Geburtsbericht Samiya(Noémijael1984)..

[Noémijael1984]

Also ich bin am 8.12.2008(ein Tag vor em ET) namal zum Frauearzt id Kontrolle,han denn müsse as CTG..det het er gfunde,dHerztönli vo de Chline seged chli zhöch,er weli na en US mache..det het er denn xeh dass di Chli Muus fascht kei Fruchtwasser me het und dPlazenta scho sehr verkalkt isch..(nach sinere ussag wie wenn ich scho i de 41,oder 42.SSW wär)er het denn xeit er möchti das ich gad direkt in Spital ängi vo ihm,er weli nüme warte,die sölled ileite..mit eme Bricht vo ihm bini denn recht nervös(na ja me ängschtlich)in Spital..det hani na so cheibe lang müsse warte,will alli Zimmer bsetzt xi sind..woni denn endlich dra ch bin,hends mer zerscht mal 1 liter Wasser geh zum trinke wills gfunde hend,das mit de Herztönli chöni dra ligge,dasi zwenig trunke han..sind denn au chli abe..bim US het denn dFA gmeint,neinei die het zwar nüme vil,aber na gnueg Fruchtwasser,ich chöni wieder hei,müssi aber zur Sicherheit jede Tag verbi cho zum CTG..Ja denn bini wieder gange..

Am 9.12.2008 denn bini as CTG und wieder hei..

Am 10.12.2008 het mi zum Glück mini Muetter bracht,will sie hend denn namal US gmacht,und hend fascht kei Fruchtwasser me gfunde..die hend öpe e Stund usgmesse und umegschallt(het mer fäng weh gmacht,wil die Chli ständig degege gingged het und umezapplet,und ich han ja fascht kei FW me als Dämmig gha..)und hets gheisse,me well di chli nid gfärde,ich müssi blibe,sie tüeged ileite(das isch am 10:30 xi)..sie hend mi denn in es Vorbereitigszimmer bracht,mini Mami isch i de Zwüscheziit mini Spitaltäsche go hole..denn hends mer gad e Infusion gsteckt mit irgend sonere Lösig vo chli understütze wür wegem Fruchtwassermangel,und denn hani serschte Zäpfli übercho,30min müsse am CTG ligge und denn namal 30min ligge(isch im Fall Hammer xi mit voller Blase,wili ja di ganz Ziit wieder han müsse Wasser trinke.. )vo denn a hani all 4 Stund die Prozedur gha,aber nid ei einzigi Wehe..

Am nöchschte Tag ischs denn wiiter gange,und nach em 6.(!!)Zäpfli und immer na Nulllinie hani denn mit mim Schatz diskutiert,dass es so nid chan wiitergah..ha denn mit ere Hebamme gredet wege Kaiserschnitt,und sie het xeit si heti mir das au als nöchschts Vorgschlage wil das bringi nüt..mer hend denn aber xeit mer nehmed die 2 letschte Zäpfli na und wenn denn nüt passiert machemer am nöchschte Tag en KS..ja und am Abig ENDLICH hani es paar Wehe gha..mir hend eus so gfreut dass es losgaht,au dHebamme isch de Meinig xi mol das chönt na öpis werde..aber denkste,bin denn irgendwenn igschlafe(min Schatz isch bi mer blibe und het au pfused)und bin denn verwachet und wieder Nulllinie..dNachtschwöschter het au xeit wenns rechti Wehe xi wäred,heti au sicher nid chöne schlafe..Na ja..han denn wieder gschlafe und am nächschte Tag isch am 9i dChefärztin verbi cho go rede..sie het denn xeit es gebi verschideni Möglichkeite,entweder ich gächi namal en Tag hei und chämi denn namal cho ileite,was sie aber nid empfehli,wil das ja mit em FW seg,oder ebe KS..hend eus natürlich denn für de KS entschide(ich han au kei Nerve me gha vo dem umeligge und zäpfle,han nume na wele dass es vorwärts gaht..)de Termin isch denn uf di 14:00 agsetzt worde..min Ma het drufabe xeit er gächi namal hei,es seg ja erscht halbi 10i,go dusche und na es paar frischi Chleider für mich ga hole und isch gange..mich hends denn in Gebärsaal bracht,dasi cha dusche und namal as CTG..

Ja und nach em dusche uf eimal chunt dHebamme ine und frögt,wie wiit min Mah scho gfahre seg er müsse sofort umchere sie heged es Loch,und ich seg i 30min dra..Super,hani ihm aglüte,er isch gad vor eusere Huustüre gstande,und er isch gad wieder umkehrt(vo eus diheime bis in Spital sinds gad öpe 30min)ha denn de Hebamme xeit er segi unterwegs,und uf eimal isch alles uhuere schnell gange..neui Infusion,Katheter,umzieh und denn hends mi scho richtig Lift gfahre(sie hend vor em Lift gwartet bis min Mah chunt,er het denn direkt müesse mit abe cho..)

Er isch denn ga umzieh,mich hends umglageret und vorbereitet für dNarkose im Rugge..es sind uh netti Anästesieärzt xi dunne,aber de wo gstoche het heti chöne ad Gurgle,er het nid troffe,und het darum 2mal müesse steche..Na ja..und denn ischs au scho losgange..Ich han erstunlicherwiis gar kei Angscht gha,ich han mi eifach nume gfreut..denn het dÄrztin xeit so es gaht nüme lang ich xeh scho sChöpfli,sie hend di chli abedruckt(das het echli weh gmacht,sie hend zdritte müesse drucke)min Schatz het denn überegluegt und xeit sChöpfli segi dusse,und denn schwupps isch sie dusse xi und het afange schreie,genau am 12.12.2008 am 10:50..Hey ich han nume na ghület,sie hend si mer zeigt,denn sinds mit em Mah ufe und mich hends zuegnäht..sie hend mer denn ebe xeit dass das mit de Gebärmuetter passiert segi(sie isch grisse wäred de OP's,geg abe,das bedütet ich chan nie me natürlich gebäre),aber mich hets i dem Moment gar nüme so interessiert,ha nume na ghofft dass die vorwärts mached und ich ufe chan...

und denn hani endlich chöne ufe und mini chlni Muus in Arm neh..so schön,unbeschrieblich..=)

Es isch recht turbulent xi und absolut nid so abgloffe wie ichs mer gwünscht han,aber de Chline gahts guet und sie isch endlich da,das isch dHauptsach,egal wie das es Schlussendlich usecho isch:-)
(ich hoffe ist kein Problem auf Schweizerdeutsch,habs von meiner Homepage kopiert)

[Selonder]

Habe gerade Deine HP angeschaut, Du hast ja ein supersupersüsses Mädchen geboren.. sooo schön!

[AnYaMa]

woow noemi, mami no guet a die zit erinnere d zit vergeit u schnäu!
wie geits euch 3ne?? heiters guet?
grüessli Ananas

[Kleinemaus]

Hey Noemi..
wow,ja ich mag mich auch noch sehr gut erinnern,wir haben soooo mit dir mitgefiebert Und jetzt ist die süsse Maus schon 4Monate alt!! Wie doch die Zeit vergeht

(hoi Angi,hab dich gefunden )

[schlingel]

Gratuliere zu dinere härzige Tochter. Danke für din Bricht und ich wünsch euch vo Härze alles Liebi und Gueti. Bin echt froh, dass alles nomol guet usecho isch und ihr Beidi änand chönnd gnüsse.

[AnYaMa]

jo he schon 4 mlnate alt, die zeit vergeht wirklich extrem!
huhu chlinimuus musst ins regional forum kommen wo ich dir gesagt habe

[Noémijael1984]

hallo AnYaMa
Schön von dir zu hören..jawohl die Zeit vergeht:-)welches Regionalforum?

[AnYaMa]

NoemiJael geht es euch 3 gut?? alles ok?
ah das mit dem Regional forum meinte ich zur Kleinemaus, ist ein solothurn regions forum....

[Noémijael1984]

ach sooo:-)Danke uns geht es sehr gut..die Kleine wachst und wachst..ich stille bis auf einen Abendschoppen noch voll,klappt super..sie ist mittlereile 6920gramm und 64cm..(na ja jetzt sicher schon 7000gramm:-)wie geht es euch?seit ihr schon am üben für das Zweite?:-)

[AnYaMa]

super, schön zu hören! an einem kind merkt man erst recht wie die ziet vergeht!
wow super das du immer noch stillen kannst, hoffe kann beim 2.auch lenger stillen....
danke uns geht es auch super, manndli ist gerade im wk noch diese woche!
nein noch nicht, mein mann möchet aber ich noch nicht, fühle mich noch nicht bereit, stimmt noch nicht für mich
gehe heute nachmitag noch 3 monatspackungen pille holen und danach denke ich auch das ich die pille absetze!
bei Yael hats extrem schnell einegschlagen, da haben wir nicht geübt wer weiss beim 2.