Februarchnöpf 2020

[zürimum]

@greenflora
danke für de link. muen en no gnau lese. d'ss-chleider han ich a verschiedene ort kauft. secondhandlade. zalando. bonprix. h&m (ich lieb d'stilltops vom h&m) also eifach det, wo ich grad öppis gfunde han, wo mir gfallt.

ich han das mit dütschland nur am rand mitbecho und mich nöd gross demit befasst.

[Janw]

Hallo zäme
Wie gahts eu?
Bi eus gahts sowit guet. Gspühred ihr bewegige scho vo dä chline? Ich plange fast chli druf dänn gits mir no äs bessers gfühl das alles guet isch.
Das mit Dütschland han ich bitzli gläse gits aber au bi eus. Mit sowas muemer leider immer rächne vorher häts eifach niemert usgsproche und jetzt säged all wo das händ öppis.
Wünsche eu allne än schöne suntig.

[zürimum]

@janw
danke mir/eus gahts guet. plange also au scho wieder uf de nöchsti termin bim fa. am 4.10. händ mir de gross untersuech. ich gspür s'chline würmli immer mal wieder, vo usse aber no nüt.

allne no e gueti wuche.

[green_Flora]

ich gspüre mis no fascht ned. han gestert en Termin gha. d Ärztin hät gmeint, das fangi langsam erscht a ab de SSW 20 plus.

han es par Froge mit zum Arzttermin gno. öber iri Reaktion bini grad chli baff gsi "ah händ si wider ire Frogekatalog mit gno? .. also machen sie mal... die uhr tickt" ääh wie bitte? ich hoffe mol, das isch sarkasitsch gmeint?!
wärend em Ultraschall hät si de Bildschirm fascht ned zu mier treit. Hät fascht nüt gseit, was si macht und luegt. ihr han denn iri Mimik beobachtet..e Denk-Runzle ohni Wort löst grad i mier es Frogezeiche us. Öber mini Gwichtszuenahm "ned schlecht, eigentlich müssti mer jetz no gar nüt zuenäh"...weisi au ned so wasi söll demit afange. Au wenn sie worschinlich fachlich top isch, fühl i mi Irgendwie ned so wohl. Wechsle wär irgendwie jetzt au blöd. Sind ihr zfride mit euerene Ärzt?

[Jil9]

hm i ha mer dodröber noned so rechtig gedanke gmacht. i mein mini esch halt en typischi ärztin, warschindli (oder besser gseit i hoffes) send die ondersüech för si s normalschte vo de welt ond halt ned de red wärt. be mine beide bsüech hani mi guet ufghobe gfühlt, s het en 2. bildschirm a de wand so dased för eus bequem zom luege gsi esch ond si het sowiit alli froge womer gha hend beantwortet. vo dem her passts för meh.
D hebamme wo si i de apraxis hend esch deför mega, so ifühlsam, so mönschlech, i ha glaub nonie en frömdi person so schnell is härz gschlosse.

I de letschte täg hani doch s gfühl, mol, doch langsam wachst de buch (18. woche)
be eus stoht d vaterschaftsanerkennig als nöchschts ufem plan bevor metti Oktober de nöchscht Termin wartet.

Ond ehr?

[zürimum]

@greenflora
wenn dich nöd wohl fühlsch, würd ich wechsle. au wenn das vilicht chli doof isch. aber bis zum endi vo de ss jedes mal mit frage wieder hei gah, isch doch au doof. #guteratgeberinaberelbernichtsändern ich bin mit mim fa zfriede, au wenn er immer chli im schü isch, nimmt er sich glich zit für frage. nöchst wuche staht bi eus s'organscreening a, mit de hoffnig, dass mir denn au wüssed öb meitli oder bueb.

@jil9
vaterschaftsanerkennig mached mir ersch im dezember, wenn mir ufs amt chönd, ohne das eine vo eus muen frei neh. gspüre tuen ichs immer mal wieder aber vo usse isch no tote hose. ohja! de hebamme sött ich au no alüte

[Janw]

@zürimum
Häsch du mini PN übercho?

[Meitshi89]

@greenflora spöut doch ke roue wennd jz no eächslisch,lieber as die nöchschte 5mönet metmene konische Gfühl dors Läbe go ond di ergendwie ned ernst gno zfühle.

Mer send sehr zfrede met eusere ärztin. Sie esch fachlech sehr kompetänt,erklärt emmer was sie macht ond beantwortet alli froge. bide 1.ss hetsie gäge schloss zomer gseid aso sie döfted de jz scho mou chli jommere ds ehne öppis wehdued sie send schliesslech schwangernor hedmer ned wörkli öppis wehdoh dass mi gstört hätti ond söst eschsie eifach sachlech aber för mech stemmt das. Hedmi do im spital die 1.hebamme woni gha ha meh gnärvt womi bemüeterlet hed ond esch cho streichle ect. Das magi gar ned verliide.

Vaterschaftsanerkennig lönd mer dasmou osse,mer düend spontan no dasjohr zivil hürote

Hät eigentli die woche organscreen gha,be aber met mage/darm im bett gläge. Jz hani am 10.10. aber dänke esch aues guet. Euses chliine energieböndu zweblet jede Tag fliessig ome ond wenn die gross schwöschter seichmacht höufts ou grad metcha aso nor guet cho met dene zwöi

[Kühnli]

Mer händ hüt s Organ-Screening gha. Het alles tip top usgseh, so wies söll

Witzig isch nur, dass d Fraueärztin vor 3 Wuche sich sicher gsi isch, dass es es Meitli giht. Hüt hämmer aber definitiv gseh, dass es doch en Bueb giht (für die grosse Screenings gömmer zunere Spezialistin). Ich has au immer im Gfühl gha, dass es en Bueb giht
Ha letschti au troimt, dass bi dem Untersuech usechunnt, dass es es Büebli giht.

[MissGrace]

Hallo Zäme

Ich würde mich gern euch da im Chat aahänke obwohl ich nöd weiss wenn üse Bueb genau uf d Welt chunnt (ob anfang. Feb oder doch ende Januar).
Ich bin 37gi und mache so e SS s erscht mal dure - mir freued üs jedefalls uf de neui Läbesabschnitt.

@ green_Flora hab dis erläbnis mit de Ärztin duregläse.... ich finde die erlaubt sich da recht viel und gaht überhaupt nöd uf ihri Kunde / Kliente ih. Da wür ich en anderi ufsueche. Es söll doch au immer es schöns erläbnis sii so en bsuech (ich freue mich emal immer)....wenn me da wieder s US Bild gseht unds baby bestuune chan und möglichst vill frage beantwortet bechunnt und mir d US Bilder denn grad per Mail an mich verschickt werdet und ich die mit de Family Grosseltere,Eltere, Gschwüschterti, Tante etc. teile chan. Isch eifach schlechte "Kundenservice" was sie da bütet da wür ich so rasch als möglich wächsle und Ihre das au so immene mail schriibe. Da muesch di nöd abmüeh mit so Lüüt...

Anyway, bezüglich Föteli etc. uf Whatsapp und Facebook ich und min Maa gsehnd das locker, ich wirde Sache poste. So chame d freud teile... Baby Name hend mir auch scho - James William- seged mir au scho üse bekannte. Min Maa het gmeint es wird es Meitli, ich hab gwüsst es wird en Bueb daher het er d Wett verloren und muss mich jetzt zum "Date Night" Abigesse plus Kino Film James Bond im April 2020 iihlade

[zürimum]

hallo @missgrace
gratuliere au dir zur schwangerschaft und willkomme da im forum. wie isch es dir bis jetzt ergange? us wellere gegend chunsch du? verzell doch bitz über dich. ich bin us züri, 38gi und zum zweite mal ss.

mir händ am fritig s'organscreening und hoffed, dass mir denn s'gschlecht erfahred mit würdeds gern wüsse. de meitli name isch scho definitv, de buebename sueched mir nöd, bis mir nöd müend aber er wär sicher au wieder churz, wie bim erschte.

[MissGrace]

Guete Morge Zürimum und alli Februarchnöpf Mamis

Also, was gibt's da no über mich z verzelle… hmmm, bin im Züri Unterland (Regio Flughafe ) ufgwachse und bin jetzt an schöne Bodesee zoge -job und maa bedingt. Schaffe tuen ich 100% wobii ich jetzt SSW 22 langsam merke wie ich eifach müed und erschöpft bin. Schlafe wird au immer schwieriger aber das Schwangerschafts-chüssi wo ich mir jetzt zuetue han hilft enorm.

Ich bin Schwiizer/ Amerikanerin (wegm Trump nöd würkli stolz druff im moment…sorry ) und min Maa Schwiizer / Engländer.
Wenn ich mal nöd am schaffe bin gange ich gern go reise, wandere, in spa und fein go esse...
Da ich nöd im Gesundheitswesen tätig bin und die 1. SS für mich jetzt völlig Neuland isch, finde ichs spannend was im Moment mit mim Körper passiert... Ich lise jetzt sehr vill drüber und luege YouTube filme (da gibt's zum glück vill Erfahrungsaustausch vo andere Müetere, Hebamme und Caring Fachkräfte) dass ich mich demit chan usenand setze..... wenn denn de chli Chnopf mal daa isch, isch es i de praxis denn aber sicher nomal anders als d Theorie.... aber ich verseuche mich nöd z fescht z stresse lah.

[Jil9]

... Juni Babys 2020, wo esch bloss die Ziit he...

[zürimum]

@jil9 hät sich dis baby entschiede zum länger drinn zbliebe? oder häsch du dich vertippt?

bi eus isch s'organscreening au guet gange. alles da was es brucht. min fa möcht sich aber nonig feschtlegge. er tendiert aber eher uf e jungi dame. am schluss isch es mir aber glich - es söll eifach gsund sie.

[Jil9]

i hoffes also ned. nei i ha mi meh erschrocke dasi doch ersch grad dere groppe bitrütte be, da esch di aktuellschti do em forum gsi ond jetzt gets scho en Juni baby groppe. d ziit radt nor so.

mer wärde euse buchbewoner nach mettlerwile 2 mönet metti oktober weder gseh

[MissGrace]

...het susch no öpper es problem mit konstantem Eisenmangel?

Ich hab das während minere Teenie Ziit scho immer ghaa, und jetzt I de SS angeblich wieder.
Nimme jetzt Eisentropfen aber Ärztin meint , wenns bim nöchste check up nöd besser wird muen ich en Eisen Infusion mache...

Da ich 100% schaffe fühle ich mich jetzt mehr und mehr k.o. schwach und schlapp. Gibts na huusmitteli wo chönnted helfe?

[Jil9]

Hallo MissGrace

Ich hatte schon 5mal eine Infusion infolge eines zu tiefen Ferritin Spiegels. Ich bin empfand da ganze als sehr unkompliziert und ohne irgendwelche Nebenwirkungen. Sogesehen würde für mich nichts dagegen sprechen. Mit den Tabletten kam ich nie klar.

[green_Flora]

@MissGrace; ich han im Dez. 18 no en Eiseninfusion gha,..und bim erste Termin im Juni (?) hät d Ärztin gmeint, es sig eher a de undere Gränze (also de Hämoglobin-Wert). Han jetzt im September au müsse Eisentablette näh. d Ärztin hät mir grote Rote Beete z ässe? Luege au druf, Fleisch z esse...also immer guet durchbrötlet und ebe ne nur Poulet. Mir häts sehr gholfe und han chöne d Tablette absetzte, wills sogar eher jetzt am obere Limit gsi isch. Han aber au gläse, dass es normal isch, dass de Eisenwert sinkt ide Schwangerschaft. Es hät en Zämehang mit Infektione und bide Geburt wot das de Köper jo verhindere..

Hoffe du fühlsch di bald wider fit!

[MissGrace]

Hallo Zäme

Danke für eure feedbacks.
Ja, die Eisentropfen wirken so halbwegs.... aber für den nächsten Termin 4. November mached mir denn sehr wahrschinlich en infusion.
Tabletten hab ich als Teenie nie vertreit und isch mir immer schlecht worde. Ja, fleisch stimmt, da mues ich meh druff achte und Rote Bete Saft hilft sicher au als zuesätzliche unterstützung.

Mal luege...hab mir jetzt morn und fritig na frei gnoo zum mich e chli meh chöne erhole und eifach mal schlaaaafe

Danke für die Tipps

All the best to yous....

[Jil9]

so, jetzt esch euse 2. ultraschall au döre. was mer gseh hend? ehm d wirbelsüle. ond schösch? nüt
bueb oder meitli? kei ahnig.
tja... hend jo no19 woche