Juni Babys 2020

[wickie]

@Sakana ja isch recht rambazamba. Isch mengmal fascht nerveraubend. I seg au immer jungs sind strenger wie meitli aber i chas ja nöd vergliche. Min vater seit immer jungs sind i de frühene johre streng defür i de pupertät eifacher wie meitle jetzt wers schön wenns no wwürd es meitli geh aber mir nemet was chunt hauptsach gsund. Min ma findet zwor mir müend jetzt nütmeh neus afange und bliebet bi buebe

[Sakanas]

@wickie, das han ich au acho ghört, dass Jungs i de Babyjahre/Kinderjahre strenger sind defür Mädels naher als Teenager

Gell hauptsach gsund. Stärkere Gschlecht i dem Moment wird gwünne

[wickie]

@sakana ja das isch so. Aber i glaub mit 3 jungs wäri den scho recht gsegnet i gseh mi scho wie i am obig froh bin wenn alli im bett sind

[Sakanas]

@wickie, huuuuiii ja. I bin gspanne. Wöret ihrs welle wüsse oder Ü-Ei?

[wickie]

@sakana bis jetzt hemers amig wölle wüsse... i bi mir im moment nonig schlüssig obis wöt wüsse oder ob i mi überrasche loh. So wies usgseht wirds s letschte kind si (obwohl i het gern 4 aber min ma nöd) i bin aber vo natur us so mega gwundrig dass i glaub i cha mi ger nöd überrasche loh und wie gsehts bi dir us?

[SaraB86]

Ich wirds wölle wüsse.. bi au mega gwunderig.. und gspannt was git.. es maitli wär mer glich, für das het i gad scho alles.. wobi min ma seit jetzt scho er seg en arme mit soviel wiiber, sogar dChatz isch e wiib..

[Sakanas]

@wickie, mir hettet gern es Ü-Ei, wie bi de Grosse au.

@sara, hahaha din Maa

[wickie]

@sara dim ma würs gluch go wie mir vo de sache her wer natürli en bueb scho au ringer hetti au scho alles.
@sakanas ich bewundere alli müettere wo die geduld hend zum sich überrasche z loh i glaub nemli nöd dass ich die gesuld han

[Sakanas]

@wickie, oh neugierig wär i au (so ischs de nid) aaaber isch bi eusere Tochter die wundervollst Überraschig gsi. (I het denkt geb en Bueb) hihi...

Falls ihr Mwitli bechemed und mir Bueb, hett also uuu viel Meitlichleider (saisonal, da bereits Summerchinsd) haha eifach sege

[wickie]

@sakanas voll günstig i ha au viel buebe sache ha ja au en juli bueb

[Fabidia88]

Hallihallo zämme

Gratuliere oi ganz herzlich zu oine chline würmli
Ich han hüt positiv testet und bi no ganz usem hüsli, dörfimi au dezue gselle? Schöni wuche und liebe Gruess

[wickie]

@ Fabidia herzliche Glückwunsch zum positive test. So schön werdet mir immer meh.

[Sakanas]

@fabidia, oh gratuliere wie toll dis 1. Chind?

[Fabidia88]

Danke oi villmal ich ha scho e Tochter wo 4i isch und au im Juni Uf dwelt cho isch und da weri es Meitli so Chleidertechnisch ganz pracktisch
Aber dfroid isch riesig dasses wieder klappet hät, willi im Juni ide 12.Wuche e fehlgeburt gha han.
Vodem her hoffi ganz fescht dasses dasmal bliibe wott

[-Alea-]

@all Hoff ihr händ r schöns Wucheänd ka.

@Jessi080891 willkommen und herzliche gratulation. Do sind mir gespannt ob es bi dir Twins gibt. Hesch scho en nächscht FA Termin?

@Fabidia88: willkommen und herzliche Gratulation.
Duet mr leid mit de FG. Hoffe ganz fescht es kunnt jetzt guet.

@Gschlächt: mir ghöre au zu dene wo sich Überrasche lönd. Mini Tochter isch scho es Ü-Ei gsi und i has nid bereut. Nochdäm mr leider scho en plante KS ka han (wäge BEL), han i wenigschtens dye Überraschig ka. I hoff das es diesmol zwei Überraschige git (s Geburtsdatum und s Gschlächt).

[wickie]

@Alea das mit em Kaiserschnitt kenni... ha bi mim erste sohn au en plante gha wege bel und plazentainsuffizienz. Bi mim zweite sohn hani den spontan chöne gebäre ha aber am mentig mit wehe a gfange und am do mittag isch er fang do gsi

[Sakanas]

@weekend, mir hend Familieschluch gha und no sBett vunde Tochter zuegschnitte (mached es Hüslibett selber)

@Alea, BEL natürli wer nid in Frag cho vum Spital us? Druck duuume dass es dasmol klappt!!

@FG, mir fallt gad uf dass scho u viel e Sterndli hend vu euch. Tuet mir sehr leiiid.

[-Alea-]

@wicki: wow do hesch e langi Geburt ka.
Würdsch trotzdäm nomol natürlich Gebäre welle oder lieber en KS?

@Sakanas: cool mached ihr es Hüslibett. Find dye toll. Isch au öbis wo i mr no überleg. Aber momentan isch unseri Chlini no im Gitterbett. S Bett hän dr kauft und mached jetzt eifach s Dach sälber?
Nei me het i däm Spital wo i gsi bin nid BEL natürlich gebäre könne. Hät uf Basel oder Aarau müesse und i häts aber au so nid gmacht. Min Ma isch en natürlichi BEL Geburt gsi und er het noch de Geburt nur gwimmeret und zwenig Luft beko.

[Sakanas]

@alea, mir hend es Flexabett kauft und machet de Hüsliufsatz selber. Aktuell pfused sie au no i ihrem Gitterbettli, sie liebt das

Oh ja denk bi BEL muess es echt en erfahrene Spital si, aber geundsätzli ischs ja kei falschi Geburtslag. Aber eusi werded alli mit Kopf geg abe ligge.

[wickie]

@alea ich würd wieder spontan gebäre... i ha bi de geburt viel meh emotione gha und au nacher hani mis kind selber chöne versorge... i ha nachem ks mega lang mühe gha mit de bei ha u lang nöd recht möge laufe...