Januarlis 2016 - das Purzeln hat begonnen

[Waschbär88]

Und ich ka au kei Pn mache??

8.1.2016/ Waschbär88/SO/1988/meitli 2012

[Sarenz]

@embryo
Jo wirde au zum 1. mol Mami
Ou so schön, gratuliere zur Verlobig! Wüsseder scho wenns sowit isch? Mir hürote imene Monet! Uii, es goht so schnäll verbie fie Zit!

@träum
Ich han au träumt dasi SS bin..und ha vomene chline Burb träumt. Simer jo gspannt obs e Bueb git 1 Wuche spöter hani positiv testet

[sheryl1980]

@Heutierli
Isch ja wahnsinnig was Du alles träumsch Finds aber super das Du jetzt so es guets Gfühl häsch - es chan nur no guet cho

@Embryo
So schööööön mit em Atrag... Gratuliere!

@Sarenz
Uiii en Bueb heti au gärn...

@Träum
Ich han zwar nie direkt vo de Schwangerschaft träumt wie ihr, aber e knappi Wuche vorem positive Tescht han ich vonere Inistigsbluetig träumt - hani no nie gha

[Heutierli]

@Sarenz: oh kenn sooo viel wo de oder nägscht Monet hürote.. so schön.. ich bi sit 2012 verhürotet
ich ha damals au vomene Bueb träumt und ich ha jo en Sohn... vom zweite Kind hani au scho träumt.. aber verrot an dere Stell no nix.. mir wän uns diesmol evtl. au überrasche loh..

@Bueb: ich ha immer chli uf en Bueb ghofft bim 1. Kind .. ha drum immer gseit ich hät gern zerscht en Bueb und denn es Meiteli oder denn zwei Buebe.. do cha jo in mim Fall jetzt nüd meh schief laufe..

[Waschbär88]

Hmm irgendwie hets mini Biträg nit gno..?
Kurze Egopost:
Ich bi sehr froh me het e Fruchtblösli in dr Gebärmutter gseh! Juhuu

[Kia88]

@waschbär: super das fröit mi sehr für di! ig due hüt ar FA alütä und luegä mou was si meint wenn dasi cha go =)

@embryo: soo schön gratulierä zur verlobig! jo de cha jo würklech numä aues guet cho =))) mir hürotä am mittwuch ufem standesamt und am samsti 16.05. no ir chiuchä =)) bi auso langsam chli närvös =) gniess die zit äs geit de ganz schnäu bis d hochzit vor dr türä steit =) wüsster überhoupt scho wenn das dr wettit hürotä?

@körper: mini brüscht düe mer mängisch chli weh und chli schlächt ischs mer mängisch ou! hüt hani scho öbbä 3 mou äs stächä im buch gha womer gad chli sorgä machät =/ aber ig bi zueversichtlech das aues guet isch!

[Embryo]

@Heutierli: Danke für dini Glückwünsch! Ich freu mich sehr uf di gmeinsam Ziit mit mim Partner und em Chline!
Ja ich han mich recht gnervt. Aber ich han es guets Gfühl. Suscht wäri wahrschindlich nid scho die 6. Wuche (5+5). Chunt guet

@Waschbär: Ui nei. Wie gahts dinere Tochter jetzt? Danke für dini Wünsch!
Das mit de grosse Tablette kenni. Isch mängmal chli müähsam.
Super das mit em Fruchtblösli!! Gratuliere!

@Sarenz: Ah cool! Denn bini nid die Einzig, wo s erschte Mal Mami wird
Ev. hüratet mir na das Jahr im Summer, aber nur zivil und denn es Jahr später na s grosse Fest.
Ah schön! Muesch denn schriebe vo dim Hochziit. Ziit gaht extrem schnell verbi. Hüratet ihr im grosse Stil?
Da bini denn würklich gspanne, obs en Bueb git bi dir.

@Sheryl: Danke dir! Han au u Freud!

@Kia: Danke dir! Wow! Das isch ja scho würklich bald Schön! Das Jahr wahrschindlich zivil und nächscht Jahr im Summer s grosse Fest. Also ich han momentan mega Müäh ufem Buch z liege. Mini Brüscht sind grad sehr empfindlich. Also das Steche kenni au. Hani am Afang au immer gah. Aber bis jetzt isch alles guet. Das isch glaub normal.

Ich denke au, dass ich en Bueb überchume

[stupsi]

Hallo zäme
Darf ich mich mal vorsichtig bei euch anschliessen?
Ich habe gestern positiv getestet. Es wird unser zweites januarkind. Ich durfte vor fast genau zwei jahren schon pos testen. [-]
Da ich schon immer sehr unregelmässige und auch lange zyklen hatte, kann ich den et nicht wirklich berechnen. Aber ich glaube er wird mitte januar sein.
Freue mich auf den ausstausch mit euch.

[Waschbär88]

@embryo minere Tochter gotz ganz guet zum Glück! Sisch eifach nach dr Geburt nit so eifach gsi grad mit Op und den Intensiv station!
Aber sie hets so super gmacht und us dem hämpfeli isch e richtig kräftigs gfrässigs stinkfrechs ding worde

So negst wuche hend glaub einigi Fa Termin! Ich dörf am fritig nomol go und hoff ufen Herzschlag!
Het scho öbber gse herzli schloh?

@stupsi herzliche Glückwünsche zum positive Test!

[Heutierli]

ich ha erscht am 16.06. termin. nachdem ich bi dr letschte ss s herzli in dr 7. wuche gseh ha und s denn in dr 11. verlore ha, gangi diesmol bewusst erscht in dr 12. wuche zum fa..

[schurcla]

Hoi zäme!
Ha das Forum erscht jetzt gseh und würd mich au gern aschlüsse.

Wird au s erschtmal Mami und han am 8.1.2016 Termin. Kenne mich mit all dene Abchürzige noni so guet us;-).
Mir freued Eus riesig! Han am letschte Di en normale FA-Kontrolltermin gha und gseit dassi wohl schwanger bin (positive Tescht dehei). Mer hend denn bim US es Bölleli gseh, offebar am richtige Ort iignischtet soooo toll!
Ich mach mir scho oft Sorge will ja d Chance zum s verlüre doch nöd chli isch aber ich probier positiv z sie. Ich red scho mit üsem Bölleli und hoff es wachst guet (bin jetzt ide 5+3, wenni das System richtig interpretiere).

Sit paar Tag ischs mer oft schwindlig und öpe liecht übel, bi schneller müed, Essluscht-technisch gspüri no ke Unterschied zu suscht.
Sit 2-3 Täg merki dass sich ide Brüscht was tuet, die sind empfindlicher und irgend chli "Fremdkörper" worde, grösser glaub no nöd. Ufs WC mueni e fascht jedi Nacht, das isch nüt neus für mich;-).

Ich freu mi mich mit Eu usztuusche i dere spannende Ziit!

[Stünggeli]

hallo zusammen,

darf ich mich euch anschliessen? ich hab diese woche positiv testen dürfen und wir sind nun voller vorfreude auf unser 3. babylein. ich hoffe, dass dieses mal alles gut geht, hatte ich doch leider schon 2 FG.

meine angaben:
ca. 19.1.16 / Stünggeli / 1984 / bub 2012, bub 2013

liebs grüessli

[sheryl1980]

@stupsi, schurcla & Stünggeli
Herzlich Willkomme und Gratulation zum positive Tescht!

@Termin
Ich han am 20.5. wieder eine und hoffe uf es schlagends Herzli... Es gaht no soooooo lang...

Händer es schöns Weekend gha? Mir händs hüt minere Familie gseit, händ alli mega Freud gha! Mir händ am Töchterli es Cap kauft und druf gschriebe "grossi Schwöschter 2016" und sind uf Bsuech Isch aber no lang gange, bis es öper checkt hät!

[Lucine]

Hallo ihr Lieben.
Ich möchte ganz vorsichtig mal Hallo sagen. Ich hab heute ein wunderschönes Muttertagsgeschenk bekommen, einen positiven SST. Freue mich sehr aber glaube es erst wenn es der Arzt bestätigt.

Ich habe bereits einen knapp dreijährigen Sohn und freue mich, dass es endlich geklappt hat. War nicht einfach mit dem schwanger werden. Hoffe das Würmchen klammert sich richtig fest. Mein selbst errechneter Termin ist 17. Januar.

Freue mich aufs austauschen mit euch. Symptome habe ich noch nicht wirklich, manchmal ein Ziehen im Unterleib.

Liebe Grüsse
Lucine

[Embryo]

@Waschbär: Ah super, dass sie jetzt es gfrässigs und stinkfrechs Ding isch Das glaubi, dass sehr schwierig gsi isch. Zum Glück gahts ihre jetzt guet.

Ich han erscht am 16.06. de Termin. Gaht na meeega lang. Mini FA macht Termine erscht ab dem 12. Wuche.

@Stupsi, Schurcla, Stünggeli und Lucine: Herzlich willkommen und Gratulation zur SS!

@Sheryl: cooli Idee mitem Cap Mini Eltere wüsseds scho siit ere Wuche und jetzt hämers na mine zuekünftige Schwiegereltere gseit. Die händ sich au mega gfreut! Suscht bhaltemer na für euis.

[Heutierli]

@embryo: ich habe azch am 16.06 den ersten termin.

[Waschbär88]

@embryo und Heutierli ou dasch no lang aber eigentlich gschied ich bi leider z unruhig so lang z warte..

Baued mi biz uf ich ha sit hüt praktisch keini azeiche me und grad biz angst isch das Normal das die kömme und gön?

[Jalia]

@Salami ect.
Hier in der Schweiz ist sicher die Gefahr weniger wegen Listerien, aber gerade letztes Jahr gab es so ein Fall da sie Listerien gefunden haben in einem Salsiz....
Darum schaue ich auch darauf solche Sachen nicht zu essen.
Eine Schwangerschaft geht ja nicht ewig

@Sarenz
Ehrlichgesagt wenn es mit Listerien verseucht ist, denke ich kommt es nicht mehr darauf an ob man 2 Stk. Käse oder nur 1 davon isst

@Waschbär88
Hat die Fehlbindung den etwas mit der Ernährung von dir zu tun gehabt? Oder meinst du dass du dadurch einfach besser schaust, quasi man nimmt lieber kein Risiko in Kauf?

@Traum
Ich habe geträumt vor wenigen Tagen dass ich mit einem Kind, welches nicht meines war (evt. Tageskind welches ich aber nicht habe ) auf welche ich aufgepasst habe spazieren ging und hatte ein Geschwisterwagen in dem mein Kind sass. Es war ein Junge und um die 16 Monate....
Ob dies was bedeutet weiss ich nicht.
In der letzten Schwangerschaft träumte ich ich bekäme ein Mädchen. Es war aber ein Junge

@Geschlecht
Es wäre toll wenn es ein Mädchen wäre, aber ein Junge wäre auch willkommen. Vom Gefühl her ist es ein Junge
Wichtig ist mir aber nur dass es Gesund ist.

@Stupsi + schurcia + Stünggeli + Lucine
Herzlich Willkommen und Gratulation zur Schwangerschaft.

[Embryo]

@Heutierli: Ich hans glese. Findi super! Min Termin isch am 7i am Abig. Dine?

@Waschbär: Was häsch denn bis jetzt für Azeiche gha?
Ich han am Afang recht Azeiche gha, denn 1 Wuche ca. Rueh und hüt hani müässe hei vom schaffe. So Chrämpf und schlecht, dass ich mich gar nüme han chöne konzentriere.

Hät öpper vo eui au scho müässe hei oder schaffed ihr ganz normal wiiter bis jetzt?

[Lucine]

@Embryo: Ich merk "leider" no nüt vo dä SS, drum chani momentan ganz normal schaffe. I dä erste SS hani absolut kei Übelkeit gha und au suscht kä Beschwerde. Bi gspannt wies dasmal wird. Ä bizli wär ebe scho schön, damit ich weiss dass sich öppis tuet. So bini immer recht unsicher willi eifach nüt gspüre. Es bliebt mer nüt anders übrig als z'hoffe.
Gits da no anderi Mädels ohni jeglichi Symptome?

Liebi Grüessli
Lucine