Ich läse ab und zue da im Forum und starte jetzt grad sälber en Ufruef, will ich nöd genau gwüsst han wo ich mich söll aschlüsse:
Ich (bald 33gi) bin Mami vomene 15 Monate alte Bueb und schaffe 60%. A mine zwei freie Täg (Mi/Fr) bini gern mit mim Sohn unterwägs - es muss eifach immer chli öpis laufe. Mängisch gangi mit Chinderwage go jogge oder gang in Zoo, is Hallebad, eifach chli verussä go spaziere, uf dä Spielplatz (verusse/indoor). Mir händ gern Lüt um euis, anderi Chind im gliche Alter sind suuper und zäme spiele au mal dihei macht mim chline mega spass.
Als bruefstätigs Mami find ichs oft schwierig mit anderne Mamis öpis abzmache (känn au nöd so viel mit Chind im gliche Alter i dä nöchere Umgebig) und vorallem bi wüeschtem Wetter isches allei mängisch chli langwiilig.
Viellicht gahts anderne Mamis i dä Umgäbig glich und ihr händ eifach au Luscht zum öpis zunterneh, mal en Kaffi go trinke (wänns denn gaht) uf en Spaziergang abzmache oder zäme Spielplätz zerchunde..
So sind mir: spontan, für jeglichi Unternehmige zha, gönd gärn verusse, sind gern unter Lüt, Spielplätz sind super, euisi Tür dihei isch immer offe für Bsuech, spaziere und neui Sache entdecke findet mir au lässig, bi wüeschtem Wettter mal ab und zue chli go pöschtele oder i de Selbschtbedienigs-Restaurant de Chinderbereich go usteschte staht au ufem Programm.
Ich als bruefstätigs Mami find go schaffe gha au öpis mega lässigs, käffele und schwätze wenns drin liit isch au super, wett nöd uf Schminki oder au mal lackierti Fingernägel verzichte (ok isch mängisch echt schwierig mit Chind *hahaha*), hans gern unkompliziert und bin mit Auto immer mobil.
Wür mi freue wenn sich öper agsproche fühlt und euis wett träffe und gnauer kännelerne
....
....danke trotzdem viel mal!