Juhu auch wir legen los Teil 4...

[missre85]

Hallo zäme,
@lisettli das tönt doch guet, geb ehm so rechtig druf!
Oh schön, freut me, dass du dini SS i dere Hesecht chasch gniesse!
Schad muesch scho weder abdampfe, aber dörfsch de gärn weder mäude fausd längi Ziit hesch! Met mer chasch ebe äuä ide nöchste Ziit ned rächne..

@Phylis meine beste Kollegin ist auch so klein, aber sonst sind wirklich alle gross oder ämel grösser!

@Bienli eg be ou debi!
Oh jeh, das tuet mer leid, dasses grad 0% sei, schad! Aber wie du seisch: är het sech ja jetzt gänderet ond e sones SG esch ja sowieso nor e Momäntufnahm, auso muesses no gar nüt heisse..
So vöu eg weiss (usem Internet) chame gar ned vöu mache bede Form, auso met Vitamine, darom esches äuä ou ned schlemm, dasser die ned gno het..Mi GG het ou eis la mache ond het 1% normali gha, sösch es aues perfekt gsi...d'Urologin het ehm de glich Multivitamin ufgschrebe ond eg ha no gseit, dass Omega 3 ned schlächt esch, är nehmt jetzt das set 3 Mönet ond eg be gspannt, öb das öpis brengt.
Fenges echli schad, dass är das nor nehmt, wenn du ou öpis nehmsch, wöu es sei ja nor Vitamine ond wenn du schwanger besch ond Beschwärde hesch, cha är sech ja ou kei Buch ombende ond metschwanger si! Ned bös gmeint, gäu, fenges eifach aube schad, wenn me so ghört wie Männer sech ziere be so Sache..
Aber du machsches rechtig, dränge brengt secher nüt-hoffe eifach, dass ärs emau igseht ond säuber die Sache nehmt oder namau zomene SG gaht! Du hätsches nämlech verdient!
Eg wär ou debi!

@jeyjey auso wenn du 18kg zuegno hesch ond nach so chorzer Ziit nomeno 2.5 kg zvöu hesch, de chasch verdammt stouz uf de si!

[JeyJey]

@lisettli, missre: Jö danke! Woni noch 5 Tag usem Spital heicho bi und vo dene 18kg immerno 14 da gsii sind bini total ustickt sChind elei isch ja scho 3,25kg gsii, ha mi wörkli gfrogt, wieso da ned meh weg isch ich ha au no usgseh wie im 7. Monet schwanger. Em Arzt hani en Tag noch de OP gseit, er söll jetz bitte no de Zwilling useneh, aber het de Witz glaub ned so pögget gha, hanem denn mini Chugele zeigt
Mitem Stille hani denn aber zimli glii abgnoh und mit de hormonelle Umstellig und de Sommerhitz het sich de Hunger rächt i Gränze ghalte. Die letschte 4kg sind jetz aber kän Schläck, mol luege, öbi die 2,5 no schaff. Händ jetz ja Ferie und da chochi jetz meh hoffe mitem Wandere haltet sich das aber chli i de Waag...

[butterfly85]

So, es goht ab i die nägschti Rundi. Obwohl i de ganz Zyklus es super guets gfühl gha han und die ganz ziit gschwore het, es heg klappet, hani gester pünktlich uf Tag 28 d'Mens becho. Ich han mi jetzt entschlosse, mir mal no en zweiti Meinig vonemene andere FA izhole.
Mini jetzig isch super lieb, aber es isch e riese Gmeinschaftspraxis und chli Fliessbandabfertigung. Und ich han öppe sgfühl gha, nöd ganz ernscht gnoh zwerde mit mine ängscht. Jetzt wotti mer eifach bime andere FA mal berate lah, villicht hät de ja no en Idee oder chan mer mini Ängscht vonere erneute FG chli näh. Hät öpper vo üch scho mal wass vonere Bluetgrinnigsstörig ghört, wo au Fehlgeburte chan beiflusse? Mini FA hät mer ebe Aspirin verschriebe, woni täglich müesst näh, zum en wiiteri Fehlgeburt dur en allfälligi Grinnigsstörig zverhindere.
Han aber mit dem Aspirin zwei Problem: Ich chum susch scho weg jedem scheiss e blaumose über, aber siit i das Aspirin nimme isch es ganz extrem. Chan ohni wiiteres eifach 20 Blaumose am Bei ha und weiss nöd mal woher... Aber mit dem chani ja no einigermasse läbe.
Aber sgrössere Problem findi vill meh, dass i dur d'Schmerzmittel mi Körper nüme richtig spüre. I gmerke eifach nüme. Drum hanis jetzt au wieder abgsetzt. Hät öpper vo üch allefalls Erfahrig demit?

[lifa2016]

Huhuuu zäme

Schliche mi mal wieder churz da ine . Lise ja immer still mit in dr Hoffnig, dass ihr bald dörfed zwei Strichli ha

@butterfly: E Kollegin vo mir hät au en FG gha wäge ere Bluetgrinnigsstörig, si hät z dicks bluet gha und drum seg Plazänta nid usreichend versorgt gsi. Wo si erneut ss worde isch, hät si rächt früäh müässe ufhöre schaffe und hät au Medis fürs Bluet übercho. Ich han gmeint es Heparin gsi, cha aber au si dases Aspirin isch gsi. Eifach öppis zums Bluet verdünne. Da isch alles guet gange und de chli isch hüt 2 Jährig und putzmunter. Was mi jetzt aber an diner Gschicht chli irritiert sind d Bläuele am bei. Häsch du demfall die Blueterchrankheit (oder wiä die heisst). Das würd nämlich eher für das spräche und nid z dicks bluet. Und wenn du en blueter bisch und no Aspirin nimmsch, verschlimmeret sich das eigentlich Ich würd das aso uf all fäll au no vo öpperem zweits aluege lah. Evtl sogar vome Huusarzt oder bluetspezi... Tunkt mi chli widersprüchlich das Aspirin

@me: wott euch da nid z vil mit dr ss zuetexte, drum nur ganz churz. Eus gahts guet, aber so e wuche vorem Termin hämmer langsam d Nase voll. Morn sött ja vollmond si, mir hoffed, dass de chli maa sich dadurch vilicht mal chli ufe wäg mache würd

@all: Ich druck euch witerhin gaaaaanz fest dume und dänke an euch.

LG Valea

[JeyJey]

@Butterfly: Ich kenn mi da leider nöd us, e Zweitmeinig isch sicher guet. Drück der de Duume!!

@Blevita: Wie gahts dir? Mach mer chli Sorge!!

@Bienli: Wie gsehts bi dir zyklusmässig us?

@missre: Chönder scho loslegge?

@all: bi de Phylis hets direkt im 1. ÜZ klappt. So es Glück!

@me: Warte ungeduldig uf TR, sött jede Momänt cho. Und denn gohts ändli los!

[Bienchen84]

Hoi Jeyjey

Hoffe für di, dass TR hüt no chunnt!!

Wow, scho wieder eini, wo sones Glück het und grad direkt ss isch worde! Glückwunsch!

@me
I bi irgendwo Ende 2.ZH. Aber da i mir eh ke Hoffnige mache, ischs mer würklech sch****egal, wo i im Zyklus grad bi. I bi viu entspannter, das tuet mer guet. Ha so viu Stress gha i de letzte Woche, da mues i mi nid ou no dür mi KiWu la stresse...
Ha letzt Woche e ganz müesami Migräne gha, äuä wägem Stress... Aber iz isch wieder guet.

@all
Wie geits euch so?

[missre85]

Hallo zäme,

@Bienli oh jeh, hoffe es gaht der jetzt besser? Wär weiss, vellech brengts ja das Glassesi?!

@Phylis härzlechi Gratulation, wow, benidenswärt!

@jeyjey ja, ha vor 12 Täg dPille fertig gha! Uuuh, denn hoffu för de, dass TR baud chont! Fenge trotzdäm du chasch wägem Gweicht stouz uf de si!

@valea wie gsehts us, escher ändlech cho?

@butterfly oh nei, tuet mer leid, dass TR cho esch! Eg ha kei Erfahrig demet, aber eg wör ned eifach so ohni Abklärig Aspirin näh-aber das esch mini persönlech Meinig!

@me ha e positive Ovu gha ond gmeint eg heig scho e ES gha, auerdengs wot dTempi ned rechtig ufegah, darom gloubi ned wörklech dra! Wär ja ou zschön gsi!
Naja, wenni e ES gha ha, hei mer ne guet gnötzt, wenn ned, hei mer trotzdäm Spass gha! Wot me nömm so stresse wie vor dr OP

[JeyJey]

@missre, Bienli: Ich finds guet gönder entspannt a dSach, obwohl sicher nöd so eifach isch.

@Bienli: Wie machsches denn jetz amig, teschtisch gliich amig am NMT oder wartisch uf TR? Drück der fescht de Duume, dass ihr bald miteme Krümeli überrascht werded!

@missre: Ich hoffe fescht für euch, dass du en ES gha hesch!! Schön händers guet chönne nütze! Ich cha Tempi mässe eh vergässe... stah weg de Chliine vill z'unregelmässig uf...

@me: No kä TR da. Das wär mer ja öppis... mir händ 3 1/2 Tag nochdem dOvus ageh händ ungschützt gherzlet - ich hoff jetz eifach, dass mer da nöd zu sorglos draa sind. Wenn ich rächne, wärs unmögli (Ovus gänd 24-36h vorher aa, Eili isch 12-24h befruchtbar). Wär ja nöd schlimm, aber gliich nochli sehr früeh. Ha eigentli nöd 2 Maibabys welle. Aber nei, irgendwie cha mers nöd vorstelle, Pickel spräched für baldigi TR

[Bienchen84]

@jeyjey
I teste säute, i warte eich immer uf TR. Ussert, wenn i öpis im Gfüeu ha oder total hibbelig bi!
I bi nid sone verbisseni Testerin. I ha o immer gseit, i wirde nie früecher aus 1 Tag vor NMT teste. Susch chas positiv azeige und när glich no e Abgang gä. Und wenn i nüt dervo weiss, geits mer besser! Ds Medium het denn übrigens gmeint, i heig äuä mau e Abgang gha... I ha das vorletzt Herbst o mau stark zgfüeu gha, aber has aus Hirngspinst wieder furt ta.

Hmmm, i würd no chli warte, vilech het TR eifach chli länger, bis sie chunnt.
"vertrau deinen Pickeln!" XD XD

@missre
Ja, die Glasseheit tuet mega guet!
das tönt doch ganz guet, dass dr ES chönntsch verwütscht ha! Mini Dume si drückt!

@valea
Jaaa, wüsst ou gärn, ob di Junior inzwüsche isch purzlet!!

[JeyJey]

@Bienli: Ohjeh, hoffemer, dass dis Krümeli s'nächscht Mal feschtchrallt!

@me: TR isch grad vorher cho. Juheee, ab jetzt döf ich offiziell mithibble!!

[JeyJey]

Isch offebar Fählalarm (SB) gsii, heisst wiiter warte...

[missre85]

@jeyjey oh doof lat se sech so Ziit! He, ha grad gseh, dass be üchere Groppe mega vöu im 1. ÜZ schwanger worde si, krass! Jetzt machsches du ehne nache!
besch denn du emmerno am stille?
Cha mer guet vorstöue, dass met somene chline Chend s'Tempimässe ned gaht!

@Bienli du chönsch mer chli Glasseheit abgä, be momentan eher weder negativ igstöut!
Danke teotzdäm för d'Düme!
Wie gsehts be der us? oh krass het das das Medium gseh! De hoffi sehr, dassd weder schwanger wersch ond dasmau blibt!

[Bienchen84]

@all
...mega komisch, z läse, i söu wieder ss werde... Füeut sech mega surreal ah..!!

@missre
Hüt NMT.
Bis iz liechti SB und ha zimmlechi Blähige... (ehm, sorry)
Ja, bi mega baff gsi, wo sie das denn gseit het. Has fasch nid chönne gloube...

[JeyJey]

@missre: Ja sägs nöd, e mega SS-Wälle Ich fang jetz langsam a abstille, well ich ss will werde. Stille löst Kontraktione i de Gebärmueter us, was ss werde erschwere cha, und da ich letscht Mal Bluetige gha ha, bini vorsichtig. Da die Chliini scho länger 10-12h durepennt (eifach vo de Ischlafziite her ischs untegelmässig, aber wenn sie denn mal schloft, de schlofts...) und ich i de Nacht nöd abpumpe mag isch dMilch eh scho rächt zrugg gange. Zudem het sie eh scho ab und zue AR-Pumi übercho wegem ständige Chötzle... mues bis zu 5x am Tag Chleider wächsle

@Bienli: Oh spannend - und wie gsehts us?

me: TR isch jetz da ZT 1 vo ÜZ 1!

[Bienchen84]

@jeyjey
Juhuu, kuul, ändlech isch TR cho!!
Bi mir inzwüsche ou, hüt ZT 2, i mim 29.ÜZ...

Aber pünktlech zu GG's Geburi si mer iz ÄNDLECH i erst gmeinsam ÜZ gstartet!!! Isch ja d Abmachig gsi, dass er ab sim Geburi ou aktiv wett wärde im KiWu.
Gester, a sim grosse Tag, hei mer e Abmachig troffe: i ha leider ca. 15kg Überwicht und er roucht immerno Zigis. Er weiss, dass beides nid guet isch für SS. Da das für üs beidi schwär isch z ändere, duet er iz pro verlornigs Kilo uf ei Zigi verzichte. Er roucht ou ca. 10-12 stk am Tag. Geit auso recht guet uuf.. U das git mer ou dr Asporn, woni bruche!
I ga iz voller Motivation az Abnäh!

[missre85]

@Bienli oh schön, fröit me för de, dass är sech wörklech dra hautet ond der zäme es Zieu chöit verfouge, bravo!! Wönsche üch vöu Glöck för üches Projekt! Cha der dr Tipp gä, d'Diät Schlank im Schlaf zmache, esch för me bes jetzt am beschte zom Omsetze!

@jeyjey juhuuii ändlech esch TR da! De wönschi doch jetzt ganz vöu Glöck!
Ah ebe, esch mer doch gsi, dass me stillend ned so guet cha schwanger wärde! was esch denn e AR-Pumpi? Oh jeh, das tönt ja gar ned guet! Wie gahts metem Schreie?

@me be zemlech verwerrt ab mim Zyklus, dänke ned, dass dä Monet öpis word esch!

[JeyJey]

missre: AR-Pumi isch Anti-Reflux-Pulvermilch. Die isch dicker als normali Milch und weg dem mues sie weniger chötzle. Hani jetz amig geh, wemmer furt sind. Nervt mega, wenn die ständig muesch go umzieh...

@Bienli: Oh schad aber hey, guet starteder jetz zäme in nächschte Zyklus. Guets Durehebe bim Abneh!!

@me: Scho wieder nüt meh TR. Chume nöd drus

[missre85]

@jeyjey ah das gibt es extra, gut! Oh jeh, gibt es denn einen Grund warum sie so oft kötzeln muss? Sorry wägem Hochdütsch, be grad i däm Modus!
Sehr schräg, hesch höt TR weder? Gaht haut äuä es Wili bes sech das ipändlet!

[JeyJey]

Jeeeh dValea het am 18. ihres Büebli gebore

@missre: De Grund fürs Chötzle wüssemer nöd, aber Reflux isches schiins nöd. Ja, TR isch jetz richtig cho, weiss jetz eifach nöd, wele Tag ich jetz als ZT 1 sell gseh liit wohl dra, dass mer i de Berge sind... Höchi cha ja de Zyklus beiflusse. Jänu. Bi trotzdem sehr positiv igstellt für ÜZ 1. Hoffe eifach, dass dOvus denn spöteschtens am 7. am Morge azeiged, nochher isch GG 4 Tag furt, das wär sehr doof.

[JeyJey]

@missre: Wenn chasch du teschte??

Öh... Jetz hani grad gseh, dass dRubinja am 7. Okt. Termin het het gar nie öppis gseit?!