WINTI MAMI'S De Teil 86!

[Candine]

Flux: ig schaffe jede Friitig ( wenn niemert chrank isch odr so) im Kafi vornä. Viellicht gseht me sich ja mau

[TiFlaYa]

Tibits
het im neue Teil ganz hinde e chline Spielzüg chorb - meh chan auso neu au obe mit der chlinere Kidz bliebe....

Ich blieb bim Roseberg - bin neu voll Fan vom EZ Roseberg... und Spaziere chasch deh au guet - nämli am Schützeweiher oder eifach hinderdürö s'Quartier wieder id Stadt abe....

[Shorna]

Happy Birthday liebi Riana! Alles Gueti zu dim 5. Geburi.

[TiFlaYa]

da schlüsse mir eus doch grad ah...

[Candine]

Wau jetzt bisch du ou scho 5 liebi Riana! Happy Birthday zu dim Tag!

Tiflaya: bisch am abnäh? Wiä machschäs?

Jetzt heimer das Wätter grad gnossä. Si zfuess und mit de Trottis e Spaziergang gmacht und hei de Gioia ihres Gotti im Spitau bsuechet. (het am Karfrietig notfaumässig is Spitau müessä - Blinddarmendzündig). Diä Sunnä duet eifach guet, no chli chaut, abr nach au dene trüäbä Täg isch das scho viiu wärt.

Wünschä aune morn wieder e guete Start!

[TiFlaYa]

Tiflaya: bisch am abnäh? Wiä machschäs?

mit Ernährigsberatig, mini Ärztin het Alarm gschlage und jetzt muss ich abneh sesch schlicht sich s'Altersdiab ih... zuesätzlich isse ich viel topinambur das isch e art Härdöpfel, wenn ich neh ned chan frisch gniesse iss ich eifach tofees oder wie meh da schriebt....
Ostere ha ich immerhin ohni wueder zueneh überstande.
zfriede isch d'EB doch ned... tja am fritig muss ig wieder uf d'Waag stah und iträge...

[Candine]

TiFlYa: Ig wünsche dir ganz viiu Durchhaltevermögä und Disziplin, dass du chasch drannä bliibä und uf dis Wunschgwicht chunsch! ig ha eifach kei Disziplin, derbii währe 4-6 kg nid viiu zum abnäh.

[Zwetschge]

morge mitenand

@cia: erscht ez gseh sorry. mim würmli oder gummpifrosch gats guet sowit hesch sicher scho glese;-). gege schlecht hani so tablette gno gha wo mer de FA verschribe het aber hent nid viel bracht.

@tiflaya: ich bi am luege dasi nid meh zue nimme;-) bi au am abneh gsi bevori ss worde bi. aber ha nachene recht na gla gha bevori gwüsst han das ss bi. brucht halt scho disziplin. dir wünschi viel glück. bisch nid is zumba? ha ghöre sege det nimsch recht ab....

mir gats sowit guet usert das mer wieder schlecht isch sit mer vo frankrich hei cho sind. sind über ostere is hüsli vode schwiegis mite schwigis. so tabette wechsel tuet amigs scho guet und de xavier gniesst mega det une, het halt viel land rundume woner cha ume cheibe. ez bini scho ide 15wuche und i 2wuche scho im 5mt. ha gfühl gat u schnell. mengisch gspühris au liecht scho,eimal isch de xavier grad die hei gsi und den hani gseit er müss chli inne drucke den heters au gspührt. er het gfunde git e boxerin oder boxer seg am trainiere;-). oder frankrich isch er mir uf mich glege und het gseit mami steihärt de buch;-). bi gpanne wiener reagiert wener mitchunt zum FA bim ultraschall...isch ja au scho gli wieder am 22.april:-).
ez mal na anderi frag,de xavier schlaft so schlecht ii momentan. er seit immer er findi de schlaf nid öb ich nid na zu ihm ligge nachi und chli meh singe. gescht isch min GG zunem und het im buech chli gschichtli glese bis er schlaft. kennet ihr das au? ich denk eifach er suecht nöchi und merkt au das e veränderig git oder isch echt wachstum entwicklig schub. wenn ihr das kennet was machet ihr? ha ihm au vor gschlage das er dörf lese und er den nei er well mich oder de papi. ich wet eifach nid das sich das ibändlet und anderscht ume findis na süess und gnüsses na;-)

so wünsch eui en schöne tag.

[Shorna]

@ Zwetschge
Ich hoffe, damits mit em schlächt sie bald verbie ist.

Schlafe:
Da chan ich gar kei Tipps gä. Wänn mini Chind gsund sind gönds problemlos is Bett und schlafed au dure.

@ Candine
Das sind mir gseh, wo gester ghupet händ.

[Candine]

Shorna: ja ha öich de erkennt luegä eigentlich immer is Outo, wenn mi / üs öpert überelaht. aber geschter hani nid, wöu dr Gianluca uf dr andere Siite vo mir gsii isch. Abr dankä für de Gruäss heit äs cools Outo!

Zwetschge: das isch bi üsne nid, odr nonid. Mängisch muesi eifach no äs Liedli singe und de Rüggä chli chräbelä, abr de isch ou scho guet.

[Shorna]

@ Candine
Mir händ vorallem es ruhigs Auto. Wenns elektrisch fahrt, ghört mer gat nüt. Min Biefahrersitz ist au nid unbequem, fahre chan ich ja nid.

[Shorna]

Liebi blablabla, mir wünsched dir alles Gueti zu dim Geburtstag! Lahn dich schön verwöne:-)

[Shorna]

Ich lahne mal es Grüessli da und hoffe, das es eu allne guet gaht!

[Candine]

Sobaud d`Sunne schiint geits mir sehr guet trotz Hausweh im Momänt...

Und dir säuber? Geits dir ou guet?

[Zwetschge]

Hallo zeme

Danke eui wegem schlecht sii hoffe au es hött mal aber bus ez na nix. Ok wenigsten gits es mal en tag woni nix ha. Bi eus isch en ufregende morge gsi. De xavier het am wucheend magedarmgripp igfange. Ez hamer langsam sorge gmacht,den er usst fascht nix und chunt alles amigs wieder use durchfall und sehr flüssig. Hüt heter sich krümmt vor schmerze und den hani de kk aglüte will mir ja so es system hent und die ärztin het den gseit in notfall. Super kollegin aglüte lb sie eus cha bringe den ha nemli usgrechnet hüt kes auto gha. Guet sie het zyt gha und den simer relativ schnell dra cho. Ez heter recht viel elektrolyt verlore und viel zwenig drunke. Fazit er het e starki magedarmgripp und lut de ärztin cha das 14tag dure. De xavi het ez medis wo ein kampf isch das ers nimmt wills so grussig isch. Jenu cest la vie.

@candine gueti besserig.

Sorry suscht weissi grad nüd.

[Shorna]

@ Candine
Bis am Sunntig dure hebe, dänn sötts Wätter ja traumhaft sie. Hoffe, dim Hals gahts besser.

@ Zwetschge
Arme Xavi, ich hoffe, er häts bald übertsande! Mues er e Elektrolyte Lösig trinke?

[Candine]

Mim Haus geits viiu besser, dankä! Ja du, ig fröi mi uf das Weekend und vorauem uf das schönä Wätter!

[Zwetschge]

@shorna: danke. mir hents überstande sit am fritig isch de durchfall nüm cho. er het sozege numale stuhelgang wieder und rennt au wieder ume und gnüsst wetter. ja genau Elektrolyt lösig und ich verstahs schmöckt ja würklich nid so fein. bioflorin und pendedings muess er au na neh und ich gib ihm das ez na bis am dunnstig Ärztin het gseit e wuche neh. er het gfunde er seg froh chönger am mentig wieder i schuel seg gnueg krank lang krank gsi;-)

so wünsch eui allene en schöne sunntig.

[Shorna]

Es nachträglichs HAPPY BIRTHDAY liebe Jan! Ich hoffe, häsch gaaaaanz en schöne Tag gha. : - )

[Shorna]

Ich lahne mal wieder es Grüessli da.