Juni 2019

[Panda89]

@Anbe92 Oh ig hoffe doch ou das aues guet wird cho u das wird ou sicher aues guet cho chasch di emu fangs druf fröie ufem Bildschirm de dis chline wunder chönne adsluege Hihi ja, so wini ghört ha geits de plötzlech mega schneu mit em Buch wachse auso ig seuber gseh u merke emu das dr unterbuch scho e chlini rundig ufwiist.. gseht me bi dir no gar nüt? Auso e kollegin het mi sogar scho gfragt obi schwanger bi wege dr chline rundig aber ha no nüt gseit, am Sunnti hei mir es Familiefescht u denn säge mirs de.. u danach chöis nehr ou kollege wüsse weisses bi dir dfamilie u so scho?

[Anbe92]

@Panda, danke mer isch halt selber immer mega unsicher... weisch ja wies isch

Hihi okaay! Ich finds meeega schwierig zum ischetze, ich ghöre nöd zu de schlanke, aber au nöd zu de festere persone.. han amigs scho au s gfühl, dass de buch und härt isch... aber amigs denki au isch vom viele esse haha ja, nur d familie... will die würed au erfahre wenj was ned guet wär.. darum hemmers ihne gseit

[Panda89]

@Anbe92 Oh ja das isch so, seuber isch me aube ebe de glich unsicher.. aber ghört haut ou drzue...

Hihi demfau so wie ig, bi ou grad so normau boue auso nid schlank u nid fescht ja auso dr Unterbuch fühut sech bi mir ou eher feschter a und pinlech wies haut isch hani ir letschti so richtig viu Blähige.... aber chunnt eue ou chli vom durenand ässä.. u das stimmt, ar Familie würds me so oder so säge.. mi Ma isch zwar hie gebore aber isch italiener... u das isch aube sone sach mit sirer familie... wes öper zersch weiss de sie si grad beleidigt u drum sägä mirs am sunnti wöu mir denn aui vor Familie zämä si

[Ari]

Weg em Buch versuech ich mir nonig zviel Gedanke zmache wenn mer nonig viel gseht, eusi Knöpf sind ja immer no sehr chli mit ca. 6 bis 8 cm oder so... Ich bin seeeehr schlank und es isch zwar e biz meh worde, aber allzu viel gseht mer nonig. Isch bim erste Chind ja au normal, oder nöd?

@Anbe92 hoff din Termin isch guet gsi

[Anbe92]

@Panda ich wünsche Eu viiel spass am Familiefest! Gnüsseds!

@Ari, da hesch du meega recht!! Sött mir au nöd soviel gedanke mache, will sie sind ja würkli na uh chli, das chunt denn alles mit de ziit...
Han de Termin am mäntig

[Ari]

Ohhh sorry bin ich durenand cho. Denn hoff ich dass denn am mäntig alles guet lauft!

[Anbe92]

Hihi daaanke diir vielmal!! mir freued eus mega und doch immer nachli die angst und nervosität... bin so gspanne und am mäntig fangt au scho die 13. wuche ah

[Panda89]

Das stimmt scho wegem Buch, üsi chline si ja würk no chlini schätzis u de gseht mes natürli no nid u ig ha ou scho ghört das me bir erschte SS dr buch no nid so schneu gseht...

Merci viu mau, ig fröie mi ufs Familiefescht u vor auem druf dsägä dasi schwanger bi
Ig bi sit am am Mittwuch ir 13ssw aber ebe, e grosse unterschied merkt me no nid aber es isch glich mega schön wöu me ja nehr is 2. Trimester chunnt u de isch dsorg das öpis passiert ou scho viu weniger

[Loca]

Hallo zäme
I ha hüt es teledon vom gynäkolog übercho, dass bi mim baby uf grund vom ett erhöhts risiko für trisonomie 21 bestoht. D Nackefalte isch zwor super gsi aber jetz de bluettescht uffällig. S risiko segi 1:600.Drum muess ich jetzt am mäntig go bluet neh für de nipt test.
Het öpper vo eu ähnlichs erlebt? Weiss öpper wie lang mer uf d ergebnis vo dem tescht warte muess?
Bi völlig dur de wind und mega verunsicheret...

[Panda89]

@Loca Oh je das duet mir auso mega leid.. ig gloube dir sofort das du grad verunsicheret bisch u dir sorge u gedanke machsch mach dir itz aber no kener au zu grosse sorge, es isch scho oft vor cho dases bim bluet es erhöts risiko agä het aber das de nehr glich nid dr fau gsi isch.. ha ufeme andere forum gläsä dases bi öperem ou so isch gsi aber nehr glich aues guet isch gsi..
U für dsergebnis vom nipt tescht muesch gloub ou nid au zu lang warte, 1-2 täg.. du chasch sisch ou uf dr swissmom site auso hie nipt igä u de zeigts dir ou no e usführleche bricht a..
Ig schicke dir ganz viu chraft u wünsche für di und dis chline das aues guet isch

[Danii87]

Hallo liebi Juni-Mami's
Ich bin jetzt scho bi SS nr. 3 acho, nachdem ich (august 17 und februar 18) 2 fehlgeburte gha han, gsehts jetzt sehr guet us bin mittlerwiile i de 15 SSW und es gaht mer sehr guet, miin ET isch am 6.6.19 und mir händ mega freud will das euses erste chind wird sii. Sogar de ersti grossi untersuech mit em bluet test (trisomie 13,18,21) isch super usecho und au nackefalte isch in ordnig also alles so wies sii setti.
Han jetzt im spital super gueti betreuig gha bi dere SS han mich wöchentlich dörfe go untersueche la,was mier sehr gholfe hät,zum chli beruhigter z'sii. FÄ het mir sogar de "Befehl" gäh zum mich jetzt chli entspanne und mini ss sell gnüsse. Bin jetzt sehr optimistisch und gliich hani no en chliine hintergedanke,wo ned weg wott.. wüssed ier was ich meine? han sehr gueti unterstützig vo familie und fründe wo mier sehr viel chraft gid. Ich bin immer froh weni allig es zieh im unterliib han oder ich susch syntom han de weissi das alles guet isch tönt blöd isch aber so.
Jetzt no en chliini frag an euch; viel hani jetzt gläse das unter de empfindlichkeit vo de brüst liidet, ich han ned en empfindlichkeit sonderb dass sie ewig biisse tönt t das evtl. Susch no öpert vo euch?

So wünsche euch no es super agnähms weekend

Lg Danii

[Danii87]

Ah no öpis mich würds no wunder näh wies bi eucv so usgseht betreffend buuch? Gseht mer bi euch scho öpis? Und wie fühled ier euch so? Ich han immerno das ahaltende gfühlt vom ufbläht sii. Händ ier das au no?

[Ari]

@Loca leider chan ich dir da nöd wirklich witerhelfe. Ich glaub aber au nöd, dass es lang gaht. Hoffe, dass alles ok isch!

@Danii87 ich bin ja au i de 15. Wuche jetzt, ET isch de glich wie bi dir, bim ETT isch alles guet gsi, und trotzdem bin ich mängisch no chli unsicher. Vor allem wil d Übelkeit mich jetzt nüm jede Tag plagt, vor 2 Wuche han ich mir das no gwünscht....... Fluech
Chli Juckreiz han ich i de Brüst au gha. Aber nöd so oft. Generell han ich da chum Azeiche, sie spanned au nöd und tüend nur mängisch e biz weh. Denke mal die Veränderige vo de Hormon und so chönd sich uf verschiedeni Art und Wiis üssere...
Zum Buch han ich obe scho kurz gschribe, viel gseht mer da nonig. Aber geg de Abig fühl ich mich öfters mal ziemlich ufbläht.

[Danii87]

@Ari; ja ich han ja was d'übelkeit abelangt gaaar nüüt gha bis jetzt,mängisch en flaue mage aber das isches au scho gsii. Ja susch sind miki brüst au ned empfindlich oder so,nur jetzt stönd d'brustwarze immer dusse was vorher ned gmacht händ.. Ja äbe das isch bi mier au so, es isch alles okey und supi luut FÄ aber gliich.. jetzt muessi en ganze monet warte bis ich den am 8.1.19 de ersti hebamme termin han und de am 29.1.19 de nächst termin bi de FÄ han.. es macht mich fast stiggelisinnig so lang z'warte. Weisch wenn vorher immer einisch i de wuchä häsch chönnä gah und jetzt muescv en monet warte isch scho en extreme unterschied.

[Panda89]

@Dani87 oh de dir ou härzlechi gratulation zu direr SS u das tönt emu scho mau sehr guez we bi dir dr ETT sones guets Resultat gä het u ig finge das guet we sie di so guet betröit u unterstützt hei... Und glich versta ig di da vou u ganz we du de chli Hintergedanke hesch... das isch gloub eifach normau das me dsorge nid ganz cha ablege vor auem wes dserschte chind isch u aues mit dr SS nöii isch... U da du leider scho 2 Fehlgeburte gha hesch verstanis umso me.. duet mir leid das du so öpis grad 2mau hesch müesse erläbä aber da du itz ir 15ssw bisch u bim ETT ou aues guet usgseh het chasch itz zersch mau so richtig töiif usatme
Und was dbrüscht abelangt ha ig ou e zytlang rächt juckreiz gha aber itz düe si nur no spanne..
Hesch de itz scho lang juckreiz?
Und wie Ari scho gschriebe het isches normau das me no nid viu gseht aber das chunnt de no u da chasch di scho mau grad tröschte, ig ha momentan vom morge bis am abä e richtig ufblähite buch isch so richtig müesam.. hoffe dases mit däm emu de besser wird

[Loca]

Danke für euri Rückmeldige...morn chani go bluet abneh und denn hrissts zwei wuche warte, wie i usegfunde ha.e unglaublich langi Ziit...

[cat3]

Liebi loca
1:600 heisst, das mer i eim vo 600 Fäll es Chind mit Trisomie 21 hät. Das isch sehr unwahrschinlich. Hät mer bim ETT nebed dä Nackäfaltä sNasäbei gseh? Wänn ja muesch dir eigentlich kei Sorgä machä. Wiä alt bisch? Mini FA hät gseit alles über 1:350 gilt als guete Wert. Krankäkass zahlt dä NIPT eifach bi unter 1:1000. Daher macht mer en dänn. Han bi mim 2. 1:960 kah. Super Nackäfaltä und Nasebei gsichtet. Han dä NIPT dänn gmacht, aber mini FA isch eigentlich sicher gsi, dass alles in Ornig isch. Er isch jetzt 1.5 und top fit. Im NIPT isch dänn sRisiko gege 0 gsi. Weiss mer macht sich mega Sorgä, aber es grosses Risiko wär z. B. 1:10 und sogar dänn isch dChance uf es gsunds Chind grösser als uf es chranks.

[Maruna]

Hey Loca,

Bisch denn du scho älter? De bluettescht errächnet ja e Wahrschinlichkeit, dass dis chind öppis chönnt ha ufgrund vo verschiedene Faktore, u.a. s Alter het en Ifluss, dänn wärs zum Bispiel logisch, wänn de Wert chli erhöht isch. Es risiko vo 1:600 isch jedefalls immer no sehr chli.

Ich hoffe fescht, dass bim NIPT nachher alles ok isch! Duume druckt

[Danii87]

@Panda89
Danke zerst für dini antwort han mega freud
Das mitem juckreiz isch zum glück ned permanent sondern nur ab und zue. Aber am meiste fallts mer uf am abig weni micv umzieh für is bett und de bh abzieh denn hani allig achnell so en moment wos gad grausam biiesse tuet,weiss ned obi susch evtl. Neui/anderi bh's chaufe sett langsam?! susch hani aber nüt grosses chli juckreiz mängisch am buuch aber ich glaube das chönt au sii will sich d'huut chlii spanne tuet oder was meinsch? Wie wiit bisch de du panda89?
Ja das mitem bläh-buch das kenn ich au ich han das "gfühl" sit ich eigentlich weiss dasi schwanger bin, fühl mich wie en ballon aber ebe das isch normal hani ghört

[Panda89]

@Loca 2 wuche warte isch ächt e mega langi zyt... aber wie cat3 gschriebe het heisst 1:600 no gar nüt u dwahrschinlechkeit es gsunds chind dsbecho isch grösser.. aber ebe, ig würd mir glich ou genau so sorge machä.. aber das wird sicher guet cho

@Danii87 Hihi demfau ou so wie bi mir auso wo ig am abä denn aube dr bh abzoge ha hets mi aube ou mega bisse... ha mir aber nehr dänkt viellech isches js vom schwitze oder so.. auso ig ha mittlerwile zu sport-bhs gwächslet aber glich duets aube am abä ab und zue no bisse, hüt zum bispiu isch das wieder dr fau gsi.. aber ig dänkä das isch nüt schlimms jede Körper würkt sech haut angers ufne ss us.. u das mit em chli bisse chönnt würkli no guet vom spanne här si, hesch de du mängisch ou no unterliebschrämpf? Ig ha hüt grad chli unterliebschrämpf gha aber das isch gloub ou me es zeiche das sech gäbärmuetter usdehnt oder so oder de eifach ou vo de blähige.. auso ig bi ir 13.ssw u du bisch ja scho ir 15. ssw haha ja de cheibe blähi buch isch sooo was vo müesam aber ig ha hüt ou grad wieder ghört dases völlig normau isch