Uiii ehrlich? Hät si guets z brichte gha vo Winti Spital?
Geburtshuus findi au uuu schön. Ich glaub wär bi mir alls normal, also hetti kei ELSS gha und au kei Niere/Hüftproblem hetti mer das au überleit. Es isch halt scho so, dass im Spital immer so die drückendi Spitalstimmig häsch. GG vertreits auch gar nid... Aber da muesser jez denn dure
Ja mir händ en Wucheänd-Paar-Kurs vom Spital us gmacht. Hans uuuu guet gfunde und würds jedere Erstgebärende empfähle, denn es hät eus mal ändlich es realistischs bild vo de Geburt gä. Vorher hämmer beid nid so rächt gwüsst, was mer erwarte sölle. Bin am afang auch chli skeptisch gsi. Ha immer so das Hollywood Bild gha, vo Hechelnde Fraue im Chreis. Das hetti glaubs nid so vertreit
Aber mir händ nur sehr wenig Atemüebige gmacht und meh so zum Entspanne. Sie händ eus de Geburtsvorgang vo a-z erklärt, mir händ verschiedeni Stellige güäbt (das isch luschtig gsi) und verschiedeni Arte vo dr Geburt agluegt wiä Wassergeburt, Kaiserschnitt, normal, die ganze Grätli wiä Mayahocker etc. Das isch au uuu hilfrich gsi. Denn chli Geburtsvorbereitig, was mir mache chänd zum wehefördere wenn Termin überschritte isch (oder so wiä ich jez wenn gnueg häsch 
), Dammmassage. Dm gg isch zeigt worde, wiäner mi Massiere chan zum Weheschmerz verarbeite oder auch jez scho zum entspanne. Das machter ganz guet 
. Am Schluss hämer no dörfe d Gebärabteilig aluege, wil gad nüt los isch gsi 
. Z geburtshuus wo ihr euch usgsuecht händ, hät sicher au so es Agebot. Finds ebe guet wenns gad da chasch mache, denn lehrsch meischtens scho d Hebamme nöcher känne und au die eint oder ander Schwangeri wo vilicht mit chli glück im Wuchebett wieder triffsch. Wobi wiä isch das ime Geburtshuus? Gasch da nach de Geburt gad wieder hei? Also quasi ambulant?
jo so in etwa seht mini Vorstellig au us 
im Kreis hocke und um die wette hecheln 
. Hoffe dass bald TR chunnt und glich de Zyklus normal witergaht!
wie isch eigentlich d geburt gange?