Maichäferli 2021

[Faronu]

.

[Mom3257]

Unsere Maikäferli:

02.05.2021 / Augutsräupli / 1987 / BE / Tochter (2019), Sohn (2015), Tochter (2017)
03.05.2021 / SeJ / 1994/ BL / 0
04.05.2021 / Chalcedone /
05.05.2021 / mom3257 / 1992 / BE / Tochter (2019)
06.05.2021 / bänzli21 / 1995 / SO / 0
06.05.2021 / nyany /
05.05.2021 / zürcherin83 / 1983 / 1 Tochter (2009) + 8 *
06.05.2021 / Gylfie / 1988 / ZH / 1 *
06.05.2021 / Gwndolynn / BE / Sohn 2015
06.05.2021 / Bänzli21 / 1995 / SO / 0
07.05.2021 / maeva / 1984 / GR / Sohn (2015), Tochter (2017)
11.05.2021 / Nöi-Mami-91/ 1991 / SO / 0
12.05.2021/reglu/1995/AG/0
13.05.2021 / DWU / 1989 / SG /Tochter (2018)
13.05.2021 / NiggeliBoerni / 1991 / ZH / 0
19.05.2021 / kimS / 1985 / ZH / 2016 + 2018
19.05.2021 / Maggi / / /
19.05.2021 / Zwink / 1987 / SZ / Tochter (2019)
22.05.2021 / Fanki / Sohn 14 / Tochter (2016)
23.05.2021 / _maiglöckli_1986 / 1986 / SO / Tochter (2018)
24.05.2021 / 8Maichind9 /
? / sile /
? / ym_babyglück /
? / Sandy_21 /
? / Bini1987 / 1987 / Tochter (2018)
? / Rex89 / 1989 / ZH / Sohn (2019)
? / fruitjuicetab / 1994 / /0
/ sile / Tochter (2013), Tochter (2017), Sohn (2017)

* / faronu / 1985 / SO / Tochter (2018) 2 *
* / Valeria87 / 1987 / BS / Tochter (2015), Sohn (2017)


Wer in die geheime Facebook Gruppe möchte, schickt mir eine PN mit FB Name und Beschreibung Profilbild.



Huuhu liebi faronu
I ha die wuche ou scho positiv dörfe teschte dr errechnet et wäri dr 4. Mai. Wen wäri di termin?
Hoffe o sehr dases guet chunt! Ha die warterei bis zum erschte termin nid gärn

[Faronu]

Ni mir isches ume 9./10. Mai. Jo säg nüt findes tragisch. Dämfau au nit s erste?
Wei mer e Übersicht uf dr erste Site mache?

ET / Nickname / Johrgang/ Kanton / Azahl Ching?

[Mom3257]

Genau, i ha bereits es maichäferli usem 2019

Ja, ds tönt doch super! I weiss nume leider gad nid, wie me sone bitrag cha fixiere. Weisch du ds?

Ds wäre fangs mini agabe:
ET / Nickname / Johrgang/ Kanton / Azahl Ching
4.5.2021 / mom3257 / 1992 / BE / 1 Tochter (2019)

[Faronu]

Mi Tochter wär au es Maikäferli gsi, aber 2018 (Au ET 9.5) isch de aber no im April cho, hets eilig gha.
Has ergänzt i mim erst Bitrag.

[SeJ]

Hoi zämme
Bi mir wirds au Aafangs Mai (ca. 03.05.21) wenn alles guet gaht. Glückwunsch euch zum zweite !
Bi mir ischs die ersti SS und erstno mit lichter Endometriose. Ha denkt ev. chani mi da inne bitz beruhige, bi jedem zieh und steche hani schiss:)


3.05.2021 / SeJ / 1994/ BL / 0

[Mom3257]

Oh schön, hets trotz dr endometriose klappet! Gratuliere o dir!
I ha o schiss, vorauem bis am erschte termin endlich bestätigt isch, ds aues guet isch.. aber gloube ds geit aune so. Hesch de scho e termin abgmacht?

[Faronu]

Härzeleche Glückwunsch seJ

Das mit dr Angst geit aune so. Jedesmau qeni ufs WC go, hani Angst sig widr Bluet ume. Bia ketzt zum Glück no nüt. Hoffea für üs aui, das es guet chunnt

[SeJ]

Ja mir si glücklich und überrascht no im gliche monet hend sie mir gseit dasses vermuetlich sehr schwierig wird, falls es überhaupt goht und jahre cha goh darum nomeh angst...
Das beruhigt mi, gohts allne so euch au ganz viel glück
Termin isch für am 10te abgmacht... weiss au nid wie ich das sött ushalte bis ssw12 niem öbbis z sege, bin so ufgregt wie mached ihr das so?

[Faronu]

So toll! Freut mi, hets grad klappet.
I säges vilich de e paar ganz wenige. Die wo vo de FGs wüsse, wärdets sicher scho früehner wüsse.
Dr Räst de spöter. Gniesses no chli für eus. Zum Glück plapperet d Tochter noni so
Dank Corona hei mer eh nit so viel los, de isches nit so schwär zverheimliche

[Mom3257]

Mir warte dr erscht termin ab u sobaud dete aues guet isch, wärde mirs ar familie verzeue. Aune angere denki warte mir wieder bis zur 13sw. Mou luege öb mirs so lang chöi gheim bhaute

[Mom3257]

@faronu ha gad im 1. bitrag obe gseh, ds de eue scho e facebook gruppe erstellt hesch isch ds richtig? Würdi gärn biträte faus ds so isch, cha aber no ke nachrichte schicke. Chöntisch du mir e nachricht mit dim name etc. schicke?

[Gylfie]

Hoi Zämme
Ich gsell mich au zu eui.
Nach 5 Jahr, änere FG im März 19, öpe 20 Zykle mit Stimuliere etc. hätz jetzt bi de 3.Insemination klappet. Ich hoffe dasmal hät Natur die gliche Plän wie min Maa und ich.
Ich druck eus allne düme.

Ca. 6.5.21, Gylfie, 1988, ZH, 1 Stärndli

[Faronu]

Mom3257, hesch e PN

@gylfie, schön hets jetzt klappet. Drücke fest d Düme, das es blibt

[Mom3257]

@gylfie mega toll hets endlich klappet, dir heit jo e rechte weg hinter euch.. hoffe fescht, das aues guet chunt!

[zürcherin83]

hallo zäme - ich han geschter dörfe positiv teschte wünsche oi allne alles gueti für die kommendi ziit ich ha chli ä längeri odisee hinter mir. im 2009 hani dörfe ä gxundi tochter id ärm schlüsse (hüt än teenie durch und durch ) vo 2014 - 2016 hani 8 schternli müsse zieh lah und mir händ d familieplanig eigentlich abgschlosse, da mir bed au scho 37gi sind. mir händ jedoch nöd verhüetet nur immer um de es ume ufpasst... letscht monet jedoch zwenig mir froied ois seeeehr, dasses numal "hät müsse sii". ich hoffes vo ganzem herze, dass mir das würmli dörfed id ärm schlüsse und nöd müend zieh lah.

än arzttermin machi mal no keine ab, ich wart jetzt mal nochli, will mini bis uf eis früeh gange sind.

numal: alles alles gueti oi allne

würd mi gern zu oi gselle:
5.5.21 / zürcherin83 / 1983 / 1 Tochter (2009) + 8

[Faronu]

Liebi Zürcherin

Ohje, was dir heit müesse duremache
Hoffe ganz fest, das es blibt und im Mai es Gsunds Nachzüglerli heit.

Wie geits euch allne? Irgendwelchi Symptom?

Wär gärn i die gheimi FB Gruppe möcht, cha mir e PN mache mit Name und Profilbildbeschriebig. Oder mir säge i sell euch e PN mache, wenn dr noni gnueg Biträg heit.

[SeJ]

Liebi zürcherin83 ojehmine das duet mir leid, aber hoffe au, dass das jetzt es ganz ganz starks chäferli isch

Ich han teilwis ziemlich starki Schmerze im untere Rücke, im Unterleib ziehts eifach immer wieder. Ha denn immer sehr Angst dass öbbis nid stimmt, aber ev. hängts ja au no mit de endometriose zemme, oder es isch normal und ich als "Neuling" weiss das nid Dezwüsche alles normal.

Wie ischs bi euch so / oder gsih?

Faronu würd gern biitrette, chan aber au kei PN mache.

[Gylfie]

Mir gahtz recht guet usert dasi immer Hunger han
Wasi chli kommisch find isch, wenni z.B. ligge und mich strecke, hani immer wie enart en Krampf im Unterleib oder au wenni im ligge muss Nüsse.

Wie gahtz eui?

[zürcherin83]

hallo ihr liebe

mir hocked doch all im gliche boot; hoffed und banged bi mir isches so: mis grosi isch am karfriitig gschtorbe und ich schtell mir vor, dass sii ois jetzt das würmli gschickt hät und mit oisne im himmel sitzt und uf ois ufpasst

ich ha au oft äs zieh und zwacke im unterbuuch und feeescht hunger. zwüsched ine isches mir mal gaaanz schüch schlächt. aber nöd dä rede wert. wasi au bemärkt ha: ha feschte usfluss

lönd oi nöd verruckt mache. jedi schwangerschaft isch anderscht und äs git keis guets oder schlächts wehwehli

bi de fb gruppe wäri au gern däbi. chan aber au kei pn mache