Infos. Denn luegi mou, dassi of die 5 Biiträg chome.

Thema Sport:
Ech han i de erschte Ss bes i 5.Monet Sport gmacht, wenn ou sehr dezimiert, wöui bereits ab de erschte Schwangerschaftswochene konditionell nöme ha möge.
I de jetzige 2. Ss hanis ou ab de erschte Wochene scho gmerkt. Aktuell hemmer Sommerferie ond ech be dä mou werkli en seehr fuuli, mache absolut nüd! I 2 Woche fönd denn d'Plouschtranings weder aa ond de luegei mou wies mer gohd ond wieni mag.

Ech dänke solangs eim wohl esch vor, während ond nochem Sport söu mer das mache wo mer gärn macht ond mag mache. Persönli wördi i de Schwangerschaft nöm a mini Leistigsgränze go, sondern eifach das wo guet drenne liid.

[biinle]

@fa_ma_re
Han ech ou ab ond zue. Mer höuft denn amigs gnue (bzw. meh alsi sösch wörd) trenke ond gnue schlof. Medis nehmi sehr sehr säute, eigentli nor denn, wenni zB. ned chan schlofe oder wenns werkli ned andersch gohd.
Wenn s'Chopfweh ned wörd bessere oder sech veränderet (andersch esch ou schlemmer werd) wördi ombidengt de FA kontaktiere.
Gueti Besserig der!

[fa_ma_re]

@biinle
Ja das mit dem gnueg Schlaf hät die Nacht ghappered… Bis jetzt häts mit gnueg drinke, aneligge, Magnesium und chaltem lumpe guet glanged. Es Dafalgan hani hüt Morge es erste mal gno. Und ich glaub so schnell wirdi au keis me neh...

Ich han am Fritig e de negst FA Termin, denn sprichen mal druf ah.

[chiquita]

@fa_ma_re
Ig ha s gliche Problem gha und bir Froueärztin agsproche. Sit der SS bini immer zimli verspannt im Nacke/Rügge, vilech chunnts vo däm. Dafalgan würkt bi mir ned bi Chopfweh. D FÄ het gseit, bis zur 28. SSW chönn me ou Ibuprofen (Algifor, Optifen etc.) nä, aber wius schwieriger isch, sich das z merke, seit me eifach allgemein, me söu Dafalgan nä, wiu das i dr ganze SS okay isch. Chasch ja vilech mau bim FA aspreche. Ig gloube aber, bzgl. Medis si d Meinige sowieso ziemli gspalte.

Bis jetz hanis zum Glück no immer chönne dürezieh ohni Medis, ou bi Migräne bini eifach go ablige bisi es paar Stund gschlafe ha und de isch meistens wieder besser. Due iz haut eifach meh mis Programm mim Körper apasse und vilech mau öpis absägä.

[Glück_2020]

hoi mitenand

i hoff es goht allne guet! cha e frog - i bi i de 11ssw und cha i 10 tag min 2te untersuoch aber etz isch doch 3 wuche ume siit i d'kontrolle gha han und i frog mi etz hmm, gohts am baby echt guet, i gspür nüt... und cha voll schiss davor dötanezgoh und er seit mir was schlechts
händ ihr au so ängst gha? i cha voll schiss de anderne übe rss zverzelle oder mich so richtig freue...

glg

[songbird]

da mit de angst kenni au..i has gest recht streng gha bim schaffe und denn zimlich schmerze im buch übercho, d‘angst das öppis nöd guet isch isch fast no schlimmer gsi als d schmerze..

[Jil9]

I hoffe euchne beide chnöpf gohts guet. i be au mega unsecher weli eifach nüt ha, s einzige azeiche för en schwangerdchaft woni ha esch s usbliebe vo de periode. i säge zo mim partner emmer bes uf alles gfasst...

[Glück_2020]

@jil9

Hesch du scho en termin bim FA gha? I bi müed und mini brüst tönd mir es biiz weh aber nöd fest..

[biinle]

So hert dass es tönt, aber ech han mi i de erschte schwangerschaft ond ou etz i de zwöite schwangerschaft no gar ned gross druf iigstöut, dass do (weder) es baby onderwägs esch. Ersch wenn de de Buuch langsam afo hed wachse ond mini normale jeans nöme gange send, hani mi werkli afo demet beschäftige, ond ou fröie.
Muess aber ou säge, dass min maa ond ech, mer beidi rächt pragmatisch onderwägs send, är sogar no meh als ech...

De körper reguliert das scho ond luegt deför, dass es im baby guet gohd. Das esch mini meinig.

[Jil9]

Jo de erscht termin hani gha, d FA het mer gratuliert ond i ha gseit wette mer ned besser zersch mol luege öb öberhaupt öppis do esch?

I glaube i realisieres ersch weni de Chnopf i de arme ha...

[biinle]

@Jil9
Du wersch es denn ou wösse, wenn e decke buuch hesch ond dine buuchbewohner met sine bewegige zeigt, dass es läbändig aktiv esch
Esch's dini erschti Schwangerschaft?

[fa_ma_re]

@zürimum

Hesch mini PN becho? Bin mer nid sicher obsi verschickd worde isch...

[zürimum]

@fa_ma_re
ja scho länger. hans aber irgendwie nöd witerbesrbeitete. hans jetzt nahgholt.

@all
wie gahts eu? min grosse sich mit hmf agsteckt. sehr schmerzhaft und d'schmerzmedis helfed nur bedingt. bin drum hüt früehner hei vom schaffe. er tuet mir so leid. aber besser jetzt wi übernöchstwuche i de ferie. mir selber gahts sowit guet. de rugge wo weh macht und de nacke wo sehr verspannt isch, beschäftigt mich grad chli. ich han am fritig de ett und hoff fescht, dass allrs guet isch.

[Glück_2020]

hoi zürimum

jo isch besser dass uf di luegsch! sicherlich bisch so uf de sichere siite dass es am chline guet goht. wohii gohts id ferii?

mir gohts super, ab und zue es steche - aber - i bi so gnervt, und i mues 2 neui MA ifühere, i säg dirs, i bi so gnervt vo dene dass sies eifach nöd schnallet i glaub die hasset mi, und jetz fühl i mi natürli schlecht well i weiss dass i mi ständig im ton vergriif - aber i cha mi irgendwie nöd kontrolliere...i glaub wenn i säg i bi schwanger denn lüchtets dene au uf...

i dörf au inere wuche zum untersuoch - entli!

[zürimum]

ich han am fritig ett gha. gseht alles guet us, warte jetzt uf d'resultat vom bluettescht und denn lueg ich witer. eusem chine gahts tiptop, hät gstramplet wie wild und es isch alles dra und drin wos brucht. 🥰

@glück_2020
ich fahr mit eusem chline grosse, mine eltere, mim brüeder und sinere ebefalls schwangere frau für e wuche is piemont. freu mich sehr, au wenn ich bitz reschpekt han, mit so viel lüt, wo euse erziehigsstil nöd toll findet, e ganzi wuche id ferie und das no ohni maa! han vorsorglich scho mal es gnueggrosses datepaket aktiviert.

@all
ich wünsch allne en guete wuchestart morn. bi eus staht, wäsche, ufgrume und packe für d'ferie uf de tagesordnig. was mached ihr so?

[Jil9]

mer händ wenn alles guet esch höt de eet. ond de hani spannendi täg för mer well de wämmers ändli zumendescht de eltere mol verrote...

[Eni22]

Hei zäme
So, iz hani mi ou entschide mi endlich azmäude Scho lengers mitgläse, aber di 12 wuche wöue abwarte u iz hanit zit gha.
I bi 28, wohne im Kanton FR u es isch mini erschti SS (14 + 1, ET 16.02.20).
Am 5.8. hani mini 2ti untersuechig gha, inkl. eet. Nackefaute u bluet si so wit guet. Bis uf mini wärt vo de schilddrüse. Het da öper erfahrig dezue? Muess jetzt fangs täglich es medikament nä u nach de ferie zunere spezialistin.
A de fb- und whatsapp gruppe hätti de ou inträsse u wirde nach de 5 biträg mi mäude.

[Jil9]

Alles guet gsi bem untersuech, em waschbär gohts guet. i wär somet au parat för id whats app gruppe

[zürimum]

@jil9
schön isch alles guet bi dir. du häsch es bis jetzt no niemerdem gseit? ich hett das nöd chöne. du chasch mir gern e pn mache, bezüglich whatsapp gruppe.

@eni22
hallo. herzlichi gratulation zur ss. wie gahts dir? mit de schilddrüse chan ich dir leider nöd witerhälfe.