Scho bim erste Mal “probiere” häsch du dä Wäg zu ois gfunde und wo s`Mami dänn am
7. Mai 2011 en positive Schwangerschaftstest hät chönä i dä Händ halte isch sie und dä Papi natürli überglücklich gsi…
D`Schwangerschaft ich sowit guet verlofe nur hät s`Mami ab und zue en härte Buch gha und hät drum ab em November nur no 50% und ab em Januar ganz ufghört z`schaffe.
Au bim Ultraschall häsch es du immer interessant gmacht und nie richtig wöllä zeige öb Männdlein oder Weiblein, häsch halt det scho gwüsst, was wetsch ;0) ! D`Ärztin hät drum immer uf es Meitli tippt (s`Mami hät scho immer g`wüsst,
dass sie es Meitli überchunt, dä Papi hät immer uf en Bueb g`schwört
) !1 Wuche vor em Geburtstermin hät s`Mami langsam d`Schnautze voll gha vom Schwangersii und isch so gespannt gsi uf dich und hät drum agfange jede Tag d`Vitaparcourstäge ufezlaufe und Wehetee trunke….
Am Samstag, 14. Januar 2012 händ s`Mami und dä Papi namal ä Ladig Tee poschtet und det hät s`Mami scho gspührt, dass sich öpis tuet im Buuch …
Am 15 Uhr sind Sie sind dänn no uusgibig go Spaziere und s`Mami hät scho langsam bizli Wehe gha im Abstand vo öpä 10min. Chum dihei acho isch s`Mami dänn id Badewanne gläge zum luege öb d`Wehe stärker wärdet, und Siehe da: “Wehe immer no da und sogar no stärker”! Nach dem entspannende Bad hät s`Mami dänn ämal im Spital aglütet und gfräget was sie sölled mache. D`Hebamme hät dänn gmeint sie sölled ämal verbi cho um es CTG z`mache.
Am 18 Uhr sind Dini Eltere im Spital z`Bülach acho und sind dänn vonere nette Hebamme in Empfang gno worde. Au s`CTG hät scho regelmässigi Wehe anzeigt im 5min.-Takt, aber da dä Muttermund erscht 1cm offe gsi isch, hät d`Hebamme dini Eltere gschickt zum öpis go Esse und sie sölled am 21 Uhr wider cho. Sie sind dänn kurzerhand in Mc-Drive und mit em Esse zu dim Ur-Grossmami wo im Nachberdorf wohnt gfahre. Sie händ d`Hoffnig scho fascht verlore gha und dänkt :“die schicket sie eh wieder Hei“, aber bim Z`Nachtesse sind d`Wehe immer heftiger worde, so dass sie scho am 20.30 Uhr wieder im Spital uftaucht sind. Überraschenderwiise ich dänn dä Muttermund scho 3cm offen gsi und sie händ direkt in Gebärsaal chöne wechsle.
Im Gebärsaal isch es u g`müetlich gsi, es hät so ne Stimmigslampe gha wo immer d`Farb gwechslet hät und dis Mami hät sich uf em Gymnastikball richtig guet chönne entspanne und d`Wehe verschnufe….. Au dä Papi isch e grossi Hilf gsi und hät am Mami immer während dä Wehe dä Rugge massiert und s`Trinke bracht. So isch es dänn witer gange bis am 23Uhr wo`s en Schichtwächsel bi dä Hebamme gä hät. Mir händ dänn e ganz jungi Hebamme zueteilt übercho, s`Mami ich am Afang chli skeptisch gsi. Es hät sich dänn aber usegstellt, dass die jungi Hebamme e mega sympathischi isch und mega viel Ahnig vo ihrem Beruf hät. Zur Entspannig isch dis Mami dänn no id Badewanne gange (sie hät sich immer e Wassergeburt g`wünscht) hät dänn aber scho gli wieder müesse usse, will s`ihre schlecht und trümlig worde isch.
Wieder dusse uf em Gebärbett sind dänn die Wehe immer heftiger worde und s`Mami hät dänn au müesse go erbreche, wo dänn au d`Fruchtblase platzt isch. Die Schmerze sind immer schlimmer worde und Sie hät dänn es Schmerzmittel verlangt, hät aber partout kein PDA wöllä und nur es krampflösends Medikament per Infusion wölle. S`Medikament hät aber gar nümä chönä Nütze, dänn bi dä Untersuechig ich dä Muttermund scho 8cm offen gsi und scho gli drufabe händ die Presswehe agfange. Wahnsinnig wie dä eigeni Körper eifach funktioniert und mer nüt dägäge chan mache…. Wo`s dänn nur no en chline Saum um dä Muttermund gha hät, hät d`Hebamme dä vo Hand über s`Köpfli vo dir gestülpt, was nöd grad so agnehm gsi isch
). Plötzlich isch es dänn chli hektisch worde, Dini Herztöndli sind schlecht worde und s`Köpfli isch nach de Wehe immer wieder zrug grutscht. S`Mami hät dänn ganz viel verschiedeni Positione müesse usprobiere (Vierfüssler, Seitenlage, Rückenlage) aber d`Herztöndli sind eifach nid besser worde. Darum händ sie dä Oberärztin aglütet.
Chum isch d`Oberärztin da gsi händ sie entschiede, Wehemittel z`gä und dass sie dich mit dä Glogge tüend hole.
S`Mami hät dänkt: “nur no es par Mal fescht Presse und dänn häsch du dis Wunder i dä Arme” und hät namal alles gä, obwohl die doofi Glogge scho mega weh ta hät…
Und dänn, am 03.23 Uhr isch dä unbeschriblich Moment da gsi, du bisch uf d`Wält cho, häsch grad kräftig brüellt und dä Papi hät d`Nabelschnur dure gschnitte.
Dänn händs mir dich, es chliches Bündeli mit ganz vielne lange, schwarze Haar uf d`Brust gleit. Dä Moment ich eifach unbeschriblich schön gsi und mär chan gar nöd fasse, dass das jetzt s`eigene Baby isch, wo mer so lang druf gwartet und jetzt i dä Arme hät .
Au dä Papi ich ganz hin und weg gsi vo sim Meitli und mir händ dich sicher 1 Stund einfach nur bestuundt und beschnupperet….
Trotz dä Glogge-Geburt hätt`s nur e chlini Schürfig ghä und d`Ärztin hät die mit äs paar Stich g`näht. Dammmassage sei Dank!!! Aber wänn mär das chline Hüfeli Mensch i dä Arme hät und e Geburt überstande hät, isch das no Peanuts dägäge…..
Anschliessend bisch du Leonie g`mässä und g`woge worde.
Liechti 3100g und 51cm lang und ganz viel Wunder…….
S`Mami und dä Papi händ dänn no e heissi Schoggi und es Birchermüesli zur stärkig übercho und nachher ich s`Mami unter Duschi g`sprunge (uf s`Dusche nach de Geburt hät sich s`Mami scho di ganz Ziit gfreut).
Am Morge am 6 Uhr sind mir 2 uf d`Station verleit worde und dä Papi isch hei go pfuuse, dis Mami hät natürli vo luter Glück keis Auge zue ta und hät dich die ganzi Ziit müesse bestuune….
Jetzt sind scho mehr als 4 Wuche vergange und ich könnt mir keis Läbä meh ohne dich vorstelle… Mir liebed dich, oises Pucki..
Dini Eltere
