Febraurmamis 2021

[rahellini25]

@sunshine93
Ich bin 24j, isch mini ersti SS und mir hends am Wuchenend minere Familie (also nur Eltere und Schwöstere) gseid, em räscht säge mirs erst im August (12.SSW)
Im Gschäft hanis nur mine Kollegine gseid (dört ja nüm Röntge), de Cheffe sägis erst nachem 1. Termin (10.7.)...
Mir gohts eig guet, nur spannendi Brüscht und sooo Müed und ebiz Lustloos/Motivationslos...bi ei?

[Andi87]

@Sunshine93
Ich bi 32 und mir gohts tiptop. Bi nur unglaublich mied immer. Abm spötere Nomidaag fühlimi wie vom LKW überfahre. Und ich mag kei körperlichi Betätigung, 20min spaziere und ich rief nach Hilf. Aber solangs nur das isch.
Wie ischs bi dir?

[Andi87]

Ah und sage diemers offe dr Familie und Fründe. Bim schaffe noni .

[beeri86]

FB Gruppe:
aui, wo itz oder speter wei biiträtte, si willkomme äs git ke "deadline"

@Loony:
I mache dir grad ä PN

[Niclynn]

Mir freued eus über alli wo na dezue stossed bim FB, aber klar es muess niemert...grins i hoff ja das na öppert us minere Nöchi chunt...ahaha

[Leoniena]

Hallo zäme

I ha am Sunntig sehr überraschend ä positive Test i dr Hand gha wird üses 3te Chind und mir hei scho zwöi wunderbari Töchtere, wo ids 2 und gli 7i si.
Gits da süsch no öper mitem 3te?

I fröie mi sehr übere Ustusch und würd o gärn id FB-Gruppe wo findi die?

[Leoniena]

Was hen iar so für Apps oder Büacher oder so? Gits do irgendwelchi empfehliga als Rotgeber?

I ha ds Buech „Die Hebammensprechstunde“ und ds „artgerecht“ vor Nicola Schmidt. Im „artgerecht“ hets ä Teil zur Schwangerschaft, aber när o sehr viel zur erste Babyzit. Das Buech hätt ig gärn scho früecher kennt, git eim sehr viu emotionali Entlastig

[Sunshine93]

@rahellini25
@Andi87

Also bi mir isch es au di erst Schwangerschaft, ich bi recht viel müed, und überhaupt nöd konzentriert bim schaffe... aber ich glaub git schlimmers.. dänn isch mir öppe die mol schlecht bzw. trümlig und mini brüst spanned..
aber ich seg mir immer, wenn so es wunder passiert im buch dänn dörf me au biz öppis devo merke

Im Gschäft hanis nonig gseit, da werdi erst nach de Ferie mache, da die 12ti wuche bi mir gnau ii de ferie isch..
und bi mega gspannt, mini gspändli werded sich mega freue für mich, aber de chef wohl eher weniger..

Ich han jetzt so es Stelleinserat für Götti/Gotti und Oma/Opa gmacht, woni im Internet gseh gha han und mir werded das de entsprechende Familiemitglieder dänn geh afangs Juli.. <3 mir bhalteds ebe no bizli für üs, will mir üs gern so bizli im gheime drüber freued.. (mini best Kollegin weisses, will sie mich eifach direkt druf aagsproche het..)
da ich mini Fründinne suscht nöd so oft gseh ab de Summerferie, hemer gseit warted mir de 1.August ab, wo mir alli wieder gsehnd.. (min Ma het gseit ihm wärs lieber wenn mir bis zu de 12te wuche warted und da akzeptier ich au, ebe eifach mini best fründin weiss bscheid und da isch au ok für ihn)

Mir hend jetzt nur no ee usred müesse finde wieso mir mit mine eltere nöd chönd mit ufe Bergwanderig.. (sie hend üs nöd mol wölle verrote wo ane mir wäred.. has aber jetzt uf öppis anders chöne abschiebe wieso mir nöd so viel höhemeter mache sötted..) und jetzt mached mir dänn aa dem Wucheend wo mirs ihne seged ee "Flachlandwanderig" also vo dem her ich mag eigentlich no guet so "wandere" spaziere und go au no chli is Training aber dete halt scho bizli zrugghaltend.. <3

[dbrl]

Hallo zäme

Schön sind so viel neu dezue cho. Also ich wird sicher au im Forum blibe da ich kei FB han, au wänns übersichtlecher wär. Verstahne aber die wo gärn sich nur über FB wänd ustusche.

Bin aktuell mitti 8. Wuche. Ha dä 2. richtig Termin am 1.7 und dänn bini i dä 9. Wuche. Han s Härzli aber scho gseh schlah.
Aber mir isches sit 1.5 Speiübel. Nimm sogar Tablette degäge damit ich ushalt. Ganz schlimm. Isch bi dä 1. Schwangerschaft nöd so schlimm gsi.

Liebi Grüess

[Stöpsli2021]

Hey dir Liebe. I bi nach ere Hormonbehandlig tatsächlech iz o ir 6. Wuche. Mir si überwäutiget aber si beidi no chli ghemmt, wüu mr 1. so überrascht si, dasses iz klappet het u 2. wüus haut no früeh isch. Öii Biträg i däm Forum zeige mir aber, dassme sich durchuus cha fröie ! Mir heis drum ono niemerem gseit u warte iz mau sicher dr erst Ultraschalltermin afangs Juli ab. När luegemer witer.
Mir geits glich wi vilne hie, i bi eifach ab de 7ne am Abä totau düre u weni e lääre Mage ha, hani es flaus Gfüeu u ä komische Gschmack im Muu. Schüsch merki no nüt. I fröiemi sehr uf e witer Ustuusch mit öich !

[Sunshine93]

Hey dir Liebe. I bi nach ere Hormonbehandlig tatsächlech iz o ir 6. Wuche. Mir si überwäutiget aber si beidi no chli ghemmt, wüu mr 1. so überrascht si, dasses iz klappet het u 2. wüus haut no früeh isch. Öii Biträg i däm Forum zeige mir aber, dassme sich durchuus cha fröie ! Mir heis drum ono niemerem gseit u warte iz mau sicher dr erst Ultraschalltermin afangs Juli ab. När luegemer witer.
Mir geits glich wi vilne hie, i bi eifach ab de 7ne am Abä totau düre u weni e lääre Mage ha, hani es flaus Gfüeu u ä komische Gschmack im Muu. Schüsch merki no nüt. I fröiemi sehr uf e witer Ustuusch mit öich !

Herzlichi Gratulation
Mir hend au ee Hormontherapie müesse mache will ich kein Eisprung gha han.. Aber gad bim erste mol hets iigschlage, mir freued üs unendlich.. Mir hoffed jetzt eifach dass au bim zweite untersuech im August au no alles guet isch
Em Dialekt na bisch vo Bern oder so?

[Sara1984]

Hallo zusammen. Ich weiss seit Montag 15.6.2020 das ich Schwanger bin. Ich machte 3 Test damit ich für mich selber weiss, jawohl ich bin Schwanger. Es wird mein 1tes Baby.am 7. Juli kann ich zur Frauenärtztin. Ich freue mich. Hab aber auch viel Respekt. In unserer Familie bin ich eine spätsünderin. Ich wollte lange keine Kinder. Mit meinem Freund mit dem ich 3 Jahre zusammen bin. Stimmt es einfach. Er hat schon einen 12 jährigen Sohn aus 1ster Ehe. Wir sagten wir versuchen es und jetzt bin ich in der 6woche

[Loony]

@sunshine: aso ich bi 29i und s isch di erst schwangerschaft. Bis ez hemers na niemerem gseit aber morn werdeds mer mal de eltere vo mim partner mitteile, wel die mehreri mönet weg id ferie gönd nachher. Minere familie möcht ichs den au bald säge, au wenns na früeh isch. Aber mengisch chömed au biz abegläubischi gedanke dure, ob das echt unglück bringt kennt das öper? Wie handhabed ihr das bis ez so?
aber ich möchts eigentlich scho mit ihne teile
susch hani na kei grossi nebewürkige, ab und zue schnelle puls, chum schnell is schnuufe und d brüst wirked biz voller/spanned biz..

[Niclynn]

Herzlich willkomme a ie neue egal ob spahtzünder oder nid, freue tüend mir eus alli glich und hend die gliche Ängst und Sorge...smile

[Elena2510]

Hallo zusammen

Ich bin neu hier.. Habe am 18.6 positiv getestet. Termin voraussichtlich am 24.2.21

Mir gehts gut. Geheimhaltung klappt auch relativ gut. Habe bereits einen 14jährigen Sohn alleine aufgezogen.
Momentan habe ich das Problem mit dem Rauchen aufgeben. Hat jemand einen guten Tipp?

[celine2803]

Hallo februar mamis!

Aune härzleche glückwunsch!

ih ha am 18.06 positiv testet. has ni wöue gloube u ha am nächste Tag no mau 2 tests gmacht, wo natürlech oh positiv si gsi
bi iz de scho fsch ir 7. Wuche. erst termin bir FA hani ersch am 21.07 wüu si no feriä het...
i ha es PCO Syndrom & has letscht jahr mit KiWu Klinik probiert mit mim exmah, het aber ni wöue klappe.
iz bini gschide & mit mim neue fründ hets gd sofort natürlech igschlage. i würd säge ds isch schicksau!

i has mire bestä fründin gseit, wüuis eifach ha müesse los wärde. aber süsch warte mr no bis zur 12. Wuche. mini mum het im ougust geburi & den wärde mrs ar ganze familiä säge. i freue mi risig!!

ha öpis gläsä vo Facebook... chamer öper sägä obs eh gruppe git dert woni cha biträte oder so?

[Stöpsli2021]

Hey Sunshine93. Ja, i chume us dr Region Bärn ! I ha äbä PCO u ha zimlech müesse nachehäufe, dass überhoupt öppis griiift isch bi mir u dass mr när o überhoupt e Eisprung hei chönne uslöse. Aber es schiiint aues wunderbar klappet z ha. Es si äbä sogar 2 grossi Follikel gsi, wo hätte chönne springe. Drum isch spannig ufe erscht US no viu grösser, wüus theoretisch o 2 chönntä si . Mir nämes wis chunnt . Hey und verzeihet mr, wenni irgendwie fautsch antworte, i chume no nid so z schlag mit däm Forum irgendwie....

[Anna ZH]

Ich verabschiede mich wieder. Die Blutungen wahren doch eine Warnung und ich hatte eine Fehlgeburt in der 8SSW. Wünsche Euch allen ganz viel Freude in der Schwangerschaft und ich drücke Euch allen die Daumen dass alles gut geht. Alles liebe

[beeri86]

Liebe Anna, das tut mir so leid! Ich wünsche dir ganz viel Kraft und Zeit, zu trauern. Ich hoffe, du hast viele liebe Menschen um dich, die dich auffangen können. Alles Gute dir, ich umarme dich!

[Céline 92]

Liebe Anna
Es tut mir unglaublich leid für dich!
Ich kann sehr gut mitfühlen da ich vorgestern auch eine Fehlgeburt in der 7SSW hatte
Da es mein erstes und absolutes Wunschkind gewesen ist trauere ich noch sehr.
Ich hoffe, dass auch du Zeit zum Trauern hast und wir beide bald auch unser gesundes Baby in die Arme schliessen dürfen!
Liebe Grüsse Céline