Am 31.05.2007 am 24 Minute vor 12, ben ich äntlich uf d'Wält cho!
Ich ha dänkt, dass ich s'Mami und de Papi due öberrasche und doch no im Mai chume!
Ich ha de no grad d'Hebamme und d'Frau Dokter in Trab ghalte, well ich innerhalb vo 20 min. do gsi be
Die händ schön müesse pressiere
Aber es esch zum Glöck alles guet gange und s'Mami het mi äntlich chönne in Arm neh!
Am Donnschtig morge, am 31. Mai 2007, het s'Mami wie immer welle mit ihrere Kollegin und de Buebe go poschte. Am halbi nüni het Danja glütet und gseit, sie fahre feng in Migros, mer sölled denn au cho, wenn d?Julia wach esch... Wenn die wösst
S'Mami het denn am nüni miis Schwöschterli gweckt well sie Danja ned länger het welle loh warte. Sie het denn Chleidli för d'Julia usegsuecht und i dem Momänt het sie es luuts knacke ghört! Sie esch au grad no mit em Grossmami am Telefon gsi und het de grad gseit, dass sie chum werd go poschte... Well i dem Momänt het sie gemrkt, dass ihri Blose gsprung. esch...
S'Mami het denn i aller seelerueh em dokter und im Spital aglütet und denn au no de Papi informiert wo de au gli do gsi esch.Sie het denn no de Räschte packt und gluegt wo mer d'Julia chönd hegeh zum hüete... Leider esch natürlich usgrächnet niemmert umme gsi, bis eus in Sinn cho esch, dass mer no d'Belinda chönd froge, sie het jo am Donnschti frei. De PApi esch also ganz schnäll mit de Julia ufe und es het tatsächlich klappet. Denn esch es los gange in Spital. Am zähni simmer denn det gsi. Bis am elfi het s'Mami no nüt gmerkt und et au no telefoniert und äntlich au Danja verwötscht wo sicher öber ei Stund im Migros uf eus gwartet het
Denn nam viertel ab elfi esches los gange... S'Mami het Wehe öbercho wo sie langsam afo het gspüre. D'Hebamme het ihre es Bad lo ilaufe. Ich glaub, die het ned gahnt, dass das Mami nömme werd bruuche ... Es esch denn so rasant gange, dass sie gar nömme het noche möge und uf eimol esch de Saal voll gsi mit Lüüt. D'Frau Dokter het de schnäll no d'Glogge zückt, well ich es Stärnguckerli gsi be... Schiibar chömed die soscht per Kaiserschnitt uf d'Wält. Miis Mami hets aber zum Glück au ohni fertigbrocht... Denn esch alles so schnäll gange und am 6 Minute ab halbi zwölfi ben ich do gsi Nach numme grad 20min... S' Wasser esch jetzt grad fertig igloffe gsi
