Märzlis 2018

[Papillon_86_]

@Mia
Das Gfühl mit de Angst kenni au nur zu guet..... Ich probiere mir immer säge, solang ich kei Schmerze und Bluetig ha isch alls guet. Und glich dänkt mer oft "ja aber was wenn..."
Bi froh gsi gester im US s'Herzli gse schla. Das beruigt mi (zur Ziit no)
Hoffe itz mal, dass Endi August bim grosse US immer no alls guet isch. Denn sind die 12 Wuche verbii und denn wird sicher dAngst weniger....

[Jocelyn]

@yelea: Dann gehörst du mit deiner dritten Schwangerschaft ja schon zu den richtig Erfahrenen Woher weisst du, wann ein Rückbildungskurs "besonders gut" ist, bevor du dich dafür anmeldest? Und wann sollte man sich darüber informieren, jetzt gleich oder erst wenn das Kind da ist?

Wünsche allen einen schönen Tag

[Smaa]

Sali zeme
Es isch echt spannend slese was ihr wo scho bizli witer sind für gedanke machet..
Wasi nid ganz verstahn. Isch de ersti FA bsuech nid grad U1? Oder hangt das devo ab wie früäh me gaht?
I han min termin a ssw7+5.. isch das früeh?
Wie isched oi bi oine erste termin ergange? Was het FA da gmacht?
Liebi grüess
Smaa

[Papillon_86_]

Hallo Smaa

D'U1 isch glaub ide 10.-13. SSW. Det wird dNackefalte gmässe, s'Würmli im US gnau agluegt und kei Ahnig was susch no für Tests gmacht. Eigentli langts wenn mer ersch denn zum US wür gah... Aber mir Hibbelfraue möged doch nöd so lang warte
De US vorher isch zum en intakti ss z'bestätige und luege obs am richtige Ort isch. Isch bi mir e zimli churzi Sach gsi.... Pipi abgeh, paar Röhrli Bluet geh (weg Bluetgruppe, HIV, Röteln usw), Vaginal US (Joystick schnäll ine, Position vom Embryo kontrolliere, Embryo usmässe, Herzli gse schla, Föteli drucke, Joystick scho wider dusse), Frage beantworte, Termin für U1 Endi 12. SSW mache und fertig isch gsi..... Hett dem Herzli no stundelang chöne zue luege wies pöpperlet

[Papillon_86_]

Wie gahts eu so mit uf's schaffe konzentriere??
Ich ha nachem pos. SST nur 3 Tag gschaffet (oder probiert ) und itz 4 Wuche Ferie gha. Ha ide Ferie natürlich 24h am Tag Ziit gha as Baby und Zuekunft dänke... aber morn wider afo schaffe.... Ich glaub mini Gedanke wärded immer wider abschweife....

[vedeja82]

Ich hoff ihr hend alli än schöne 1. August gha

Mir hend am Tag vorher no Bsuech gha, mit Chind und ich han mich denn echt gfraget, obi mir das will atue Säget mir bitte, dass das mit eigenem Chind besser/andersch isch

Angst hani au immer wieder. Han au Usfluss, zwar nie so wie a dä fruchtbare Täg, aber meh als suscht. Und denn muessi mi amel uf dä Toilette goh überzüge, dasses nur Usfluss isch und kei Bluet. Ich hoff mitem erste Gyni-Termin und denn hoffentlich schlagends Herz wirds besser.

@Smaa
Bi 7+5 söttisch sicher öpis gseh, denn wär au min Termin gsi. Ich glaub das isch ziemlich verbreitet denn zgoh. Ich gang jetzt glich ä Wuche später, damit min Maa cha debi si.
Und sowiet ich weiss, isches nonid grad U1. Han zwar dunkel in Erinnerig, dass meh dä zwüschet SSW9 und 13 chan mache, aber ich meinti viele Gynis mached ihn lieber später als zfrüeh und somit gits halt no ein Termin früehner. Aber das handhabets glaub au sehr unterschiedlich...
Und wies bin erste Termin gaht, hoffi dass sich nomol eini meldet. Mine isch ja au erscht i 13 Tag... Ich nimme aber mol a dasses än vaginale US git, ev. au Bluetkontrolle (müesst bi mir sicher si, will ich no nie än offizielle zu Bluetgruppe und Rhesusfaktor gha han) und halt Ufnahm vo dä bisherige Anamnese!?

[Joeyita]

Guete Morge zäme!

Hui da isch ja wieder viu gloffe über ds lange Wuchenänd.

@wuschi: Di Bitrag hani ou ersch jetz gseh, härzlech wiukomme! Hehe, no öper wo ET fasch am Geburtstag het. Mine isch 3 Tag vor mim Geburi . I bi ou rächt gruchsempfindlech, entweder hani zGfüu d Lüt sige völlig überparfümiert oder schweissele . Aber o Abfallchübu fingi ganz schlimm... Hani aber ir erste SS o scho gha, sogar scho vorem Test.

@marlene: Härzlech wiukomme und gratuliere zum positive Test. Du bisch würklech sehr früeh bim FA gsi... verstah mängisch nid, wieso sie eim so früeh bsteue, weme ja weiss dassme so früeh meistens no nid aus wenn überhoupt öpis gseht. Auso positiv dänke, dassme no nüt het gseh isch absolut normau und es cha trotzdäm aus tiptop si! Wägem Trage geits mir as 2. Mami glich wie viune angere hie, i cha mi 12kg schwär Sohn nid plötzlech nümm lüpfe . Dänke aber ou dass üsi Körper das ja inzwüsche o gwöhnt si.

@smaragd: Mache dr e PN beträffend FA

@papillon: Ou dir härzlech wiukomme. Schön, hesch scho ds Härzli gseh schlah!

@Mia: Schön, vo dir zghöre. Wow, scho baud im Ändspurt vom 1. Trimester! Es dütet doch aus druf hi, dass aus guet isch mit euem Würmli. Positiv dänke isch ganz wichtig. I bi sicher, däm geits tiptop.

@vedeja: Bestimmt isch ou bi dir aus bestens. Ig ha ou nid extrem viu Symptom . Bi mir heisi im Fau scho über d Buchdecki gschallt und me hets super gseh, we dr US nid mega früeh isch mueser nid zwingend vaginal si. Bluet nähme sie bi mir ersch bim ETT, das längt i dr Regu. Je nachdäm mässe sie aber scho früehner schnäu ds Hämoglobin. Wägem Rhesusfaktor (faus de negativ wärsch) müesst me ir SS eh no nüt mache, ersch bir Geburt soviel ig weiss.

@Symptom im Verglich zur 1. SS: I ha denn o viu meh Brustspanne gha, itz si sie scho o empfindlech aber meh d Brustwarze. Ir erste SS si sie viu schneuer gwachse dünkts mi . I ha extrem Hunger immer und bi ou nid wohl mitme lääre Mage, wobi schlächt ischs mer würklech Gott sei Dank gar nie. I chume aber wie ir 1. SS mega schnäu usser Puste und chüche nach ere Stäge aube wienes Walross . Drbi bini nid sehr unfit.

@me: Ig ha am Mäntig ganz spontan bi mire FA verbi dörfe wo ändlech nach 3 Wuche Ferie zrügg isch. GG het ou gad no frei gha und ou dörfe cho ds Härzli luege. Isch krass, i bi ja ersch vor ere Wuche gsi wägem Scheidepilz und jetz het me scho gad viiiu meh gseh, ämu so es länglechs Würmli . D Grössi sig perfekt für die SSW und es gseht aus tiptop us. Mir hei so Fröid und hei itz ou no ds Schwiegermami und d Schwägerin igweiht. Sie freue sech sehr fest.
Leider muesi itz ganzi 5 Wuche warte bis zum ETT am 4. Septämber, es chunnt mer eeeewig vor und i frage mi ächt, wieni mi Buuch bis denn söu verstecke... am Morge isches itz no kes Problem aber gäge Abe .

Wäm muesi nöime e PN mache wäge dr FB Gruppe?

Wünsche aune e schöne und nid zheisse Tag!

[Flusi]

Hoi mitenand

@vedeja: JA!!!DU WETSCH DIR DAS ATUE!!! Wils nämli s'Schönste uf de Welt isch! Was isch denn das gsi, wo di geschter chli schockiert hät? Ich glaube eigeni Chind isch scho ganz öpis anders. Ich chume us de Erziehigsbranche und ha mim Maa immer scho gseit gha: Das gits bi üs denn nöd, das machemer mal andersch. Jetz mit üsem Luusbueb merki scho, dases nöd immer ganz äso eifach isch. Aber me chas scho sehr früeh i die Richtig länke, wies allne wohl isch. Ich ha de Gedanke wägem mir öpis atue no nie gha und ich bi sicher, dass de au nie cho wird. Mängisch gits Arbet und isch au streng. Aber es isch dis Chind wo jedä Tag Fortschritt macht... lehrt laufe, redä, au mal Seich mache, und schönste... sie lached de ganzi Tag. Das isch s'Beschtä wo eim cha passiere! Und die viele Mehrfachmamis i dem Chat bewiesed das au! Du chasch dich mit 100% uf die Ufgab freue!

@Papillon: Willkomme bi üs! Häsch guet gstartet bim Schaffe? Das mitem abschweife wird ide nächste 7 Mönet so blibe. Wemers gspürt wirds es bizli besser. Denn freut mer sich über de Moment und cha nachher wieder beruhiget witer schaffe. Ich bi ja Huusfrau und ha Angst gha, dass ich dasmal no meh drum ume ustudier. Gott sei Dank gahts aber besser als det, woni gschaffet han. Ich dänke nöd rund um d'Uhr dra...

@Mia: Du häsches ja scho gli gschafft, also de wichtigi 1. Teil. So schön! Schön, dases dir grundsätzlich guet gaht und sich alli so mitfreued. Das isch sones tolls Gfühl!
Scho gli darfsch du din Buuch offiziel usestreckä! Denn wird nüt meh versteckt

Lg a alli

[vedeja82]

Ou ja, Joeyita, da seisch öpis. Mini Kondition het sich gemäss Maa au verschlechteret. Hetter jedefalls gmeint, womer sind goh wandere und ich mich über sis Tempo beklagt han. Döt hetter au gmeint, dass segi "früehner" bi mir normal gsi.
Wegem US magsch recht ha, sie hend bi mir aber immerscho vaginal gschallt, au wenns gheisse het, bi mir chönd meh au über dBuchdecki. Isch aber bisher nonie um SS gange. Villicht bini zu sehr vo dä Vorsorgeuntersüech usgange...

Jetzt hesch mich mega zum lache bracht, Flusi. Ja, klar willi
Dä Chli (chunt jetzt id Schuel) hani eifach als extrem astrengend empfunde. Guet, dezue muess meh säge, dassi dä ganz Tag im Büro gsi bi (5.25h ufgstande). Denn chummi hei und äs redt eine ohni Punkt und Komma und will ständigi Ufmerksamkeit und blöderwies hani nid so guet chöne uf Durchzug stelle, wie die zwei Männer. Mir hend au keis Spieli chöne fertig spiele, willer nie gnueg lang ufmerksam bi dä Sach gsi isch oder wenners mol gsi isch, hetters doof gfunde und nüm wele.
Innere guete Minute mini den "gflüchtet" und use vors Füür zu dä Männer und denn ischer erscht recht luut worde. Will er verlangt het, dass öper mit ihm dinne isch. Dusse hetter nid wele si...

Ach, dass mitem "gits bi mir nid" meh machts denn aber glich, kenni vo mim Hund. Isch zwar nid ganz äs gliche, aber ich verstah dass Theorie und Praxis amel usenand gönd. Vor allem wenn ein zwei herzigi Äugli aluege, chameh amel trotz Blödsinn nid bös si

[vedeja82]

PS: Hender da mit dä Listerien idä kochte Schinkewürfeli vom Denner und dä Migros glese?
Falls also öper vo eu die het, ufpasse bzw zrugbringe

[kalibu]

Halli Hallo

Falls jemand auch mit Blähungen kämpft habe ich ein gutes Mittel dagegen gefunden, welches jedenfalls bei mir wirkt.
Zitronenmelissen-Tee
Pflücke die Blätter aus dem Garten und übergiesse die Blätter mit heissem Wasser. Nach ca. 10 Min Blätter rausnehmen und mit kalten Wasser auffüllen. Fertig ist der kühle Sommertee

[Joeyita]

@vedeja: Schliesse mi dr Flusi zu 100% a was dChing betrifft. JAAAAA, du wottsch! Wasme nie darf vergässe, du hesch das Ching jetz ei Abe gseh, aber mit dim eigete wachsisch du dri und du bechunnsches ja nid wes scho 3 jährig und vou am trötzele isch . I cha nume vo mir rede, i ha zwar scho immer gärn Ching gha, aber hami aube o chönne närve wenn eis i mine Ouge chli schlächt erzoge isch gsi oder so. Aber me liebt ds eigete Ching eifach über aus, dassme ou sehr asträngendi Phase düresteit. Üses Schlitzöhrli isch im Momänt o sehr asträngend, einersits lost er nur denn wener wott u angerersits ischer ächt es totaus Duracell-Häsli, aso wener nid gad schlaft oder isst, de rennt er. Nonstop. Dähei isch das no easy aber ungerwägs sehr asträngend . Sogar mi GG seit am Abe aube, er sig k.o. und dä isch ja nid schwanger . Aber trotzdäm gniessi die Zit sooo fescht, es isch eifach schön und mir hei Fröid a üsem aktive Bueb. Ganz generell findi ganz ehrlech, dass mi das Ching no viiiu glücklecher macht, as ig jemaus hätt dänkt. Das tönt itz äuä fasch chli kitschig... aber i wett würklech nie meh zrügg, Mami si isch eifach ds Schönste, wo eim cha passiere . So fertig gschwärmt.

Gäu bi de SS-Ungersüech wird ja d Gebärmuetter grösser, de gseht me gli öpis dür dBuchdecki. Weiss aber o nid, ob mes bi mir itz ir 8. Wuche scho so guet het gseh wüus die 2. SS isch. Bi jedefaus nid bös gsi, isch ja viiiiu agnähmer as vaginal . Ir erste SS heisi dr 1. US ir 9. Wuche aber o no vaginal gmacht.

Ui ja du, mir si am Sunntig iglade gsi und dKollegin (sie weiss dassi schwanger bi) het gseit, sie heig wöue Schinkewürfeli choufe für i Hörndlisalat aber es heig eifach keni gha im Migros... vorgester schickt sie mir de dä Artiku dass sie Listerie hei gfunge i dene. Das het müesse sie dass sie keni het chönne choufe!!

[Lilyrose]

Da läuft wieder richtig was

Wir hatten tolle 2 Tage, meine Eltern waren da und so konnten wir vorgestern die Kleine abgeben und gemütluch mit Kollegen am See grillen gehen und gestern auch nochmal abgeben, um ne Runde im See schwimmen zu gehen, war toll.

@Vedeja: meine Kleine ist "noch" nicht nervig. Ich glaube durchaus, dass man als Mutter ab und zu ab den eigenen Kindern genervt sein kann, aber ist trotzdem was anderes als andere Kinder. Ich nerv mich auch ab vielen anderen Kindern und denke dann meine wird nicht so sein Du wirst es garantiert nicht bereuen. Ein eigenes Kind zu haben ist wirklich das tollste Gefühl der Welt (für mich jedenfalls). Wenn sich die Kleine in meine Arme schmiegt oder mir nen feuchten Schmatzer aufdrückt, dann bin ich einfach nur glücklich.

@Untersuch: war auch in 8ter Woche und da wurde vaginal geschallt, Blut kontrolliert, Urin. War ziemlich kurz und hatte da aber nicht mal ein Foto bekommen, fand die FA da nicht so toll...hoffe in dieser ss ist die neue FA etwas besser, nur noch 5 Tage bim zum ersten Termin.

@Erziehung: die erste Lektion, die ich als Mami gelernt habe, sag niemals nie. Ich hatte auch teilweise konkrete Vorstellungen was zb Schlafen usw anbelangt. Ab dem Moment als sie zur Welt kam, wusste ich, dass vieles andees werden würde, als geplant oder gedacht. Ich dachte, ich würde ein paar Regeln haben, sie nicht bei uns im Bett schlafen lassen usw. Pustekuchen...gings nach mir, würde sie imner noch bei mir im Bett schlafen, ich bin viel Bedürfnisorientierter als ich gedacht hätte. Wollte auch nie Stoffwindeln...haha und nun bin ich total Fan davon.

@Mitteilen: bei uns wissen schon viele Bescheid, bin irgendwie nicht der Typ, um die 12 Wochen abzuwarten.

@Ablenkung: Ja, man wird immer wieder mal abgelenkt sein. Aber bei mitmr wars ok, wenn ich beim Arbeiten zu tun hatte, dann gings gut. Doof war, wenn ich kaum Arbeit hatte und richtig Zeit zum studieren.

@me: abgesehen von Schwindel nicht viel, aber ich versuch mir auch keine Dirgen zu machen a la keine Krämpfe, keine Blutung = alles ok. Gestern meinte mein Freund, ob jetzt das schon der "frische" Bauch sei (da ich ja leider meinen Bauch von der letzten ss nicht losgeworden bin). Scheinbar fängt es sich trotzdem an abzuzeichnen..

[vedeja82]

Ihr habt mich ja überzeugt

Wie gesagt, bei mir in der Arbeit ist momentan Sommerloch angesagt und so vergeht hier die Zeit auch fast nicht
Gerade eben noch die "Woche für Woche" Lektüre gelesen und bin total fasziniert. Blöderweise erhalte ich den Newsletter erst gegen Abend, als würde ich es bis abends aushalten Lese natürlich immer schon vorher, was geschieht.
Und schon wieder eine Woche um. Auf der einen Seite geht es total schnell, auf der anderen habe ich das Gefühl die Zeit vergeht nicht. Irgendwie passiert nichts, aber trotzdem so viele neue Eindrücke. Manchmal glaube ich, ich bin nicht ganz normal

@Joeyita
Ui, da hattest Du echt Glück. Vielleicht haben sie es auch schon gewusst und deshalb aus dem Sortiment genommen?
Lustig, wir hatten auch Hörnlisalat, aber da wir grilliert haben, war der ganz fleischlos.

@Lilyrose
Schön, dass ihr die Tage so geniessen konntet

[Nara]

hallo mitenand

also i gsellle mi o gärn zu euch. i bi 9+3 schwanger, mi erstre untersuche hani am 21.7 gha, dert isch alles guet gsi. der nächst Termin hani leider ersch am 28.8, bi o eini vo dene wo nid warte mag!!!
i ha e bueb wo gad isch zwöi worde. i ha dennzumal ganz fliisig mitgläse bi de julimamis 2015 (gäu Little, du bisch denn o scho derbi gsi? Anderi viellecht ono?)
i mälde mi dasmal persönlich, willi viel ängstlicher bi wie bim erste, mal mir sache us, das gloubtme gar nid. und ou willi so e schlimmi Geburt gha ha woni no gar nid drüber hinwäg bi. i hoffe der ustusch macht mi chli ruehiger und entspannter, dassi mini 2 ss o gniesse cha...

hoffe ha de gli wieder zit zum no uf paar theme iga, füehle nämlich fescht mit euch mit. übel der ganz tag, null lust uf ässe, und wenn de nur ungsund, brüst wo mega weh mache, luunisch usw... gloube mir hocke alli bitz im gliche boot!

freue mi uf die spannendi zit mit euch...

[Joeyita]

@Nara: Härzlech wiukomme! So schön, du bisch ja scho rächt wit. Und nomau es Buebemami us mim Kanton so wies tönt . Ig ha e Bueb wo im Novämber 2 wird.

Darfi frage, was bi dire Geburt schlimm isch gsi? E gueti Fründin vo mir het o e ganz schlimmi 1. Geburt gha und het das de vorem 2. Ching mitere ganz liebe Hebamme chönne ufschaffe und verarbeite. Und ou Sache bestimmt, was sie bir 2. Geburt z.B. angers wott (z.B. e bestimmti Hebamme nid oder so). Das het ihre extrem ghuufe und sie het e wunderbari 2. Geburt dörfe erläbe. Vielech wär das ou öpis für di? Hesch de jetz speziell ufd Geburt Angst oder meh wäg dr Schwangerschaft?

[Flusi]

@vedeja: Guet, dass mir dich so schnell hend chöne überzüüge . Du wirsch gseh, es isch so wies Joeyita gseit hät. Me chas sich im Vorus gar nöd vorstelle, wie schön dases isch! Ui, das wäg de Schinkewürfeli hani nöd gwüsst. Da bini grad sehr froh um din Tipp, die chaufi nämli öpä mal im Migros. Ou Mann, so schnell wär irgend en Seich passiert!

@kalibu: Danke dir villmal für de Tipp wäg de Blähige. Ich ha Zitronemelisse im Garte und probiere das gern us. Ich ha nöd gwüsst, dass das cha hälfe. Das wär ja die eifachsti und billigsti Methode!

@lilyrose: De mitem "frische" Buuch isch guet! Ich ha nämli au no bitz es Überbleibsel. Mängisch dänki aber, dass dank dem die nüi SS nonig grad so offesichtlich isch. Mal luege, wenn de dä "frischi" Buuch definitiv dure druckt

@Nara: Herzlichi Gratulation zur Schwangerschaft und zum tolle 1. Untersuech. Oje, das mit de Geburt tönt aber nöd so schön. Dörfemer wüsse, was passiert isch? Ich hoffe, dass du ganz e tolli SS häsch, vieli Sorge chasch loswärde und dich mit de Ziit au immer meh uf d'Geburt chasch freue...

[Joeyita]

@kalibu: Di Tipp hani ja ganz überseh. Hm i ha grad gester paar Gleser Zitronemelissetee trunke, hami aber itz gar nid so gachtet... muesi öfter usprobiere, ha nämlech ou im Garte!

@Buuch: Mi Buuch isch eigentlech wieder rächt flach worde nach dr SS (und ou sehr schnäu wäg), aber da ig schlank bi aber nümm ganz so trainiert wie vor dr 1. SS, gseht me das Bläihbüüchli äbe rächt schnäu. Momentan geits ja ganz guet bi dene Temperature wome luftigi Röckli cha alege, aber we de wieder ds Jeanswätter chunnt, wirds schwieriger...

[Nara]

@joeyita @ flusi
Mängisch dänki sooooo schlimm ischs ja gar nid gsi, u mänigsich hani ds hüülende eländ! i ha 12 std. wehe gha all 5 minute wo aber gar nüt bewürkt hei, und derzue e Hebamme wo mi nid würklich ärnst gno hei, und nid hei verstande, dass die o scho schlimm si für mi, und mi o hei fertig gmacht. denn heisimer es medi gä und mi hei gschickt, und chum bini dahei gsi ischs när richtig los gange! das hetmi uhh gstresst! denn hani pda verlangt woni nach 3 std. wieder bi dert gsi, und de isch de besser gsi. am schluss ischer aber nid richtig is becki, und ab der erste wehe nach 24 std. hets denn e ks gä! die hani nid vertreit, bluetdruck im cheller, und erbroche und alles. denn wo der chli isch uf der wält gsi ischer mit mim maa gad usem ops und wäg sisi gsi und ig ganz allei dert mit all dene ärzt und so! und denn hani eifach dänkt es sig scheisse glofe, aber froh gsi hets der chli so guet gha und ischs nid no schlimmer cho. und jtz woni quasi wieder vorere Geburt stah chunt das aues so ufe, und frage mi obmes nid besser hätt chönne mache, weniger schlimm und obs nid no meh möglichkeite gä hätti und so. eifach meh so zum verhindere, dassi die ganzi sach nomal erläbe muess. wüsster äch wie ig meine... aber das mitem gspräch miter Hebamme tönt guet! hetsi de e ussestehendi gah oder eini vom Spital? mir isch eini vom Spital uhhhhh sympathisch gsi, aber weiss nid obs gschidder wär zure "neutrale" oder ussestehende ds ga!

@joeyita, ja wär o dim Kanton, aber umgsidlet uf GR! vermisse aber mini Heimat fescht!

mi et isch am 04.03. und wenn ihr tipps gäge blähbuuch heit bini sehr dankbar. abem mittag gsehni us wie bim erste im 5 monet!!! hiiillfeee, wets doch no bis afangs September gheim bhalte. aber üsi eltere und gschwüschterti und besti fründinne wüsses trotzdäm scho. ha nid wieder wölle so es tamtam mitem alk trinke mache wie bim erste. aber isch scho so wie ihr säget, weme gärn mal es glas wyy nimmt denn ischme gad abgstämplet weme mau nid nimmt.

und wie machet ihrs zum gsund ässe. sämtlichi salat und gmües finid dermasse abstossend, dassis gar nid cha ässe! richtigi abneigig, obwohl i süscht jede tag ha salat gässe unds liebe! hiiiillffeeee! spaghetti u schoggi geit aber super! ha gad 14 kilo abgno vor der ss und wett doch nid wieder ganz bi 0 afange nach der Geburt!!!

[MarleneB]

Hallo zusammen

Hatte heute meinen zweiten Termin bei SSW6+4 - und jaaaa man konnte das Herzchen schlagen sehen was für ein Gefühl!

Nächster Termin heute in drei Wochen.... wie halte ich die Zeit bis dahin bloss aus???

Dann gibt es auch das erste Foto wenn alles gut ist... was ich natürlich hoffe...

Bisher habe ich ausser manchmal ein Ziehen im Bauch noch absolut keine Beschwerden.... der Arzt meinte heute es sei gut möglich, dass die Übelkeit nicht mehr kommen würde - aber versprechen tut er es natürlich nicht.

Es ist immer wieder schön und interessant von euch allen zu lesen.

Liebe Grüsse und einen schönen Abend
MarleneB