Teenie-Mamis

[Jasmin1310]

Hallo zeme
Han denkt es git no ke Gruppe für eus jungi mamis aber au mir sind ja genau gliich...schwanger
Ich kenne ke anderi teenie-mamis und han denkt villicht find ich da Ladies wo das au so gaht und mir eus uf eusi art chönd ustusche.

Liebi grüessli Jasmin;*

[***cinderella***]

was heisst denn für dich jung? aso würki teen aso under 20?

[LenaAimee]

Ich wird au es Teenie Mami !
wür mi freue mich mit "glichgsinnte" chöne zunterhalte

[Jasmin1310]

Cinderella...Ja so öppe.
Also ich bin 17ni und jetz i de 17. Wuche und ihr?

[LenaAimee]

Ich bin 19 und im moment ide 9. wuche
ich bin us kesswil (thurgau) du ?
bish du no ide shuel oder lehr?

[***cinderella***]

jasmin denn fall ich weg:) bin aber au es jungs mami..: mit 22 mis erste und i paar wuche mit 27 mis dritte:)
schöni schwangerschaft wünschi euch..

[Jasmin1310]

Schön z gse dasi ned di einzig bin ich bin au 17ni und chume morn i di 22. Wuche. Wie gats eu so? Und wie gsehts bi eu us mit unterstützig vom Partner, familie etc.

[emu]

da lahni mal en Gruss da. Bi vor 20 Jahr au es Teeniemami gsii und han jetzt euises dritte gmeinsame Wunder im Arm. Wünsche eui allne vill Durchhaltewille, gueti Unterstützig und dass ihr eue Wäg findet mit euine chliine Buuchbewohner. Alles isch möglich!

[bumblegum]

Hoi zäme,

Dänke mol dasi mech auno us teenie mami aluege daf
Be met 19 s erschte mol mami worde, s 2te hani met 24 und jetzt met 27 beni metem 3.wonder schwanger. Dezue gseni no jönger us alsi ben. Werdd emmer so gäg die 18 gschätzt dementsprächend lueged mech dlüüt au aa wen met 2 kind und nem babybuuch onderwägs besch. Mer esches gliich und mini chend send sbeschte womer händ chönne passiere. Lönd dlüüt loh rede

[Alevli]

Hallo zämä ich cha mi no guet drah erinnere wo i mit 17ni ss gsi bin scho lang här zit vergaht schnäll... lueget uf eu und gnüssets. Grüessli