Ich be uf de Suechi nach liebe Mamis, wo Loscht händ, sech ab ond zue zträffe, sigs ufenes Kafi, en Spaziergang oder söscht es Usflögli. I be 32i ond han en 12 Woche alte Sohn .
Wörd mi mega freue, uf dem Wäg öpper oder mehreri Mamis kennezlehre
Grüessli
Kalua84
Sali du
Ha grad din Forebeitrag gläse, er isch zwar schochli älter, hoffe du hesch glich no interesse anderi Mamis kennez lerne.
Ich wohne in Köllike, ha am 13. November 2017 mis Büebli gebore und be ou uf dr Suechi nach es paar nette Mamis i dr Umgebig zom sich us z tusche.
wörd mi mega freue
I bi us Oberentfelde und ha Endi Dezember mis zweite Chind übercho. Mir chönd üs gärn mal i de Chrabbelgruppe z Oberentfelde treffe. Jede Zistig vo 915 bis 1100 im ref. Chilegmeindhuus.
Hallo zämme ig bi afang juni mammi worde chume us zofige und kenne do absolut niemer i dr omgäbig met chind. Wär cool wenn mer mol eis chönte go trenke oder chli spatziere
Ich bin neu do i dem Forum, ha mi grad ahgmäldet well ech au uf dr Suechi ben nach Mamis wo Luscht hend sech kennezlerne. Weiss nid öbis rächt mache aber i versueches ez mal meteme Kommentar
I be bald 28gi und wohne en Hirschthal, zögle aber gli es Wynetal. Be Mami vonere bald 4 Monat alte Tochter und welli s einzige Mami e mim Umfeld ben, wöri mi freue öber neui Fröndschafte.
. 
